Levítico 20:24 - Q'eqchi Bible

²⁴ Laa'in xinye li waatin naq laa'exaq aj eechal re li xtenamiteb'; laa'in ajwi' tink'ehoq chereechani li ch'och' a'an, li k'ajo' xq'emal. “Laa'in li Qaawa' leeYos, li kinsik'ok eeru sa' xyanqeb' li jar teep chi tenamit.

Li Santil hu

²⁴ La̱in quinyechiꞌi e̱re li cha̱bil naꞌajej aꞌin li na-el cuiꞌ chi us li acui̱mk. La̱ex tex-e̱chani̱nk re li naꞌajej xban nak la̱in tinqꞌue e̱re re texcua̱nk. La̱in li Ka̱cuaꞌ le̱ Dios. La̱in quinsicꞌoc e̱ru saꞌ xya̱nkeb chixjunileb li xni̱nkal ru tenamit.

Levítico 20:24 ပူးပေါင်းရင်းမြစ်များ

Deuteronomio 14:2

Xb'aan naq laa'at jun tenamit q'axtesinb'ilat re li Qaawa' laaYos, ut A'an xsik'ok aawu re naq laa'ataq li xtz'aqal tenamit sa' xyanqeb' chixjunil li tenamit li wankeb' sa' ruuchich'och'.

Deuteronomio 7:6

Xb'aan naq laa'at jun tenamit q'axtesinb'il cho'q re li Qaawa' laaYos. A'an xsik'ok aawu sa' xyanqeb' chixjunil li tenamit li wankeb' sa' ruuchich'och' re naq laa'ataq tz'aqal li xtenamit.

Éxodo 6:8

Laa'in texwoksi sa' li ch'och' xinyeechi'i rik'in jurament re laj Abrahán, laj Isahak ut laj Jakob; a'an li tink'e chereechani. Laa'in li Qaawa' Yos»”.

Éxodo 3:17

Ninye li waatin naq texwisi sa' li rahilal yookex chi xk'ulb'al Ejiipt ut texink'am sa' xch'och'eb' laj Kanahán, laj Hit, laj Amor, laj Perés, laj Jib ut laj Jebús, sa' jun li ch'och' k'ajo' xq'emal».

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Levítico 20:26

Santaqex cho'q we laa'in, xb'aan naq laa'in, li Qaawa', santin ut xinsik' eeru sa' xyanqeb' li jar teep chi tenamit re naq laa'exaq intenamit.

Éxodo 33:16

Xb'aan naq k'aru taanawmanq wi' naq usilal xintaw chawu wochb'een lintenamit? Ma ink'a' tab'i' rik'in naq laa'at nakoohaawochb'eeni? A'an reetalil naq sik'b'il qu aab'aan, chiruheb' chixjunil li tenamit junsut junrub'el choxa”.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

1 Reyes 8:53

Xb'aan naq laa'at, at Qaawa', kasik'eb' ru cho'q aawe, sa' xyanqeb' chixjunileb' li tenamit li wankeb' sa' ruuchich'och', jo' kaye chaq re laj Moisés, laj k'anjel chawu, naq kawisiheb' chaq eb' li qana' qayuwa' aran Ejiipt”, chan laj Salomón.

Números 23:9

Toj sa' xb'een li saqoonak neke'wil, toj sa' xb'eeneb' li b'ool nink'e reetal: a'an jun tenamit li wankeb' xjunes; ink'a' k'eeb'ileb' sa' ajl sa' xyanqeb' li poyanam.

Éxodo 33:3

ut texwoksi sa' jun li ch'och' k'ajo' xq'emal. A'ut laa'in ink'a' texwochb'eeni, xb'aan naq laa'ex jun tenamit q'axal kaw leejolom. Mare anchal texinsach chi junajwa sa' b'e”.

Éxodo 13:5

Ut naq li Qaawa' toxatroksi sa' li xch'och'eb' laj Kanahán, laj Hit, laj Amor, laj Jib ut laj Jebús, a' li xq'emal ch'och' kixyeechi'i chaq rik'in jurament reheb' laana' laayuwa', jo'ka'in naq taaninq'ehi sa' li po a'in.

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

San Juan 15:19

Wi ta rehex li ruuchich'och', texxra raj li ruuchich'och' jo' naq naxra li re. Ab'anan moko rehex ta li ruuchich'och', laa'in b'an xinsik'ok eeru ut xexwisi chisa': jo'kan naq xik' nekexril li ruuchich'och'.

Éxodo 33:1

Kixye li Qaawa' re laj Moisés: “Ayu, elen arin aawochb'eeneb' li tenamit li kawisiheb' chaq Ejiipt, ut ayuqex sa' li ch'och' kinyeechi'i rik'in jurament re laj Abrahán, laj Isahak ut laj Jakob, naq kinye: Eb' aawalal aak'ajol tink'e wi' li na'ajej a'in.

Levítico 14:34

“Naq akaq xex'ok sa' xteepal Kanahán, sa' li ch'och' tink'e cho'q eereechanihom, wi laa'in tintaqla li saqlep sa' junaq ochoch sa' leetenamit,