Levítico 22:19 - Q'eqchi Bible

¹⁹ tento tixq'axtesi junaq xul teelom, li maak'a' junaq xyajel re naq k'ulb'ilaq chiru. Naru junaq teelom wakax, junaq karneer malaj ut junaq chib'aat,

Li Santil hu

¹⁹ Tento nak li xul te̱lom ut ma̱cꞌaꞌak re̱cꞌ, usta toro, usta carner, malaj ut chiba̱t re nak li Ka̱cuaꞌ tixcꞌul.

Levítico 22:19 ပူးပေါင်းရင်းမြစ်များ

Levítico 1:10

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xkarneer malaj ut xchib'aat, tento naq teelomaq chi maak'a' reek'.

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

1 Pedro 1:19

xexkole'k b'an rik'in li xloq'laj kik'el li karneer maak'a' reek' ut maak'a' xmuxul, a'an li Kriist.

Efesios 5:27

re naq li Iklees taaxaqab'aaq chiru chi k'ajo' xloq'al, chi maak'a'aq xtz'ajnil, chi moko xyocholal malaj k'a'aq chik re ru, santaq b'an ut chi maak'a'aq xq'usb'al.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

San Juan 19:4

Ki'elk wi' chik laj Pilaat chirix kab'l ut kixye reheb': —Ilomaq, tink'am chaq chirix kab'l re teenaw naq maajun xmaak nintaw.

San Lucas 23:47

Naq kiril a'in li xjolomileb' laj puub', kixnima xloq'al li Yos: —Relik chi yaal naq li winq a'in tiik xch'ool, chan.

San Lucas 23:41

Laa'o yaal naq qak'ulub' xk'ulb'al a'an xb'aan naq xq'ajkamunkil li qab'aanuhom, a'ut a'in maak'a' k'aru li ink'a' ta us xb'aanu.

San Lucas 23:14

ut kixye reheb': —Xek'am chaq chiwu li winq a'in jo' aj po'ol xch'ooleb' li tenamit; a'ut laa'in xinpatz'i cheru laa'ex ut ink'a' xintaw junaq xmaak li nekejit wi'.

San Mateo 27:54

Li xjolomileb' laj puub' rochb'eeneb' li yookeb' chi k'aak'alenk re li Jesus, naq ke'reek'a li hiik ut ke'ril li yo chi k'ulmank, k'ajo' naq ke'xiwak: —Relik chi yaal naq li winq a'in Ralal li Yos, chankeb'.

San Mateo 27:24

Kiril laj Pilaat naq maak'a' na'ok wi' ut jun mululij ib' yo chi tiklaak; toja' naq kixpatz' xch'ajleb', kixch'aj li ruq' chiruheb' li tenamit ut kixye: —Maak'a' inmaak laa'in rik'in xkik'el li tiikil winq a'in. Laa'ex yaal eere sa' xb'een.

San Mateo 27:19

Ut naq k'ojk'o laj Pilato sa' li raqleb'aal aatin, li rixaqil kixtaqla xyeeb'al re: “Mik'a' aab'aanu re li tiikil winq a'an, xb'aan naq q'axal ra xinmatk'e ma'laq xb'aan a'an”.

San Mateo 27:4

—Xinmaakob'k, xinq'axtesi xyu'am jun li winq maak'a' xmaak, chan. A'ut eb' a'an ke'xye: —K'a' tqaj wi' laa'o? Il laa'at k'aru taab'aanu.

Levítico 4:32

“Wi li poyanam a'an naxk'am chaq junaq karneer cho'q xmayej chirix li xmaak, tento tixk'am chaq ixqi karneer li maak'a' reek'.

Éxodo 12:5

Tento naq li xul maak'a'aq reek', teelomaq ut junchihab'aq xyu'am. Teesik' a'an sa' xyanqeb' li kok' karneer malaj chib'aat,

Hebreos 9:14

ma toja' ta chik li xkik'el li Kriist li kixyeechi'i rib' chiru li Yos chi maak'a' xmuxul sa' xk'ab'a' li junelik Musiq'ej? Relik chi yaal naq li xkik'el li Kriist tixch'ajob'resi li qak'a'uxl chiru li qakamenaqil k'anjel, re naq took'anjelaq chiru li yo'yookil Yos!

Levítico 21:18

Relik chi yaal naq maajun winq li ink'a' tz'aqal li ink'a' tz'aqal re ru taa'ok chi k'anjelak: ink'a' taak'anjelaq li mutz' malaj li yeq, chi moko li ink'a' tz'aqal re ru li ru'uj ut li xik,

Deuteronomio 15:21

Ut wi wank junaq xyajel, wi yeq roq malaj mutz' malaj wank junaq chik xyib'al ru, ink'a' taamayeja re li Qaara' laaYos.

Levítico 1:2

“Aatinan rik'ineb' laj Israel ut ye reheb': Wi ani eere tixk'am chaq we xmayej xul, tento tixk'e jun reheb' li xwakax malaj reheb' li xkarneer.