Levítico 2:12 - Q'eqchi Bible

¹² Naru teeq'axtesi chiru li Qaawa' li xyu xq'emal li kaxlan wa jo'wi' xya'al li kab' cho'q eemayej, jo' xb'een ru leerawimq; ab'anan ink'a' naru xyeechi'inkil jo' k'atb'il mayej sununk xb'ook chiru li Qaawa'.

Li Santil hu

¹² Ta̱ru̱k te̱qꞌue li caxlan cua cuan xchꞌamal ut li xyaꞌal cab chokꞌ e̱mayej re li xbe̱n ru le̱ racui̱mk. Abanan incꞌaꞌ ta̱cꞌatekꞌ saꞌ xbe̱n li artal.

Levítico 2:12 ပူးပေါင်းရင်းမြစ်များ

Éxodo 23:19

“Taak'am sa' rochoch li Qaawa' laaYos li xchaab'ilal li xb'een ru laawawimq. “Maachiq li ch'ina chib'aat sa' xya'al xtu' li xna'.

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.

2 Crónicas 31:5

Ut naq eb' laj Israel ke'rab'i resil a'in, ke'xk'am chaq chi yo'oon li xb'een ru li triiw, li b'iin, li aseeyt, li xya'al kab' ut chixjunil li ru li awimq, rochb'eenatq li xlajeetqil li k'aru wank reheb'.

Deuteronomio 26:10

Ut anaqwan laa'in xink'am chaq li xb'een ru li awimq x'elk sa' li ch'och' aak'ehom we, at Qaawa'». “Chirix chik a'an taaq'axtesi chixjunil a'an re li Qaawa' laaYos ut taawiq'ib' aawib' chiru.

Números 15:20

Teemayeja ajwi' junaq eek'uluj jo' xb'een leewa teeyiib' cho'q re li Qaawa'; tento teera jo' xb'een ru leerawimq.

Levítico 23:10

“Ye a'in reheb' laj Israel: Naq akaq xex'ok sa' li ch'och' tink'e eere laa'in, naq teesik' ru leetriiw, tento sa' eeb'een xk'eeb'al re laj tij jun joob'aq li triiw jo' xb'een ru leerawimq.

Levítico 7:13

Rochb'een li mayej re b'anyoxink ut li k'amok ib' sa' usilal rik'in li Yos, taaq'axtesimanq ajwi' kaxlanwa wank xyu.

Éxodo 22:29

“Matb'ayk chi xyeechi'inkil we li xchaab'ilal laaq'olom ut laa'uub'. Chak'e we li xb'een aawalal.

Génesis 23:17

Chi jo'kan li xch'och' laj Efrón li wank Makpelá sa' xjayal releb'l saq'e re Mambré, li ochoch pek ut chixjunil li k'iche' li wank chisa' ut sa' li xnub'ajl, chixjunil a'an

1 Corintios 15:20

Ab'anan ink'a'! Li Kriist kiwakliik chi yo'yo sa' xyanqeb' li kamenaq jo' xb'een mayej sa' xyanqeb' li xe'xk'uula rib'.

Éxodo 34:22

“Taaninq'ehi li xNinq'eheb' li Xamaan, naraj naxye li xninq'e li xb'een ru laawawimq; jo'kan ajwi' li xNinq'e li Q'olok sa' xraqik li chihab'.

Levítico 23:17

ut teek'am chaq sa' leerochoch ka'kab'aq li kaxlan wa, yiib'anb'ilaq rik'in xyu chaab'il k'aj triiw ut chiqb'ilaq chi wanq numenaq waqxaqib' liib'r li junjunq, jo' xb'een ru li awimq ut chaab'il mayej cho'q re li Qaawa'.

Números 18:12

Chixjunil li chaab'il aseeyt, li uub' ut li triiw, li xb'een ruheb' li awimq taayeechi'imanq re li Qaawa', aawehaqeb'.