Levítico 21:5 - Q'eqchi Bible

⁵ “Ink'a' naru te'xb'es rismaleb' li xjolom, chi moko te'xk'os li xmacheb', chi moko te'xlet'exi xcha'aleb' li xjunxaqalil,

Li Santil hu

⁵ Laj tij incꞌaꞌ tixbes li rismal xjolom chixcꞌatk lix xic, chi moco tixset ruꞌuj lix mach, chi moco tixset lix tibel xban xrahil xchꞌo̱l.

Levítico 21:5 ပူးပေါင်းရင်းမြစ်များ

Deuteronomio 14:1

“Laa'ex ralal xk'ajol li Qaawa' leeYos. Ink'a' teelet'exi leetib'el chi moko teejo b'ayaq leepekem yal sa' xk'ab'a' junaq kamenaq.

Ezequiel 44:20

“Ink'a' te'xjo li xjolomeb', chi moko te'xkanab' chi chamo'k rismaleb' li xjolom.

Miqueas 1:16

At tenamit Jerusalén, b'es laawismal xb'aan li rahilal sa' xk'ab'a'eb' laawalal aak'ajol li nakaraheb'. Jo laajolom, kama' li xjolom li t'iw taakanaaq, xb'aan naq eb' laawalal aak'ajol te'k'ame'q sa' ab'l tenamit chi najt aawik'in”.

Amós 8:10

Tink'e naq leeninq'e taakanaaq cho'q rahil ch'oolej ut chixjunil leeb'ich cho'q tz'uyink. Tink'e naq chejunilex teeb'at eerib' sa' q'es ruhil t'ikr ut teejo leejolom xb'aan xrahil eech'ool. Texyaab'aq jo' tawi' xkamk leeralal jun chirib'il, ut chixjunil junes rahilal toxraqe'q wi'.

Jeremías 48:37

Chixjunileb' xe'xjo li xjolomeb' ut li xmacheb'; xe'xsetatq xsa' li ruq'eb' ut xe'xk'e q'es ruhil t'ikr chirixeb'.

Jeremías 16:6

Sa' li tenamit a'in te'kamq eb' li kok' ut ninqi poyanam, ut maajun reheb' taamuqe'q. Ink'a' taawanq rahil ch'oolejil; maajun taayaab'aq chirixeb' chi moko te'xjo li xjolomeb'.

Isaías 22:12

Sa' li kutan a'an li Nimajwal Yos xexb'oq chi yaab'ak ut chi q'oqonk, re teejo li rismal leejolom ut xk'eeb'al cherix li q'es ruhil t'ikr.

Isaías 15:2

Eb' li wankeb' Dibón xkoheb' chi yaab'ak sa' li tijob'aal wank chi tzuul; ut eb' laj Mohab xyot'e'k xch'ooleb' xb'aan li nimla rahilal li xe'xk'ul li tenamit Nebo ut Mádaba. Chixjunileb' xe'xjo li rismal xjolomeb' ut li xmacheb'.

Levítico 10:6

Chirix chik a'an laj Moisés kixye re laj Aharón ut reheb' li ralal, a' laj Elehasar ut laj Itamar: “Meehit leerismal chi moko teeq'ich leeraq' re xk'utb'al xrahil eech'ool. Mare anchal texkamq ut taachalq xjosq'il li Yos sa' xb'een li komonil. Li tento te'yaab'aq wi' leerech aj Israelil, a'an: naq xraho'k xch'ool li Qaawa' ut xtaqla chaq li xam.

Levítico 21:4

Ab'anan me'xmux rib' sa' xk'ab'a' junaq rech'alal ixq sumsu. Ink'a' naru te'xtz'ajni rib'eb'.

Ezequiel 5:1

Li Qaawa' kixye we: “At kaamel winq, anaqwan chap junaq q'esnal ch'iich' ut jo' laawismal chiru, jo' ajwi' laamach. Chirix chik a'an sik' junaq b'isleb' ut jek' laawismal sa' oxib' jachal.