Levítico 22:9 - Q'eqchi Bible

⁹ “Ye reheb' naq xpaab'aqeb' linchaq'rab'; chi jo'kan ink'a' te'riiqani junaq maak chi moko te'kamq yal sa' xk'ab'a' naq xe'xq'etq'eti rib'eb'. Laa'in li Qaawa', li ninsantob'resink reheb'.

Li Santil hu

⁹ Chixjunileb laj tij teꞌxba̱nu li chakꞌrab li quinqꞌue reheb. Cui incꞌaꞌ teꞌxba̱nu teꞌma̱cobk ut teꞌca̱mk xban nak teꞌxkꞌet li chakꞌrab. La̱in li Ka̱cuaꞌ. La̱in ninsantobresin reheb.

Levítico 22:9 ပူးပေါင်းရင်းမြစ်များ

Éxodo 28:43

Tento naq laj Aharón ut eb' li ralal te'wanq xweexeb' naq te'ok sa' li xMuheb'aal li ch'utam malaj naq te'nach'oq rik'in li artal chi k'anjelak sa' li Loq'laj Na'ajej; chi jo'kan ink'a' te'paltoq ut ink'a' te'kamq. Teneb'anb'ilaq chi junajwa li chaq'rab' a'in sa' xb'een laj Aharón ut eb' li ralal xk'ajol.

Números 18:32

Rik'in a'an maak'a' junaq maak sa' eeb'een, xb'aan naq ak xeq'axtesi cho'q re li Qaawa' li jwal chaab'il. Chi jo'kan ink'a' teemux ru li xloq'laj yeechi'omeb' laj Israel, ut ink'a' texkamq”, chan li Qaawa'.

Números 18:22

Eb' laj Israel ink'a' chik te'jiloq chi xk'atq li Loq'laj Na'ajej. Wi te'xb'aanu a'an, te'maakob'q ut te'kamq.

Levítico 22:16

chi moko te'xk'e chiriiqani li xmaa'usilaleb' sa' xk'ab'a' xtzekankil li k'a'aq re ru osob'tesinb'il. Laa'in li Qaawa', li ninsantob'resink reheb'”.

Levítico 16:2

Ut li Qaawa' kixye re laj Moisés: “Ye re laj Aharón laawas naq ink'a' chi'ok yalaq jo'q'e sa' li tijob'aal li wank junpak'al li t'ilkem, chi moko chiru li xtz'apb'al xb'een li Loq'laj Kaax, re naq ink'a' taakamq; xb'aan naq laa'in tink'utb'esi wib' sa' jun li choql sa' xb'een li artal.

San Mateo 23:17

Maak'a' eena'leb' ut mutz'ex, xb'aan naq b'ar wank li q'axal nim xwankil: ma li oor malaj li rochoch li Yos li nasantob'resink re li oor?

Levítico 16:13

tixk'e li k'ajpom sa' ru xam chiru li Qaawa', ut li xsib'el taanujaq chirix li xtz'apb'al xb'een li Loq'laj Kaax re naq ink'a' taakamq.

Levítico 18:30

Jo'kan b'i' paab'omaq linchaq'rab' ut mext'ane'k sa' li yib' aj b'aanuhom li xb'aanumank xb'enwa cheru laa'ex, chi moko chetz'ajni eerib' rik'in a'an. Laa'in li Qaawa' leeYos”.

Deuteronomio 11:1

“Chera li Qaawa' leeYos ut chepaab' chi junelik chixjunil li aatin, li xtaqlahom, li xchaq'rab' ut leechaq'rab'inkil.