Levítico 23:14 - Q'eqchi Bible

¹⁴ Toj taawulaq xkutankil naq teek'am leemayej chiru li Qaawa', ink'a' naru texwa'oq wa, chi moko k'ilenb'il triiw chi moko q'unil triiw. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol, yalaq ta b'ar wanqex.

Li Santil hu

¹⁴ Nak te̱qꞌue le̱ mayej acui̱mk re li Dios, incꞌaꞌ naru te̱cuaꞌ li caxlan cua yi̱banbil riqꞌuin trigo, chi moco te̱tzaca li trigo chi rax, chi moco chi qꞌuilinbil. Nak acak xeqꞌue le̱ mayej, naru te̱tzaca aꞌan. Li chakꞌrab aꞌin reheb le̱ ralal e̱cꞌajol anakcuan ut chi junelic kꞌe cutan aꞌ yal bar cua̱nkex.

Levítico 23:14 ပူးပေါင်းရင်းမြစ်များ

Éxodo 34:26

“Taak'am sa' rochoch li Qaawa' laaYos li xchaab'ilal li xb'een ru laawawimq li na'elk sa' laach'och'. “Maachiq li ch'ina chib'aat sa' xya'al xtu' li xna'”.

Nehemías 9:14

Kak'e chixnaweb' laaloq'laj sábado ut kachaq'rab'i laj Moisés aj k'anjel chawu xk'utb'al laataqlahom, laawaatin ut laachaq'rab' chiruheb' laj Israel.

Deuteronomio 16:12

Jultikaq aawe naq katwank chaq chi munil aran Ejiipt; jo'kan naq taayal aaq'e chi xpaab'ankil li chaq'rab' a'in.

Levítico 10:11

ut texruhanq ajwi' xtzolb'aleb' laj Israel rik'in chixjunil li xchaq'rab' li Qaawa' xk'ehom re laj Moisés cho'q eere”.

Levítico 3:17

“A'an a'in jun chaq'rab' twanq chi junajwa cho'q reheb' li jar teep chi tenamit chaalel, yalaq b'ar wanqeb': ink'a' taatzekamanq li xeeb' chi moko li kik'”.

Salmos 19:8

Li xchaq'rab' li Qaawa' a'an tz'aqal re ru, k'ajo' naq nak'ojob'ank ch'oolej; li xtaqlahom li Qaawa' a'an yaal, naxk'e xna'leb'eb' li tuulan.

Levítico 2:14

“Wi taak'am chiru li Qaawa' junaq laamayej k'aj ut a'an xb'een ru laawawimq, tento naq cheekaq chi us, joranb'ilaq sa' xam malaj a' li toj rax taamayeja chi poch'b'il.

Éxodo 27:21

Laj Aharón rochb'eeneb' li ralal te'iloq re chiru li Qaawa', sa' xMuheb'aal li ch'utam, junpak'al li t'ilkem li wank chi xk'atq li xLoq'laj Kaaxil li Sumwank, chalen ewu toj eq'la. A'in jun chaq'rab' xaqxooq xwankil chi junelik cho'q reheb' li ralal xk'ajol laj Israel.

Levítico 23:31

“Maajun junaq k'anjel teeb'aanu. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol, yalaq ta b'ar wanqex.

Levítico 23:41

Rajlal chihab', sa' li xwuq po, chiru wuqub' kutan, texninq'ehiq sa' xk'ab'a' li Qaawa'. A'in jun chaq'rab' xaqxooq xwankil chi junelik cho'q eere laa'ex ut cho'q reheb' leeralal eek'ajol.