Levítico 24:11 - Q'eqchi Bible

¹¹ Sa' jun kutan li winq a'in ut jun chik aj Israel ke'xwech'i rib' sa' li xmuheb'aaleb', ut li xyum li ixq aj Israel kixmajewa xk'ab'a' li Qaawa'. Toja' naq kik'ame'k chiru laj Moisés

Li Santil hu

¹¹ Li cui̱nk, lix yum li ixk aj Israel, quixhob ut quixmajecua xcꞌabaꞌ li Ka̱cuaꞌ. Joꞌcan nak quicꞌameꞌ riqꞌuin laj Moisés. Lix naꞌ Selomit xcꞌabaꞌ. Aꞌan lix rabin laj Dibri xcomoneb li ralal xcꞌajol laj Dan.

Levítico 24:11 ပူးပေါင်းရင်းမြစ်များ

Isaías 8:21

Te'xb'eeni rib'eb' li tenamit chi ra sa' xch'ooleb' ut te'tz'okaje'q; ut naq yooq li xtz'okajikeb', te'josq'o'q ut te'xmajewa li awab'ej ut li xYoseb'. Toja' naq te'iloq sa' li choxa;

Li xHu LAJ JOB 2:5

Ab'anan charahob'tesi li xjunxaqalil, ut ch'olch'o naq sa' junpaat tatxmajewa sa' xnaq' aawu, chan laj tza.

Éxodo 20:7

“Maapatz' xk'ab'a' li Qaawa' laaYos sa' tik'ti', xb'aan naq li Qaawa' ink'a' tixkanab' chi ink'a' ta tixtoj xmaak li ani taapatz'oq xk'ab'a' sa' tik'ti'.

Éxodo 18:26

Ut eb' a'in neke'raqok aatin sa' xb'een li tenamit chiru chixjunil li kutan: li xninqal xch'a'ajkilaleb' neke'xk'am chiru laj Moisés, ab'an wi kok' li ch'a'ajkilal, a'aneb' ajwi' neke'raqok aatin chirix.

Éxodo 18:22

Eb' a'an te'raqoq aatin sa' xb'een li tenamit chiru chixjunil li kutan; tule'xk'ut chawu li xninqal xch'a'ajkilaleb', ab'an wi ink'a' nim li ch'a'ajkilal, tento naq eb' a'an te'raqoq aatin chirix. Chi jo'kan taaseeb'o'q laawiiq xb'aan naq eb' a'an tate'xtenq'a chi xk'amb'al.

Éxodo 3:15

Chirix chik a'an li Yos kixye re laj Moisés: “Jo'ka'in taaye reheb' laj Israel: «Li Qaawa' Yos, li xYos leexe'toonil yuwa', li xYos laj Abrahán, laj Isahak ut laj Jakob, xinxtaqla chaq eerik'in». A'inaq link'ab'a' chi junelik, ut a'in tine'xyaab'a wi' li tenamit junq'e junq'e kutan.

Apocalipsis 16:21

Ut kit'ane'k chaq ninqi saqb'ach sa' choxa sa' xb'eeneb' li tenamit, o'taqk'aal liib'r raalal li junjunq; ut eb' li tenamit ke'xmajewa li Yos xb'aan xrahil li saqb'ach, xb'aan naq relik chi yaal naq a'an jun nimla rahilal.

Apocalipsis 16:11

ke'xmajewa li xYos li choxa xb'aan li rahilal ut eb' li xox, ab'an ink'a' ke'xjal xk'a'uxeb' chirix li xb'aanuhomeb'.

1 Timoteo 1:13

Ut laa'in aj majewanel naq kinwank chaq junxil, aj rahob'tesinel ut aj hob'onel; ab'an li Yos kiruxtaana wu xb'aan naq xmajelal inna'leb' kinb'aanu wi' a'in, naq toj maji' nin'ok chaq chi paab'ank.

Romanos 2:24

Relik chi yaal, jo' naxye li Santil Hu, “eemaak laa'ex majewanb'il xk'ab'a' li Yos sa' xyanqeb' li junch'ol chik”.

San Mateo 26:65

Toja' naq li xyuwa'il aj tij kixq'ich li raq' ut kixye: —Xmajewa li Yos! K'a' chik te'ok wi' qe li testiiw? Xerab'i anaqwan, xmajewa li Yos.

Salmos 74:22

Waklin chaq, at Qaawa', kol rix laawankil; jultikaq aawe naq li jip yo chahob'b'al chi junelik.

Salmos 74:18

Chinaq sa' laach'ool, at Qaawa': laj xik'il uuchinel nakatxmajewa; jun jip aj tenamit neke'xtz'eqtaana laak'ab'a'.

Li xHu LAJ JOB 1:22

Rik'in chixjunil li rahilal kixk'ul laj Job, ink'a' kimaakob'k ut maak'a' ink'a' us kixk'oxla chirix li Yos.

Li xHu LAJ JOB 1:11

Ab'anan charahob'tesi ut chawisi jo'nimal wank re: ch'olch'o naq sa' junpaat tatxmajewa sa' xnaq' aawu!

Li xHu LAJ JOB 1:5

Sa' xraqik li junjunq chi ninq'e laj Job naxb'oqeb' li ralal ut namayejak re te'kuye'q li xmaakeb'. Nawakliik toj eq'la ut naxyeechi'i li xk'atb'il mayej chiru li Yos, sa' xk'ab'a' li junjunq chi ralal. Xb'aan naq naxye sa' xch'ool: “Mare eb' li walal xe'xmajewa li Yos sa' xch'ooleb'”. Ut junelik naxb'aanu chi jo'kan.

2 Reyes 19:22

Ani xahob' ut xak'e sa' xutaan? Ani li xataqsi laawaatin sa' xb'een ut xakub'si xwankil? A' li xSantil Yos laj Israel!

2 Reyes 19:10

“Jo'ka'in teeye re laj Esekías, awab'ej re Judá: «Matxb'alaq'i laaYos li k'ojk'o wi' laach'ool, rik'in xyeeb'al naq li tenamit Jerusalén ink'a' taat'ane'q sa' ruq' li awab'ej re Asiria.

2 Reyes 19:6

kiyehe'k reheb': “Yehomaq re laj eechal eere chi jo'ka'in: «Jo'ka'in xye li Qaawa': Matxiwak xb'aaneb' li aatin xawab'i, a' linhob'b'al xe'xb'aanu laj k'anjel chiru li awab'ej re Asiria.

2 Reyes 18:37

Toja' naq laj Eliakín, laj ilol re li rochoch li awab'ej, ralal laj Jilkías, jo'wi' laj Sebná laj tz'iib' ut laj Johaj, ralal laj Asaf, xjolomileb' laj k'anjel, ke'wulak rik'in laj Esekías, chi q'ichilk chik li raq'eb', ut ke'xseeraq'i re li k'aru yeeb'il chaq xb'aan li xnimal ru aj k'anjel aj Asiria.

2 Reyes 18:35

K'a' chi yosil, sa' xyanq chixjunileb' li xyoseb' li tenamit, xkol ta li xtenamit sa' wuq' laa'in? Chan put ru naq li Qaawa' tixkol li tenamit Jerusalén sa' wuq'?»”.

2 Reyes 18:30

Chi moko chepaab' wi tixye naq k'ojk'ooq eech'ool rik'in li Qaawa'. Meepaab' wi tixye eere: «Li Qaawa' taakoloq qe; li tenamit a'in maajoq'e taat'ane'q sa' ruq' li awab'ej re Asiria».

1 Reyes 21:13

Toja' naq li wiib'eb' li ink'a' useb' xna'leb' ke'xchunub' rib' chiru laj Nabot re xjitb'al ut ke'xye chi jo'ka'in: “Laj Nabot xmajewa li Qaawa' ut li awab'ej”, chankeb'. Tikto ke'risi laj Nabot chirix li tenamit ut ke'xteni chi pek toj reetal kikamk.

1 Reyes 21:10

Sik'omaq wiib'aqeb' li winq ink'a' useb' xna'leb' li te'jitoq re ut te'xye chi jo'ka'in: «Xamajewa li Qaawa' ut li awab'ej». Toja' naq teerisi laj Nabot chirix li tenamit ut teeteni chi pek toj reetal taakamq”.

2 Samuel 12:14

Ab'anan xb'aan li maak xab'aanu rik'in xtz'eqtaanankil li Qaawa', laak'uula'al li toje' xyo'laak taakamq”.

Éxodo 22:28

“Maamajewa li Yos chi moko taamaa'usila li xb'eenil li tenamit.

Levítico 24:10

Sa' xyanqeb' laj Israel kiwank jun li winq, aj Israel li xna' ut aj Ejiipt li xyuwa'. Li xna' li winq, a'an xSelomit xk'ab'a', xrab'in laj Dibrí sa' xteepal Dan.