Levítico 2:10 - Q'eqchi Bible

¹⁰ Ut li rela' li mayej taakanaaq cho'q re laj Aharón ut eb' li ralal xk'ajol, cho'q loq'laj tzekemq, xkomon li mayej li nak'atmank sa' xk'ab'a' li Qaawa'.

Li Santil hu

¹⁰ Ut li joꞌ qꞌuial chic li mayej ta̱cana̱k, aꞌan ta̱qꞌuehekꞌ re laj Aarón ut reheb li ralal. Li mayej cꞌaj aꞌan li kꞌaxal santo saꞌ xya̱nkeb li nequeꞌxcꞌat chokꞌ mayej chiru li Ka̱cuaꞌ.

Levítico 2:10 ပူးပေါင်းရင်းမြစ်များ

Levítico 2:3

Li rela' li mayej taakanaaq cho'q re laj Aharón ut eb' li ralal xk'ajol, cho'q loq'laj tzekemq, xkomon li mayej jwal loq' li nak'atmank sa' xk'ab'a' li Qaawa'.

Levítico 6:16

Ut li mayej taa'ela'anq, te'xtzeka laj Aharón ut eb' li ralal xk'ajol, chi maak'a'aq xyu ut sa' junaq loq'laj na'ajej, chiru xneb'aalil li Loq'laj Muheb'aal.

Esdras 2:63

Ut laj taqlanel sa' xb'een li tenamit kixram chiruheb' xtzekankil li k'aru jwal loq' toj reetal junaq aj tij taapatz'oq chirixeb' rik'in li Urim ut li Tumim.

Levítico 5:13

Chi jo'kan laj tij tixk'e li mayej re xtojb'al rix li xmaak li poyanam a'an, ut taakuye'q li xmaak. Ut li k'aru taa'ela'anq, taakanaaq cho'q re laj tij, jo' nab'aanumank rik'in li mayej k'aj”.

Levítico 6:9

“Ch'olob' chiru laj Aharón ut chiruheb' li ralal xk'ajol li chaq'rab' a'in chirix li k'atb'il mayej: Li xul mayejanb'il tento taakanaaq sa' xb'een li ru xam re li artal chiru chixjunil li q'oqyink, re naq taak'atq.

Levítico 6:23

Chixjunil li xmayejeb' laj tij tento taak'atmanq. Ink'a' naru xtzekankil”.

Levítico 7:7

“Li mayej chirix li maak chanchan ajwi' li mayej re xtojb'al rix li maak, ut juntaq'eet li chaq'rab' chirix xkab'ichaleb': li namayejamank taakanaaq cho'q re laj tij li natz'aamank xkuyb'al li maak.

Levítico 10:12

Chirix a'an laj Moisés kixye reheb' laj Aharón ut laj Elehasar jo'wi' laj Itamar, chi xkab'ichaleb' li ralal laj Aharón li toj wankeb' chiru: —Chapomaq li mayej k'aj, rela' li k'atb'il mayej, ut tzekahomaq chire li artal, chi maak'a'aq xyu, xb'aan naq a'an jwal loq'.

Levítico 14:13

Tento tixkamsi li karneer sa' li na'ajej b'arwi' na'uxk xsetb'al xkuxeb' li xul chirixeb' li maak ut re li k'atb'il mayej. Li mayej chirix li maak taakanaaq cho'q re laj tij; jo'kan ajwi' li mayej re xtojb'al rix li maak, xb'aan naq a'an q'axal loq'.

Levítico 21:22

Naru tixtzeka li wa a'an jo'wi' li k'a'aq chik re ru loq' ut santob'resinb'il,

Números 18:9

A'aneb' a'in li loq'laj mayej li ink'a' xe'k'atmank ut tink'e aawe: chixjunil li mayej neke'xk'e we eb' laj Israel, jo' chirix li maak, jo' chirix li k'amok ib' sa' usilal wik'in, a'an jwal loq'; aawehaqeb' laa'at ut cho'q reheb' laawalal.

1 Samuel 2:28

Sa' xyanqeb' chixjunileb' li xteepal laj Israel kinsik' ru laajunkab'al, re naq a'anaqeb' aj tij chiwu, re te'mayejaq sa' xb'een lin'artal, jo'wi' te'k'atoq pom ut te'xk'am li efod chiwu. Kink'e ajwi' reheb' laaxe'toonil yuwa' naq te'tz'aq sa' chixjunileb' li xmayejeb' laj Israel.

2 Crónicas 31:14

Laj Koré, ralal laj Imná, xkomoneb' laj Leví, li na'ilok re li okeb'aal li wank sa' xjayal releb'l saq'e, kikanaak chi xk'ulb'al, rilb'al ut xk'uulankil li mayej na'alaak sa' xch'ooleb' li poyanam xk'eeb'al re li Yos; ut a'an ajwi' li najek'ink re li mayej q'axtesinb'il re li Qaawa' ut li k'a'aq re ru jwal loq'.

Ezequiel 44:29

Naru te'xtzeka li k'aru nayeechi'imank cho'q we jo' ajwi' li namayejaak chirix li maak ut re xtojb'al rix li xmaakeb' li tenamit. Jo'ch'inal jo'nimal li te'xyeechi'i we eb' laj Israel, a'anaq reheb' laj tij.

Ezequiel 46:20

ut kixye we: “Sa' li na'ajej a'in eb' laj tij te'xchiq li mayej xul li nayeechi'imank chirix li maak ut re xtojb'al rix xmaakeb' li tenamit; arin te'xchiq ajwi' li k'aj mayej. Chi jo'kan maak'a' taa'isimanq arin ut taak'ame'q chiru li neb'aal wank chirix; chi moko linsantilal tixb'oneb' li poyanam”, chan li winq.