Levítico 17:7 - Q'eqchi Bible

⁷ Ut maajun wa chik te'xq'axtesi li xmayejeb' reheb' li maa'us a'an, li ke'xloq'oni chaq. A'an a'in jun chaq'rab' wanq xwankil cho'q reheb' chi junelik q'e kutan.

Li Santil hu

⁷ Incꞌaꞌ chic teꞌxmayeja li xul yalak bar chiruheb li ma̱us aj musikꞌej li queꞌxlokꞌoni chak. Aꞌin jun li chakꞌrab cua̱nk chi junelic. Tento nak te̱ba̱nu la̱ex aj Israel ut tento ajcuiꞌ nak teꞌxba̱nu eb le̱ ralal e̱cꞌajol li teꞌcua̱nk mokon.

Levítico 17:7 ပူးပေါင်းရင်းမြစ်များ

1 Corintios 10:20

Ink'a', ninye b'an naq li k'aru neke'xmayeja eb' li ink'a' neke'xpaab' li Kriist, chiruheb' li maa'us neke'xmayeja ut ink'a' chiru li Yos. Ut laa'in ink'a' nawaj naq yooqex chi tz'aqonk rik'ineb' laj tza.

Éxodo 34:15

“Maak'e aawib' sa' sumwank rik'ineb' li wankeb' sa' li na'ajej a'an: mare anchal, naq te'xmux rib' chi xloq'oninkil li xyoseb' ut chi mayejak chiruheb', tate'xb'oq ut laa'at taatzeka li xmayejeb'.

2 Crónicas 11:15

Jalaneb' chik winq ke'xaqab'aak xb'aan laj Jerobohán cho'q aj tij re te'mayejaq sa'eb' li tijob'aal sa' xjolomeb' li tzuul, chiruheb' li maa'us ut eb' li wakax li kixk'e chi yiib'aak.

Deuteronomio 32:17

Ke'mayejak chiruheb' li maa'us aj musiq'ej, moko chiru ta li Yos: chiruheb' li yal k'oxlanb'il yos li ink'a' xnawomeb' ru junxil, ak'eb', tojo' xe'chalk, ink'a' loq'oninb'ileb' chaq xb'aaneb' li xna' xyuwa'eb'.

Salmos 106:37

Ke'xmayeja eb' li ralal xk'ajol chiruheb' li maa'us.

Apocalipsis 9:20

Ab'an li junch'ol chik, eb' li winq li ink'a' ke'kamsiik xb'aaneb' li rahilal a'an, ink'a' ke'yot'e'k xch'ool ink'a' ke'xjal xk'a'uxl chirixeb' li xb'aanuhom; ink'a' ke'xkanab' xloq'oninkileb' ru laj tza chi moko li xyoseb' yiib'anb'ileb' rik'in oor, plaat, q'anch'iich', pek ut che'. Ink'a' ke'xkanab' xloq'oninkil eb' li yos li ink'a' neke'ruhank chi ilok, chi moko ab'ink ut b'eek.

Ezequiel 23:8

Chalen naq kiwank chaq Ejiipt kiwank jo' aj yumb'eet ut maajun sut kixkanab' xb'aanunkil chalen chaq sa' xsaajilal, naq kixkanab' rib' chi ch'e'eek ut chi mayuuk toj reetal kib'atz'unleek xb'aaneb' naab'al chi winq.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Levítico 20:5

laa'in tinjosq'o'q sa' xb'een a'an jo'wi' sa' xb'een li xjunkab'al, ut twisi sa' xyanqeb' li rech tenamitul rochb'eeneb' chixjunil li xe'xmux rib' chi xloq'oninkil laj Molok.

Éxodo 32:8

Sa' junpaat xe'risi rib' sa' li b'e xink'ut chiruheb'. Xe'xyiib' jun saaj wakax rik'in oor ut xe'xhupub' rib' chiru; xe'xyeechi'i xmayejeb' ut xe'xye: «A'an a'in laayos, a Israel. A'an ki'isink chaq aawe sa' li tenamit Ejiipt»”.

Éxodo 22:20

“Li taamayejaq chiruheb' li jalanil yos, taaq'axtesiiq sa' ruq' li xb'alb'a.

Efesios 2:2

Xexwanje'k chaq jo' chanru xna'leb' li ruuchich'och' a'in ut xetaaqe laj taqlanel li wank xwankil sa' li iq', a' li musiq'ej li yo chi k'anjelak rik'ineb' laj q'etol aatin.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

San Juan 14:30

“Ink'a' chik najt tin'aatinaq eerik'in, xb'aan naq chalk re laj Taqlanel sa' xb'een li ruuchich'och' a'in. Maak'a' xwankil sa' inb'een;

San Juan 12:31

Anaqwan taaraqe'q aatin sa' xb'een li ruuchich'och' a'in. Anaqwan laj Taqlanel sa' xb'een li ruuchich'och' a'in taakute'q chi najt.

Jeremías 3:1

“Qayehaq: wi junaq winq naxkanab' li rixaqil ut li ixq na'elk ut nasumlaak rik'in jalan chik, ma naru taasutq'iiq wi' chik rik'in li xwank cho'q xb'eelom? A'an q'axal xutaanal cho'q re chixjunil li tenamit. Jo'kan b'i', a Israel, laa'at xamux aawib' rik'in naab'aleb' li xe'rahink aawu, ut anaqwan taawaj wi' chik sutq'iik chaq wik'in!

Levítico 3:17

“A'an a'in jun chaq'rab' twanq chi junajwa cho'q reheb' li jar teep chi tenamit chaalel, yalaq b'ar wanqeb': ink'a' taatzekamanq li xeeb' chi moko li kik'”.

Levítico 17:8

“Taaye ajwi' reheb' naq yalaq ani sa' xyanqeb' laj Israel malaj aj ab'l tenamit wanq sa' eeyanq, wi tixq'axtesi junaq xk'atb'il mayej malaj yalaq k'a' chi mayejil,

Salmos 106:39

ke'xtz'ajni rib' rik'in li xb'aanuhomeb', ke'xmux rib' rik'in li maa'usilal ke'xb'aanu.

Ezequiel 23:3

Chalen chaq sa' xsaajilaleb' ke'xtikib' xmuxb'aleb' rib' rik'ineb' li winq; aran Ejiipt ke'ch'e'eek ut kimayuuk li re xch'ooleb' toj reetal ke'xmux li xtuq'ixqilaleb'.

Éxodo 22:19

“Chixjunil li taamaakob'q rik'in xul, kamsinb'ilaq.

Éxodo 27:21

Laj Aharón rochb'eeneb' li ralal te'iloq re chiru li Qaawa', sa' xMuheb'aal li ch'utam, junpak'al li t'ilkem li wank chi xk'atq li xLoq'laj Kaaxil li Sumwank, chalen ewu toj eq'la. A'in jun chaq'rab' xaqxooq xwankil chi junelik cho'q reheb' li ralal xk'ajol laj Israel.