Levítico 20:3 - Q'eqchi Bible

³ Laa'in tinjosq'o'q sa' xb'een li winq a'an ut twisi sa' xyanqeb' li rech tenamitul, xb'aan naq xmux linLoq'laj Na'ajej ut xtz'eqtaana linsantil k'ab'a' rik'in xq'axtesinkil li ralal re laj Molok.

Li Santil hu

³ La̱in tinjoskꞌokꞌ saꞌ xbe̱n li cui̱nk li tixqꞌue li ralal xcꞌajol chokꞌ xmayej re xlokꞌoninquil li yi̱banbil dios Moloc. Riqꞌuin aꞌan teꞌxmux ru lin tabernáculo ut teꞌxmux ajcuiꞌ ru lin santil cꞌabaꞌ. Cui teꞌxba̱nu chi joꞌcan, la̱in tincuisiheb saꞌ xya̱nkeb laj Israel.

Levítico 20:3 ပူးပေါင်းရင်းမြစ်များ

Levítico 18:21

“Maajun laawalal aak'ajol taamayeja chiru li yos Molok. Maatz'eqtaana li xk'ab'a' laaYos chi kama' a'an. Laa'in li Qaawa'.

Ezequiel 5:11

“Laa'in li Qaawa', li yo'yookil Yos, ninxaqab' xwankil li waatin naq laa'ex xesach xloq'al linsantil ochoch rik'in leetz'i'b'eetalil yos ut rik'in leeyib' aj b'aanuhom; jo'kan naq tinsach eeru chi maajun tintoq'ob'a ru sa' eeyanq chi moko tinkuy xmaak.

Levítico 17:10

“Laa'in tinjosq'o'q rik'in chixjunileb' laj Israel malaj aj ab'l tenamit li wanqeb' sa' eeyanq wi te'tzekanq kik' a' yaal chanru. Laa'in te'wisi sa' xyanqeb' li rech tenamitul.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Ezequiel 20:39

«Ex aj Israel, li Qaawa' xye chi jo'ka'in: Ayuqex chi xloq'oninkileb' ru leejalanil yos chejunjunqalil; chirix chik a'an ninye li waatin naq tineepaab' ut ink'a' chik teemux linsantil k'ab'a' rik'in leemayej ut leejalanil yos.

Números 19:20

Ab'an li winq li xkanaak chi muxb'il ru ut ink'a' xch'ajob'resi rib', a'an taa'isiiq sa' xyanq li komonil, xb'aan naq xmuxum li xLoq'laj Na'aj li Qaawa'. Ink'a' xkirkiriik sa' li osob'tesinb'il ha': jo'kan naq muxb'il ru taakanaaq.

Levítico 15:31

ut chi jo'kan laa'ex teerisiheb' laj Israel rik'in li xtz'ajnileb', re naq ink'a' te'kamq chi xtz'ajninkil li na'ajej b'arwi' wankin sa' xyanqeb'”.

1 Pedro 3:12

Xb'aan naq li Qaawa' sa narileb' li tiikeb' xch'ool, ut narab'iheb' naq neke'tijok; ab'anan xik' narileb' li neke'b'aanunk re li maa'usilal”.

Levítico 20:4

Wi eb' li poyanam re li tenamit ink'a' te'raj xk'eeb'al reetal li maa'usilal x'uxmank ut ink'a' te'xteneb' kamk sa' xb'een li winq a'an,

Números 19:13

Chixjunil li taach'e'oq junaq kamenaq ut ink'a' tixch'ajob'resi rib', tixmux xloq'al li xLoq'laj Muheb'aal li Qaawa'. Li winq a'an taa'isiiq sa' xyanqeb' laj Israel, xb'aan naq maji' xkirkiriik chi osob'tesinb'il ha': a'an muxb'il ut toj wank sa' xb'een li xmuxulal.

Éxodo 30:33

Chixjunileb' li te'yiib'anq re junaq chik aseeyt kama' a'in, malaj te'xhoy sa' xb'een junaq winq maawa'aq aj tij, isinb'ilaq chi junajwa sa' lintenamit»”.

Levítico 7:20

“Ab'anan wi junaq poyanam xmuxum rib' ut tixtzeka xtib'el li mayej re li k'amok ib' sa' usilal li ak q'axtesinb'il chiru li Qaawa', li poyanam a'an taa'isiiq sa' li xtenamit.

Levítico 7:21

“Wi junaq poyanam tixch'e' k'a'aq re ru muxb'il (a' yaal k'aru xtz'ajnil poyanam malaj xtz'ajnil xul, malaj k'a'aq chik re ru ink'a' us) ut chirix a'an tixtzeka xtib'el li mayej re k'amok ib' sa' usilal li ak q'axtesinb'il re li Qaawa', li poyanam a'an tento taa'isiiq sa' li xtenamit”.

Levítico 19:12

“Meeye eejurament sa' ink'ab'a' chi yal tik'ti', xb'aan naq chi jo'kan taatz'eqtaana li xk'ab'a' laaYos. Laa'in li Qaawa'.

Levítico 21:6

te'xq'axtesi b'an rib' chi junajwa re li xYoseb' ut ink'a' te'xmux li xk'ab'a', xb'aan naq a'aneb' neke'q'axtesink li k'atb'il mayej ut li xmayej wa li xYoseb'; jo'kan naq tento santaqeb'.