Levítico 18:4 - Q'eqchi Bible

⁴ “Paab'omaq lintaqlahom; chek'anjela ru linchaq'rab', chexwanq jo' naxye a'an. Laa'in li Qaawa' leeYos.

Li Santil hu

⁴ Cheba̱nuhak ban li naxye saꞌ lin chakꞌrab li xinqꞌue e̱re. Cheba̱nuhak chixjunil li cꞌaꞌru xexintakla cuiꞌ. La̱in li Ka̱cuaꞌ le̱ Dios xinyehoc re aꞌin.

Levítico 18:4 ပူးပေါင်းရင်းမြစ်များ

Levítico 18:2

“Ye reheb' laj Israel naq laa'in li Qaawa' leeYos.

San Juan 15:14

Laa'ex li wamiiw wi nekeb'aanu li nekexintaqla wi'.

Ezequiel 36:27

Tink'e linmusiq' eere, re naq wanqex jo' naxye li linchaq'rab', teepaab' lintaqlahom ut teeyu'ami li waatin.

Ezequiel 20:19

Laa'in li Qaawa' leeYos, chankin reheb'. Paab'omaq linchaq'rab' ut k'uulahomaq sa' leech'ool li waatin li nink'e cheyu'ami.

Salmos 119:4

Laa'at xak'e chi nawe'k laachaq'rab' re naq taapaab'aaq chi tz'aqal re ru.

Deuteronomio 6:1

“A'aneb' a'in li chaq'rab', li aatin ut chixjunil li taqlahom kixye li Qaawa' leeYos naq tink'ut cheru, re naq teepaab' sa' li ch'och' toxeereechani.

Levítico 20:22

“Paab'omaq chixjunil linchaq'rab' ut lintaqlahom, ut k'anjelahomaq ru chixjunil. Chi jo'kan ink'a' tex'isiiq sa' li na'ajej li texink'am wi' laa'in.

Levítico 19:37

“Jo'kan b'i' paab'omaq chixjunil linchaq'rab' ut lintaqlahom ut k'anjelahomaq ru. Laa'in li Qaawa'”.

Levítico 18:26

A'ut laa'ex aj Israel ut eb' laj ab'l tenamit li wankeb' sa' eeyanq, paab'omaq linchaq'rab' ut lintaqlahom ut meeb'aanu junaq li yib' aj b'aanuhom a'in,

San Lucas 1:6

Tiikeb' xch'ool chi xkab'ichaleb' chiru li Yos, ut maak'a' xq'usb'aleb' sa' chixjunil li xchaq'rab' ut xtaqlahom li Qaawa'.

Ezequiel 37:24

Laj David, laj k'anjel chiwu, a'an taa'awab'ejinq ut taab'eresinq re chixjunileb'. Te'ab'inq chik chiwu ut te'xpaab', te'xyu'ami li waatin ut linchaq'rab'.

Salmos 105:45

re naq wanq sa' xch'ooleb' li xtaqlahom li Qaawa' ut junelik te'xpaab' li xloq'laj chaq'rab'. Aleluya!

Levítico 18:5

“K'uulahomaq sa' leech'ool linchaq'rab' ut lintaqlahom. Ani taapaab'anq re, taayo'yooq. Laa'in li Qaawa'.

Levítico 19:19

“K'anjelahomaq ru linchaq'rab'. “Maak'e chi b'atz'unk laaketomq rik'in k'iila paay chi ketomq. “Maawaw wiib' paay chi iyaj sa' laach'och'. “Maatiqib' aawib' rik'in aq'ej wiib' paay ru xt'ikrul.