Levítico 2:9 - Q'eqchi Bible

⁹ Aran laj tij tixchap b'ayaq li mayej re naq tixk'at sa' xb'een li artal jo' sahil mayej li sununk xb'ook chiru li Qaawa'.

Li Santil hu

⁹ Laj tij tixchap caꞌchꞌinak li caxlan cua ut tixcꞌat saꞌ xbe̱n li artal chokꞌ retalil nak kꞌaxtesinbil re li Ka̱cuaꞌ lix comon li mayej. Ut li mayej aꞌan, aꞌanak jun sununquil mayej chiru li Ka̱cuaꞌ.

Levítico 2:9 ပူးပေါင်းရင်းမြစ်များ

Levítico 2:2

Chirix a'an tixk'am rik'ineb' laj tij li ralaleb' laj Aharón, ut jun reheb' a'an tixchap jun mooch'aq li k'aj triiw rochb'een aseeyt ut pom, ut tixk'at sa' xb'een li artal cho'q k'atb'il mayej, sahil mayej, sununk xb'ook chiru li Qaawa'.

Filipenses 4:18

Wank li k'aru we, re xq'axb'al li junjunq chi kutan, ut na'ela'ank ajwi'. Sa chik wankin rik'in li tenq'aal li xetaqla chaq we chirix laj Epafrodito: a'an sununkil b'ook ut chaab'il mayej li nawulak chiru li Yos.

Levítico 6:15

Jun reheb' a'an tixchap jun mooch'aq li chaab'il k'aj li ak k'eeb'il cho'q mayej. Tixk'e ajwi' li aseeyt ut chixjunil li pom li na'ok rik'in li mayej, ut tixk'e chi k'atk sa' xb'een li artal cho'q sahil mayej li sununk xb'ook chiru li Qaawa'.

Filipenses 2:17

Us ta taa'isiiq linkik'el ut taahoye'q sa' xb'een leeloq'laj yeechi'om b'arwi' nekemayeja leepaab'aal, maak'a' naxye, taasaho'q raj sa' inch'ool ut tintz'aqonq raj sa' xsahil leeraanm.

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

Romanos 15:16

naq laa'inaq aj k'anjel chiru li Kristo Jesus cho'q reheb' li maawa'eb' aj Judiiy. A'an a'in linloq'laj k'anjel: laa'in aj tij re xpuktesinkil li xChaab'il Esil li Yos re naq k'ulb'ilaqeb' li maawa'eb' aj Judiiy jo' chaab'il mayej, santob'resinb'il xb'aan li Santil Musiq'ej.

Éxodo 29:18

ut taak'at chixjunil li karneer sa' li artal. A'an k'atb'il mayej cho'q re li Qaawa', sununkil b'ook, k'atb'il tzekemq cho'q re li Qaawa'.

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Levítico 2:8

Naq akaq xayiib' chik laamayej rik'ineb' a k'a'aq re ru a'in, tento naq taak'am chiru li Qaawa' ut taaq'axtesi sa' ruq' laj tij, ut a'an toxkanab' chaq sa' xb'een li artal.

Levítico 2:16

Chirix chik a'an laj tij tixk'at kach'inaq xkomon li ak poch'b'il triiw ut li aseeyt, rochb'een chixjunil li pom, ut a'anaq jun k'atb'il mayej, sahil mayej, sa' xk'ab'a' li Qaawa'.

Levítico 4:31

Tento naq taarisi ajwi' chixjunil li xeeb', jo' tz'aqal na'isimank re li xul nayeechi'imank cho'q mayej re k'amok ib' sa' usilal rik'in li Yos, ut tixk'at sa' xb'een li artal jo' sununkil b'ook chiru li Qaawa'. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuymanq li maak.

Levítico 5:12

Tento naq tixk'am rik'in laj tij, ut a'an tixchap jun mooch'aq cho'q sahil mayej ut tixk'at sa' xb'een li artal rochb'een li mayej nak'atmank sa' xk'ab'a'. A'an jun mayej chirix li maak.

Levítico 24:7

Sa' xb'een li junq tzol chi wa k'e li tz'aqal k'ajpom; a'an taak'anjelaq re li kaxlan wa jo' sununkil mayej, k'atb'il mayej re eepatz'b'al chiru li Qaawa'.

Números 5:26

Laj tij tixxok jun mooch'aq li k'aj xmayejaak, re xjultikankil li maak, tixk'at sa' li artal, ut li xchahel tixk'e chi ruk' li ixq rik'in li ha'.

Levítico 1:9

Ani tixyeechi'i k'atb'il xul cho'q xmayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal. A'an jun k'atb'il mayej jwal sununk xb'ook chiru li Qaawa'.