Levítico 19:16 - Q'eqchi Bible

¹⁶ “Matyoob'ank aatin chirix xjolomeb' laawech'alal. “Mat-okenk chi xkamsinkil laawas aawiitz'in. Laa'in li Qaawa'.

Li Santil hu

¹⁶ Mexyoꞌoban a̱tin chirixeb le̱ ras e̱ri̱tzꞌin. Ut me̱qꞌueheb chi camsi̱c le̱ ras e̱ri̱tzꞌin. La̱in li Ka̱cuaꞌ Dios xinyehoc re aꞌin.

Levítico 19:16 ပူးပေါင်းရင်းမြစ်များ

Éxodo 23:1

“Matyoob'ank aatin chi moko chatenq'a li wank xmaak, rik'in xyeeb'al tik'ti'.

Éxodo 23:7

“Maaye li tik'ti' sa' raqleb'aal aatin; maak'e chi kamsiik li ani maak'a' xmaak ut tiik xch'ool, chi moko taaye naq maak'a' xmaak li ink'a' us xch'ool.

Proverbios 20:19

Li nawulak chiru molok aatin, maajun li na'leb' naxk'uula chi muqmu; jo'kan naq maawochb'eeniheb' laj tik'ti'.

Ezequiel 22:9

Wankeb' aawik'in aj q'ab'anel, ut naab'aleb' li poyanam neke'kamsiik; neke'wulak chiru tzuul chi wa'ak sa'eb' li tijob'aal ut q'axal yib'ru neke'xb'aanu.

Jeremías 9:4

Li junjunq chixkolaq rib' chiru li ras riitz'in, chi moko chixk'ojob' xch'ool chirix li ramiiw, xb'aan naq eb' li ras riitz'ineb' rib' neke'b'alaq'ik ut chixjunileb' li amiiw junes q'ab'ank neke'xb'aanu.

Jeremías 6:28

Chixjunileb' jwal kaweb' li xjolom, chanchaneb' li q'anch'iich' ut li ki'ch'iich'; q'etq'eteb' chixjunileb' ut junes q'ab'ank neke'xb'aanu.

Proverbios 11:13

Li namolok aatin naxseeraq'i chixjunil, a'ut li winq paab'ajel ru naxk'uula sa' xch'ool.

1 Pedro 2:1

Jo'kan utan, tz'eqtaanahomaq chixjunil li maa'usilal, chixjunil li b'alaq'il, ka'pak'al uhil, kaqalink ut chixjunil li majewank.

Salmos 15:3

ut ink'a' nayoob'ank aatin chirix anihaq; li ink'a' naxb'aanu maa'usilal re li ras riitz'in chi moko na'aatinak chirix xjolom li rechkab'al;

Éxodo 20:16

“Matyoob'ank aatin chirix laawas aawiitz'in.

Tito 2:3

Jo'kanaqeb' ajwi' li cheekel ixq: che'wanq xloq'aleb' li xyu'am jo' xk'ulub'eb' laj santil paab'anel; maawa'aqeb' aj yoob'anel aatin chi moko aj kalajenaqeb', a'anaqeb' b'an aj k'utul re li chaab'ilal,

2 Timoteo 3:3

Ink'a' chik te'xrahatq rib', maak'a'aq chik usilal rik'ineb', aj yoob'anelaqeb' aatin, ink'a' te'xkuy rib', q'axal josq'aqeb', xik' te'ril li chaab'ilal,

1 Timoteo 3:11

Jo'kanaqeb' ajwi' li ixq, tento naq tiikaqeb' xch'ool, maawa'aqeb' aj yoob'anel aatin, tuqtuuq b'an xna'leb'eb' ut tiikaqeb' xch'ool rik'in chixjunil.

San Mateo 27:4

—Xinmaakob'k, xinq'axtesi xyu'am jun li winq maak'a' xmaak, chan. A'ut eb' a'an ke'xye: —K'a' tqaj wi' laa'o? Il laa'at k'aru taab'aanu.

Deuteronomio 27:25

«Tz'eqtaananb'ilaq li ani taak'uluq tumin re xkamsinkil junaq li maak'a' xmaak». Ut chixjunil li tenamit te'xye: «Jo'kan».

Li xHu LAJ JOB 17:5

Li ani naxq'axtesi li ramiiw sa' ruq'eb' li xik' neke'ilok re, ra te'xk'ul eb' li ralal xk'ajol.

1 Samuel 24:10

Anaqwan ajwi' xak'e reetal naq li Qaawa' xatxk'e sa' wuq' sa' li ochoch pek. Wankeb' li xe'xye we naq tatinkamsi, ab'anan xinkuy aamaak xb'aan naq xinye sa' inch'ool: «Ink'a' tintaqsi wuq' sa' xb'een laj eechal we, xb'aan naq a'an yulb'il xb'aan li Qaawa'».

Salmos 50:20

Nakachunub' aawib' chi aatinak chirix xjolom laawas aawiitz'in, ut a' ajwi' laawiitz'in nakamajewa.

Salmos 101:5

Li naxyoob' aatin sa' muqmu chirix li ras riitz'in, a'an tintz'eqtaana chi junajwa. Li naxq'etq'eti rib' ut naxnima xwankil, a'an ink'a' tinkuy xmaak.

Proverbios 10:18

Laj tik'ti' naxmuq li xik'il uuchink; ut li ani nawulak chiru molok tik'ti', a'an maak'a' xna'leb'.