Levítico 18:24 - Q'eqchi Bible

²⁴ “Meetz'ajni eerib' rik'in xb'aanunkil a k'a'aq re ru a'in. Sa' xk'ab'a' a'an xe'xtz'ajni rib' li tenamit li te'wisi laa'in cheru laa'ex.

Li Santil hu

²⁴ Me̱mux e̱rib xba̱nunquil li cꞌaꞌak re ru aꞌin xban nak aꞌan incꞌaꞌ us. Aꞌan lix ma̱usilaleb li tenamit li tincuisi saꞌ li naꞌajej li tex-oc cuiꞌ.

Levítico 18:24 ပူးပေါင်းရင်းမြစ်များ

Deuteronomio 18:12

Xb'aan naq chixjunileb' li neke'b'aanunk re a'in, yib'eetal chiru li Qaawa' laaYos neke'xb'aanu ut, xmaak eb' li yib' aj b'aanuhom a'in, li Qaawa' laaYos traanilasiheb' li tenamit a'an chawu.

Levítico 18:30

Jo'kan b'i' paab'omaq linchaq'rab' ut mext'ane'k sa' li yib' aj b'aanuhom li xb'aanumank xb'enwa cheru laa'ex, chi moko chetz'ajni eerib' rik'in a'an. Laa'in li Qaawa' leeYos”.

1 Corintios 3:17

Wi ani naxjuk' li rochoch li Yos, a' ajwi' li Yos taajuk'uq re a'an, xb'aan naq li rochoch li Yos a'an sant ut a'anex laa'ex.

Jeremías 44:4

«Laa'in junelik kink'e inch'ool chi xtaqlankileb' chaq eerik'in linpropeet, aj k'anjeleb' chiwu, re xyeeb'al eere naq meeb'aanu li tz'i'b'eetalil na'leb' li ink'a' nawulak chiwu.

Deuteronomio 12:31

Maab'aanu chi jo'kan re li Qaawa' laaYos. Xb'aan naq chixjunil li tz'i'b'eetal chiru li Qaawa', chixjunil li tz'eqtaananb'il xb'aan, neke'xb'aanu eb' a'an re xloq'oninkil li xyoseb': a' ajwi' eb' li ralal ut xrab'ineb' neke'xk'at sa' xk'ab'a'eb' li xyos!

Levítico 18:3

“Meeb'aanu jo' k'aynaqeb' xb'aanunkil laj Ejiipt, b'arwi' kexwank chaq. “Meeb'aanu jo' na'uxmank sa' li tenamit Kanahán, b'arwi' texink'am, chi moko chexwanq jo' naxye li xchaq'rab'eb' a'an.

Génesis 15:16

Sa' li xka xteepal riyajileb' laawalal, eb' a'in te'sutq'iiq chaq arin xb'aan naq anaqwan toj maji' xtz'aqlok ru li xk'ihal xmaakeb' laj Amor”, chan li Qaawa'.

Números 35:34

“Meemux ru li ch'och' wankex wi' ut b'arwi' wankin ajwi' laa'in, xb'aan naq laa'in li Qaawa' ninhilank sa' xyanqeb' laj Israel”.

Deuteronomio 9:4

Ut naq akaq xe'isiik chawu xb'aan li Qaawa' laaYos, maaye sa' laach'ool: «Xb'aan xtiikilal linch'ool xinxk'am li Qaawa' chiweechani li ch'och' a'in». Jwal us b'an taaye: «Li Qaawa' kirisiheb' chiwu li tenamit a'in xb'aan li xmaa'usilaleb'», cha'qat.

1 Reyes 9:7

relik chi yaal naq twisi chixjunileb' laj Israel sa' li ch'och' kink'e reheb', twisi sa' xnaq' wu li ochoch a'in li xinsantob'resi sa' ink'ab'a', ut eb' laj Israel te'kanaaq cho'q se'leb'aal sa' xyanqeb' chixjunileb' li tenamit.

Esdras 9:1

Chirix chik a'an ke'k'ulunk wik'in eb' laj k'amol b'e ut ke'xye we: “Eb' laj Israel, eb' laj tij ut eb' laj Leví ink'a' xe'xjek' rib' rik'in li jalaneb' xtenamit, a'eb' laj Kanahán, eb' laj Hit, eb' laj Perés, eb' laj Jebús, eb' laj Amón, eb' laj Ejiipt ut eb' laj Amor, ut a' ajwi' li xmaa'usilaleb' li tenamit a'an xe'xb'aanu.

Salmos 106:39

ke'xtz'ajni rib' rik'in li xb'aanuhomeb', ke'xmux rib' rik'in li maa'usilal ke'xb'aanu.

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Jueces 20:5

Ab'anan sa' ajwi' li q'oqyink a'an eb' laj Kibehá xe'chalk sa' inb'een ut xe'xsut li ochoch. Xe'raj raj inkamsinkil, ut k'ajo' naq xe'xb'atz'une li wixaqil toj reetal xkamk.

Jueces 20:6

Toja' naq xinchap li kamenaq, xinseti ut xintaqla sa' xteepal chixjunil Israel, xb'aan naq xutaanal ut yib'eetal ru li xk'ulmank Israel.

Jueces 20:10

ut tqisi lajeetq sa' xyanq chixjunileb' li xteepal laj Israel; chirix chik a'an tqasik' ru junjunq sa' xyanqeb' li b'uulinb'ileb' rix. Tqisi lajeetq sa' xyanq o'k'aal, o'k'aal sa' xyanq lajeek'aal rox o'q'ob' ut lajeek'aal rox o'q'ob' sa' xyanq lajeeb' mil, re naq toxe'xsik' xtzekemq eb' laj puub'. Ut eb' li junch'ol chik te'xik Kibehá re xk'eeb'al reeqaj li maa'usilal xe'xb'aanu re Israel”.

2 Crónicas 33:2

Ab'anan ink'a' kixb'aanu li us chiru li Qaawa', kixb'aanu b'an chik li tz'i'b'eetalil, jo' neke'xb'aanu eb' li tenamit li ke'aanilasiik xb'aan li Qaawa' chiruheb' laj Israel.

Ezequiel 36:17

“At kaamel winq, naq eb' laj Israel wankeb' chaq sa' li xch'och'eb', ke'xmux li na'ajej rik'in li xyehom ut xb'aanuhomeb'; ke'xtz'ajni li xna'ajeb' jo' li xpuch'unik junaq ixq.