Levítico 22:2 - Q'eqchi Bible

² “Ye re laj Aharón ut reheb' li ralal xk'ajol naq tento te'roxloq'i li k'a'aq re ru neke'xmayeja chiwu eb' laj Israel, re naq ink'a' te'xmux linloq'laj k'ab'a'. Laa'in li Qaawa'.

Li Santil hu

² —Ta̱ye re laj Aarón ut reheb li ralal nak teꞌxqꞌue xlokꞌal li santil mayej li nequeꞌxkꞌaxtesi chicuu eb laj Israel re nak incꞌaꞌ teꞌxmux ru lin santil cꞌabaꞌ. La̱in li Ka̱cuaꞌ ninyehoc re aꞌin.

Levítico 22:2 ပူးပေါင်းရင်းမြစ်များ

Deuteronomio 15:19

“Chixjunileb' li xb'een ral eb' laawakax malaj eb' laakarneer, wi teelomeb', taaq'axtesiheb' re li Qaawa' laaYos. “Maak'e chi k'anjelak li xb'een ral laawakax chi moko taab'es li rismal li xb'een ral laakarneer.

Levítico 18:21

“Maajun laawalal aak'ajol taamayeja chiru li yos Molok. Maatz'eqtaana li xk'ab'a' laaYos chi kama' a'an. Laa'in li Qaawa'.

Números 18:32

Rik'in a'an maak'a' junaq maak sa' eeb'een, xb'aan naq ak xeq'axtesi cho'q re li Qaawa' li jwal chaab'il. Chi jo'kan ink'a' teemux ru li xloq'laj yeechi'omeb' laj Israel, ut ink'a' texkamq”, chan li Qaawa'.

Levítico 22:32

“Meemux ru linloq'laj k'ab'a' re naq chi jo'kan santob'resinb'ilaqin sa' xyanqeb' laj Israel. Laa'in li Qaawa', li ninsantob'resink eere laa'ex

Levítico 19:12

“Meeye eejurament sa' ink'ab'a' chi yal tik'ti', xb'aan naq chi jo'kan taatz'eqtaana li xk'ab'a' laaYos. Laa'in li Qaawa'.

Éxodo 28:38

Taakanaaq sa' xb'een xpeekem laj Aharón, xb'aan naq laj Aharón taa'iiqaninq reheb' li maak li te'xb'aanu eb' laj Israel sa' xyeechi'inkil chixjunileb' li loq'laj mayej. Tento naq junelik wanq sa' xb'een xpeekem, re naq eb' laj Israel te'xtaw usilal chiru li Qaawa'.

Éxodo 13:12

chaq'axtesi sa' ruq' li Qaawa' chixjunileb' li xb'een alalb'ej. Jo'kan ajwi' chixjunil li xb'een ral laaketomq rehaqeb' li Qaawa', wi teelomeb'.

Levítico 21:6

te'xq'axtesi b'an rib' chi junajwa re li xYoseb' ut ink'a' te'xmux li xk'ab'a', xb'aan naq a'aneb' neke'q'axtesink li k'atb'il mayej ut li xmayej wa li xYoseb'; jo'kan naq tento santaqeb'.

Levítico 20:3

Laa'in tinjosq'o'q sa' xb'een li winq a'an ut twisi sa' xyanqeb' li rech tenamitul, xb'aan naq xmux linLoq'laj Na'ajej ut xtz'eqtaana linsantil k'ab'a' rik'in xq'axtesinkil li ralal re laj Molok.

Levítico 15:31

ut chi jo'kan laa'ex teerisiheb' laj Israel rik'in li xtz'ajnileb', re naq ink'a' te'kamq chi xtz'ajninkil li na'ajej b'arwi' wankin sa' xyanqeb'”.

Levítico 22:1

Li Qaawa' kiraatina laj Moisés ut kixye re:

Esdras 8:28

Chirix chik a'an kinye reheb': “Laa'ex q'axtesinb'ilex re li Qaawa'; jo'kan ajwi' eb' li k'anjelob'aal a'in. Li plaat ut li oor, a'aneb' jun li loq'laj mayej cho'q re li Qaawa', xYos eb' li qana' qayuwa'.

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Ezequiel 44:8

Ink'a' xeraj xb'aanunkil li loq'laj k'anjel chiwu, xeq'axtesi b'an chik sa' ruq'eb' li jalaneb' xtenamit».