Levítico 19:26 - Q'eqchi Bible

²⁶ “Meetzeka li k'a'aq re ru wank xkik'el. “Meeb'aanu li q'ehib'k chi moko cheyal xch'olob'ankil rix li k'aru chaalel cheru.

Li Santil hu

²⁶ Me̱tiu li tib li toj cuan xquiqꞌuel. Incꞌaꞌ textu̱lak chi moco texkꞌehi̱nk.

Levítico 19:26 ပူးပေါင်းရင်းမြစ်များ

2 Reyes 17:17

Ke'xk'ehatq chi k'ate'k eb' li ralal xk'ajoleb' cho'q mayej, ke'patz'okje'k rik'ineb' laj q'e ut ke'xtzolatq li nawalink. Ke'xk'e xch'ooleb' chi xb'aanunkil li maa'usilal xb'aan li tumin, toj reetal ke'xchiq' xjosq'il li Qaawa'.

2 Crónicas 33:6

Kixk'ateb' li ralal cho'q xmayej sa' xtaq'ahil Ben-Hinón ut kixtzol li q'ehink, li nawalink ut li tuulak. Kipatz'okatq rik'ineb' laj q'e ut rik'ineb' li musiq'ej; xikenaq wi' chik xb'een li maa'usilal kixb'aanu toj reetal kixpoq' xjosq'il li Qaawa'.

2 Reyes 21:6

Kixk'at li ralal cho'q xmayej; kixtzol li q'ehink ut li nawalink, kipatz'okatq rik'ineb' laj q'e ut rik'ineb' li musiq'ej. Xikenaq wi' chik xb'een li maa'usilal kixb'aanu toj reetal kixpoq' xjosq'il li Qaawa'.

Deuteronomio 12:23

Ab'anan ink'a' naru teetzeka li xkik'el li xul, xb'aan naq li kik' a'an yu'am, ut ink'a' naru teetzeka li yu'am rochb'een li tib'.

Levítico 7:26

“Yalaq b'ar wanqex laa'ex, ink'a' taaruuq teetzeka xkik'el li xul narupupik chi moko k'a' chik chi xulil.

Levítico 3:17

“A'an a'in jun chaq'rab' twanq chi junajwa cho'q reheb' li jar teep chi tenamit chaalel, yalaq b'ar wanqeb': ink'a' taatzekamanq li xeeb' chi moko li kik'”.

Jeremías 10:2

Li Qaawa' naxye chi jo'ka'in: “Meetzol eerib' rik'ineb' li jalanil tenamit chi moko chexiwa li k'aru nekeril chiru choxa, jo' neke'xb'aanu eb' li junch'ol chik.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Daniel 2:10

Toja' naq eb' laj q'e ke'xye re li awab'ej: “Maajun junaq sa' ruuchich'och' taaruuq chi xyeeb'al li k'aru nakawaj xnawb'al, at awab'ej. Chi moko wank junaq awab'ej, yal ta jwal nim xwankil ut xloq'al, tixpatz' a'an reheb' laj q'e, eb' laj k'ehol na'leb' ut laj tz'ilol rixeb' li chahim.

1 Samuel 15:23

Li xq'etb'al li xchaq'rab' li Yos, a'an maak kama' li q'ehink; ut li xtz'eqtaanankil li raatin li Qaawa', a'an ajwi' maak kama' li loq'onink chiru li jalanil yos. Jo' laa'at xatz'eqtaana li raatin li Qaawa', jo'kan ajwi' tatxtz'eqtaana A'an anaqwan, re naq ink'a' chik tat-awab'ejinq”.

Éxodo 8:7

Ab'an eb' laj q'e jo'kan ajwi' ke'xb'aanu rik'in li xna'leb'eb', ut ke'xk'e chi taqe'k eb' li amoch sa' xb'een li tenamit Ejiipt.

Éxodo 7:11

Ab'an laj Parahón kixb'oqeb' li wankeb' xna'leb' ut eb' laj tuul; ut eb' a'an ajwi' ke'xb'aanu a'an rik'in li xna'leb'eb':

Hechos 15:20

ka'ajwi' chitz'iib'amanq rik'ineb' naq che'xkolaq rib' chiru li ko'b'eetak yumb'eetak, chiruheb' li yatz'b'il xul ut li kik'.

Génesis 9:4

Ka'ajwi' li tib' li toj wank xkik'el ink'a' naru teetzeka, xb'aan naq li kik' a'an xyu'am.

Génesis 44:5

Ma maawa' tab'i' a'in li x'uk'leb' sek' laj eechal we, li nak'anjelak chiru re q'ehink? K'ajo' xyib'al ru li xeb'aanu»”.

Levítico 19:25

ut sa' ro' li chihab' naru chik teetzeka ru li che' a'an. Chi jo'kan li che' q'axal chik taa'uuchinq. Laa'in li Qaawa' leeYos.

Deuteronomio 12:16

Ka'ajwi' li xkik'el li xul ink'a' naru teetzeka; tento teehoy chiru ch'och' jo' naq nekehoy li ha'.

Deuteronomio 15:23

Ab'anan ink'a' naru taatzeka xkik'el, taahoy b'an chi ch'och' kama' li ha'.

1 Samuel 14:32

Jo'kan naq ke'xkut rib'eb' sa' xb'een li k'a'aq re ru xe'reechani sa' li yalok, ke'xchap eb' li karneer, eb' li b'ooyx ut li saaj wakax, ke'xkamsiheb' chiru ch'och' ut ke'xtiw rochb'een li xkik'el.

1 Samuel 14:33

Toja' naq kiyehe'k resil re laj Saúl naq eb' li tenamit yookeb' chi maakob'k chiru li Qaawa', xb'aan naq yookeb' chi xtiwb'al tib' rochb'een li xkik'el. Ut laj Saúl kixye: “Laa'ex xeq'et li raatin li Yos. Tolk'osihomaq chaq arin junaq nimla pek.