Levítico 19:17 - Q'eqchi Bible

¹⁷ “Maak'uula sa' aach'ool xxik'b'al rilb'al laawas aawiitz'in. “Chaq'us sa' xyaalal laawas re naq ink'a' tattz'aqonq sa' li xmaak.

Li Santil hu

¹⁷ Incꞌaꞌ te̱joskꞌi le̱ ras e̱ri̱tzꞌin. Te̱kꞌus saꞌ xya̱lal li ani nama̱cob re nak incꞌaꞌ textzꞌako̱nk riqꞌuin lix ma̱c.

Levítico 19:17 ပူးပေါင်းရင်းမြစ်များ

1 Juan 2:9

Ani nayehok naq wank sa' li saqenk ut xik' naril li ras riitz'in, toj wank ajwi' sa' li aak'ab'.

San Lucas 17:3

Chek'ehaq reetal! “Wi laawas aawiitz'in taamaakob'q chawu, chaq'usaq; ut wi tixyot' xch'ool tixjal xk'a'uxl, chakuyaq xmaak.

1 Juan 2:11

A'ut li xik' naril li ras riitz'in, wank sa' li aak'ab' ut sa' li aak'ab' yo chi b'eek: ink'a' naxnaw b'ar yo chi xik, xb'aan naq li aak'ab' xmutz'o'b'resink re xsa' li ru.

Gálatas 6:1

Ex was wiitz'in, wi wank junaq taat'ane'q sa' junaq maak, laa'ex li nujenaqex chi musiq'ej chetenq'a re naq tixyiib' li xyu'am; ab'an chetenq'a sa' tuulanil, ut chak'e reetal chi us laayu'am, mat-aaleek ajwi' laa'at.

Efesios 5:11

ut mex'okenk chi xb'aanunkil xk'anjel li aak'ab' li maak'a' na'ok wi', jwal us b'an naq teerisi chi kutankil re xjitb'al.

Romanos 1:32

Us ta ch'olch'o chiruheb' li xchaq'rab' li Yos, li naxye naq eb' li neke'b'aanunk re a'in teneb'anb'il li kamk sa' xb'eeneb', ab'an moko ka'aj ta wi' neke'xb'aanu li maak, neke'saho'k aj b'an wi' sa' xch'ool rik'ineb' li neke'b'aanunk a'in.

Proverbios 9:8

Maaq'us li q'etq'et xb'aan naq xik' tatril; chaq'us li wank xna'leb', ut a'an tatxra.

Tito 2:15

Kama' a'an tat-aatinaq, chak'eheb' xna'leb' ut chaq'useb' chi wanq aawankil. Maa'ani chitz'eqtaananq aawe.

Tito 1:13

Ut yaal ajwi' li kixye. Jo'kan naq chaq'useb' chi kaw re naq kawaqeb' sa' li paab'aal,

2 Timoteo 4:2

chapuktesi li Aatin, chayal aaq'e chi xb'aanunkil a'in naq tixk'e rib' ut naq ink'a'; chatq'usuq, chak'ehaq xna'leb'eb' ut chawaklesi xch'ooleb' rik'in xnimal aakuyum ut aana'leb'.

1 Timoteo 5:22

Maaseeb'a aawib' chi xk'eeb'al laawuq' sa' xb'een anihaq. Mattz'aqonk rik'in xmaak anihaq ut wanqat chi saq ru laach'ool.

1 Timoteo 5:20

Eb' li yookeb' chi maakob'k, chaq'useb' chiruheb' chixjunil re naq chi'okaq xxiweb' li xkomon.

1 Corintios 5:2

Ut laa'ex toj nekeq'etq'eti eerib'! Ma ink'a' us naq xraho'k raj leech'ool ut xerisi raj sa' eeyanq li xb'aanunk re a'an?

Salmos 141:5

Chinxq'us ta ut chinxtij li tiik xch'ool xb'aan inraab'al; a'ut maajoq'e taxaq chixyul linjolom li xsununkil b'an li ink'a' us xna'leb', re naq ink'a' tintz'aqonq rik'in li xmaa'usilal.

Génesis 27:41

Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

2 Samuel 13:22

Laj Absalón maajun aatin kixye re laj Amnón, ab'anan xik' naril xb'aan naq kixsach xtuq'ixqilal lix Tamar li ranab'.

Nehemías 13:17

Toja' naq keb'inq'us chi kaw li wankeb' chi jolomink re Judá ut kinye reheb': “K'ajo' xyib'al ru yookex naq nekemux li kutan sábado!