Levítico 2:1 - Q'eqchi Bible

¹ “Wi junaq tixk'am chaq xmayej k'aj chiru li Qaawa', tento tixk'am chaq li xchaq'alil ru k'aj triiw, tixk'e aseeyt ut pom sa' xb'een.

Li Santil hu

¹ Nak junak cristian tixmayeja ru li racui̱mk, tento nak tixqꞌue li cha̱bil cꞌaj. Tixqꞌue aceite saꞌ xbe̱n ut tixqꞌue ajcuiꞌ incienso.

Levítico 2:1 ပူးပေါင်းရင်းမြစ်များ

Apocalipsis 8:3

Kichalk jun chik li ánjel ut kixaqliik chiru li artal, wank jun sansaar oor rik'in. Ut ke'q'axtesiik re naab'al chi sununkil b'an re naq tixyeechi'i rochb'een xtijeb' chixjunileb' li sant, sa' xb'een li artal oor li wank chiru li nimajwal k'ojarib'aal.

Isaías 66:20

Ut te'xk'ameb' chaq leeras eeriitz'in li wankatqeb' sa' chixjunil li na'ajej, jo' mayej cho'q re li Qaawa': te'chalje'q chirixeb' kawaay, sa' b'eleb'aal ch'iich', chi paqonb'il, chirixatq muul ut kameey, toj Jerusalén sa' linsantil tzuul -chan li Qaawa'-, jo' neke'xb'aanu eb' li ralal xk'ajol laj Israel naq neke'xk'am chaq li xmayejeb' sa'eb' li sek' saq ru toj sa' li wochoch.

Levítico 9:17

Chirix chik a'an kixq'axtesi li mayej k'aj, kixchap jun mooch' ut kixk'at sa' xb'een li artal, jalan wi' chiru li k'atb'il mayej re li eq'la.

San Judas 1:20

A'ut laa'ex raarookex inb'aan, kab'lahomaq eerib' sa' leepaab'aal li q'axal sant, ut tijonqex sa' li Santil Musiq'ej.

Números 7:19

Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin ut jun uk'leb' sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

1 Juan 2:27

Ab'an toj wank eerik'in li Santil Musiq'ej li xexxsantob'resi wi' li Jesus ut ink'a' na'ajmank ru naq ani taatzoloq eere, xb'aan naq li Musiq'ej li santob'resinb'ilex wi', a'an natzolok eere chirix chixjunil, ut a'an yaal, maawa' tik'ti'. Jo'kan naq wanqex junelik rik'in li Jesus jo' chanru tzolb'ilex wi' xb'aan.

1 Juan 2:20

A'ut laa'ex yulb'ilex xb'aan li Sant, a' li Kriist, ut chejunilex neketaw ru.

San Juan 6:35

Kixye li Jesus reheb': —Laa'in li yu'am wa. Ani taachalq wik'in ink'a' taatz'okaaq, ut li taapaab'anq we maajaruj taachaqiq re.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Joel 2:14

Mare anchal taaril xtoq'ob'aal eeru ut texrosob'tesi wi' chik: tixtaqla chaq eetriiw ut eeb'iin cho'q eemayej chiru li Qaawa' leeYos.

Números 7:13

Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin ut jun uk'leb' sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

Éxodo 29:2

Taachap wa ut k'uluj ink'a' yuub'il: wanq li yoq'b'ilaq rik'in aseeyt ut wanq yulb'ilaq sa' aseeyt. Taayiib' a'an rik'in xchaab'il k'ajil li triiw,

Joel 1:9

Maak'a' chik li mayejak triiw ut b'iin sa' rochoch li Qaawa' Yos; jo'kan naq ra wankeb' laj tij, eb' laj k'anjel chiru li Qaawa'.

Levítico 5:11

“Wi maak'a' xtumin re xloq'b'al wiib'aq mukuy malaj ut wiib'aq k'ook'ob', tento tixk'am cho'q xmayej chirix li xmaak kaahib'aq liib'r li xchaq'alil ru k'aj triiw. Ink'a' tixk'e x'aseeytil chi moko pom sa' xb'een, xb'aan naq a'an jun mayej chirix li xmaak.

Números 8:8

Chirix chik a'an, te'xk'e junaq wakax rochb'een li k'aj yoq'inb'il rik'in aseeyt, ut laa'at taak'e jun chik li wakax re xmayejankil chirix li kuyuk maak.

Números 18:9

A'aneb' a'in li loq'laj mayej li ink'a' xe'k'atmank ut tink'e aawe: chixjunil li mayej neke'xk'e we eb' laj Israel, jo' chirix li maak, jo' chirix li k'amok ib' sa' usilal wik'in, a'an jwal loq'; aawehaqeb' laa'at ut cho'q reheb' laawalal.

Números 28:5

Teeyeechi'i ajwi' numenaq kaahib' liib'r chi chaab'il k'aj yoq'inb'il rik'in kaahib' sek' chi chaab'il aseeyt.

Números 29:18

rochb'een li mayejanb'il k'aj ut li xb'iinul cho'q re li junjunq chi saaj wakax, chib'aat ut karneer, jo' chanru xk'ihaleb' li mayej ut jo' chanru leechaq'rab'inkil.

Isaías 43:23

Ink'a' xayeechi'i we laakarneer cho'q k'atb'il mayej chi moko xaloq'oni wu rik'in mayejak. Laa'in ink'a' xatintawasi rik'in xtitz'b'al laamayej, chi moko xatinch'i'ch'i'i rik'in xpatz'b'al laak'ajpom.

Levítico 6:7

Toja' naq laj tij taamayejaq chiru li Qaawa' re xtojb'al rix li xmaak li poyanam a'an, ut li maak taakuye'q, a' yaal k'aru chi maakil xb'aanu”.

Levítico 9:4

Te'xchap ajwi' junaq teelom wakax ut junaq karneer re xkamsinkil chiru li Qaawa' cho'q mayej re k'amok ib' sa' usilal. Xk'amaqeb' ajwi' chaq mayej k'aj puq'b'ilaq rik'in aseeyt, xb'aan naq li Qaawa' tixk'ut rib' chiruheb' sa' li kutan a'in”.

Levítico 14:10

Sa' xwaqxaq li kutan tixchap wiib'aq li karneer li maak'a'eb' xyajel ut junaq ixqi karneer aj jun chihab', li maak'a'aq reek'. Tixchap ajwi' kaalaju liib'r li k'aj triiw li jwal chaab'il, cho'q mayej k'aj, yoq'inb'il rik'in aseeyt.

Levítico 24:7

Sa' xb'een li junq tzol chi wa k'e li tz'aqal k'ajpom; a'an taak'anjelaq re li kaxlan wa jo' sununkil mayej, k'atb'il mayej re eepatz'b'al chiru li Qaawa'.

Ezequiel 46:20

ut kixye we: “Sa' li na'ajej a'in eb' laj tij te'xchiq li mayej xul li nayeechi'imank chirix li maak ut re xtojb'al rix xmaakeb' li tenamit; arin te'xchiq ajwi' li k'aj mayej. Chi jo'kan maak'a' taa'isimanq arin ut taak'ame'q chiru li neb'aal wank chirix; chi moko linsantilal tixb'oneb' li poyanam”, chan li winq.