Levítico 19:10 - Q'eqchi Bible

¹⁰ Maamolk'a chixjunil ru li uub' chi moko taaxok li xt'ane'k sa' ch'och', kanab' b'an cho'q reheb' li neb'a' ut cho'q reheb' laj ab'l tenamit. Laa'in li Qaawa', leeYos laa'ex.

Li Santil hu

¹⁰ Nak te̱sicꞌ ru le̱ uvas, incꞌaꞌ te̱sicꞌ chi us, chi moco te̱molcꞌa li natꞌaneꞌ. Te̱canab ban reheb li nebaꞌ ut reheb li jalaneb xtenamit. La̱in li Ka̱cuaꞌ le̱ Dios xinyehoc re aꞌin.

Levítico 19:10 ပူးပေါင်းရင်းမြစ်များ

Isaías 24:13

Sa' chixjunileb' li tenamit li wankeb' sa' ruuchich'och' taak'ulmanq jo' naq nach'oxe'k ru li oliiw, malaj jo' naq nasakoniik ru li uub' sa' xraqik.

Isaías 17:6

aran junes roq awimq aj chik taakanaaq. Taak'ulmanq jo' naq najiliik li ru eb' li oliiw chi che': wiib' oxib' aj chik nakanaak chiru li xmisik', kaahib' malaj oob'aq li ru natawmank chiru li xche'el”, chan li Qaawa', li xYos laj Israel.

Levítico 25:6

Jo'k'ihal taaruuchin li ch'och' xjunes naq yooq chi hilank, taatz'aqloq cho'q eetzekemq laa'ex, cho'q reheb' leemoos winq ut ixq, cho'q reheb' li neke'k'anjelak cheru chi tojb'il, ut cho'q reheb' ajwi' laj ab'l tenamit li wanqeb' sa' eeyanq.

Miqueas 7:1

Toq'ob' xaq wu, chanchanin aj chik li nasakonink chirix xq'ehil li q'olok, ut ink'a' chik nintaw in'uub' chi moko in'iig; ink'a' chik nintaw ruheb' li awimq li q'axal nawulak chiwu.

Abdías 1:5

“Wi ta te'wulaq eb' laj elq' sa' laawochoch chiru q'oqyink, ink'a' raj te'xk'am chixjunil. Ut wi ta te'chalq eb' laj q'olonel, ma ink'a' raj te'xkanab' kach'inaq cho'q aawe?

Jeremías 49:9

Naq eb' laj ch'oqol ru uub' neke'chalk aawik'in, neke'xkanab' kach'inaq re sakonaak. Naq eb' aj elq' neke'ok sa' laawochoch chiru q'oqyink, neke'xk'am ka'ajwi' li neke'raj xk'amb'al.

Jueces 8:2

Ut laj Jedehón kixsumeheb': “K'aru xinb'aanu laa'in? Q'axal chik xeb'aanu laa'ex aj Efraín chiru li xqab'aanu laa'o.

Levítico 19:9

“Naq taawulaq xq'ehil li q'olok, matq'olok toj sa' xmaril li ch'och' chi moko taamolk'a li xkanaak.

Levítico 19:11

“Mex'elq'ak. Mextik'ti'ik chi moko cheb'alaq'i eerib' cherib'il eerib'.

Levítico 23:22

“Naq taawulaq xq'ehil li q'olok, matq'olok toj sa' xmaril li ch'och' chi moko taasakona li k'a'aq re ru xkanaak. Kanab' a'an cho'q reheb' li neb'a' ut cho'q reheb' laj ab'l tenamit. Laa'in li Qaawa', leeYos”.

Deuteronomio 24:19

“Naq taaxok ru laawawimq sa' laach'och', wi xsachk chaq sa' aach'ool jun joob'aq laatriiw, matsutq'iik chi xsik'b'al. Rehaq chik laj ab'l tenamit, li neb'a'yox ut li xmalka'an, re naq li Qaawa' laaYos tatrosob'tesi sa' chixjunil laak'anjel.

Deuteronomio 24:20

“Naq taatich ru laa'oliiw, ink'a' taasakona li ru; kanaaq cho'q re laj ab'l tenamit, cho'q re li neb'a'yox ut li xmalka'an.

Li xHu LIX RUT 2:2

Sa' jun kutan lix Rut aj Mohab kixye re lix Nohemí: —Kanab'in chi xik sa' k'aleb'aal chi xxokb'al kach'inaq linseeb'aad. Twaj tinxik b'arwi' k'ulb'ilaqin sa' xyaalal. Ut a'an kixsume: —Ayu, at inko', chan.

Levítico 11:44

xb'aan naq laa'in li Qaawa' leeYos. Ch'ajob'resihomaq eerib' ut santaqex, xb'aan naq santin laa'in. Meetz'ajni eerib' rik'in junaq xul li naxjuku rib' chiru ch'och'.

Levítico 19:25

ut sa' ro' li chihab' naru chik teetzeka ru li che' a'an. Chi jo'kan li che' q'axal chik taa'uuchinq. Laa'in li Qaawa' leeYos.

Deuteronomio 24:21

“Naq taaxok ru laa'uub', moko taasakona ta chaq; kanaaq b'ayaq cho'q re laj ab'l tenamit, cho'q re li neb'a'yox ut li xmalka'an.