Levítico 17:5 - Q'eqchi Bible

⁵ Taab'aanumanq chi jo'ka'in re naq eb' laj Israel te'xyeechi'i re li Qaawa' eb' li xul te'xkamsi yal chi jo'kan, ut te'xk'am rik'in laj tij sa' rokeb'aal li Loq'laj Muheb'aal, re naq taayeechi'imanq sa' xk'ab'a'eb' a'an jo' mayej re k'amok ib' sa' usilal.

Li Santil hu

⁵ Li chakꞌrab aꞌin qꞌuebil reheb laj Israel re nak incꞌaꞌ teꞌmayejak yalak bar saꞌ li cꞌaleba̱l. Teꞌxcꞌam riqꞌuin laj tij lix mayejeb re xcꞌambaleb rib saꞌ usilal riqꞌuin li Dios. Ut laj tij tixmayeja li xul chiru li Dios chiru li oqueba̱l re li tabernáculo saꞌ xcꞌabaꞌeb li cristian.

Levítico 17:5 ပူးပေါင်းရင်းမြစ်များ

Ezequiel 22:9

Wankeb' aawik'in aj q'ab'anel, ut naab'aleb' li poyanam neke'kamsiik; neke'wulak chiru tzuul chi wa'ak sa'eb' li tijob'aal ut q'axal yib'ru neke'xb'aanu.

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

2 Crónicas 28:4

Kimayejak ut kik'atok pom sa'eb' li tijob'aal chi tzuul, sa' xb'eeneb' li b'ool ut rub'elatq chixjunil li xninqal che'.

2 Reyes 17:10

Ke'xyiib'atq xjalam u pek che' sa' xjolomeb' li tzuul ut rub'elatqeb' li xninqal che'.

2 Reyes 16:4

Kimayejak ut kik'atok pom sa'eb' li tijob'aal sa' xjolomeb' li tzuul ut rub'elatq chixjunil li xninqal che'.

1 Reyes 14:23

xb'aan naq eb' a'an ajwi' ke'xyiib' eb' li tijob'aal ut eb' li pek che', chi xjolomeb' li tzuul ut rub'elatq xninqal che'.

Deuteronomio 12:2

“Teesach chi junajwa chixjunileb' li na'ajej b'arwi' neke'xloq'oni li xyoseb' eb' li tenamit teereechani: teesach sa' xb'eeneb' li tzuul, sa' xb'eeneb' li b'ool ut rub'elatq chixjunil li xchaq'alil ru che'.

Éxodo 24:5

Chirix chik a'an wankeb' saaj al sa' xyanqeb' laj Israel li ke'taqlaak chi xyeechi'inkil k'atb'il xul ut xkamsinkil saaj wakax jo' loq'laj mayej cho'q re li Qaawa'.

Génesis 31:54

Chirix chik a'an laj Jakob kimayejak chiru li Qaawa' sa' xb'een li tzuul ut kixb'oqeb' li rech'alal chi tz'aqonk. Eb' a'an ke'tz'aqonk ut ke'xnumsi li q'oqyink aran.

Génesis 22:13

Toja' naq laj Abrahán kixtaqsi li rilob'aal ut kiril jun karneer t'ilt'o chaq li xxukub' sa' li k'ix. Koho, kixchap chaq li karneer ut kixkamsi cho'q xmayej, reeqaj li ralal.

Génesis 22:2

Kixye li Yos: “K'am laawalal, li junaj chirib'il, a' laj Isahak li raaro aab'aan. Ayu sa' li tenamit Moria ut toxaayeechi'i aran cho'q k'atb'il mayej sa' xb'een li tzuul li tink'ut chawu”.

Génesis 21:33

Toja' naq laj Abrahán kiraw jun toon chi tamarisko aran Berseba ut kixyaab'a xk'ab'a' li Qaawa', li junelik Yos.

Levítico 17:4

wi ink'a' tixk'am chaq sa' rokeb'aal li Loq'laj Muheb'aal re xmayejankil re li Qaawa' chiru li xLoq'laj Na'aj, li winq a'an wanq xmaak xb'aan naq xkamsink. Tento taa'isiiq sa' xyanqeb' li rech tenamitul, xb'aan naq xhoy xkik'el li xul.

Levítico 17:6

Laj tij tixrachrachi li kik' sa' xb'een x'artal li Qaawa', sa' rokeb'aal li Loq'laj Muheb'aal, ut tixk'at li xeeb' jo' sununkil b'ook chiru li Qaawa'.

Ezequiel 43:27

A'in taa'uxmanq chiru wuqub' kutan, ut chalen chik sa' xwaqxaq li kutan, eb' laj tij te'xtikib' xyeechi'inkil li k'atb'il mayej sa' xb'een li artal jo' ajwi' te'mayejaq chirix li k'amok ib' sa' usilal. Ut laa'in tink'ul leemayej chi anchal linch'ool”, chan li Qaawa'.

Ezequiel 44:15

“Ab'an eb' laj Leví, li ralal xk'ajoleb' laj Sadok li ink'a' xe'xkanab' k'anjelak sa' li wochoch naq eb' laj Israel xine'xtz'eqtaana, a'aneb' naru te'ok chi k'anjelak chiwu re xyeechi'inkil we li xxeeb'ul ut li xkik'el li mayej -chan li Qaawa'-.

1 Reyes 3:2

Chiruheb' li kutan a'an eb' li tenamit toj yookeb' chaq chi mayejak sa'eb' li xninqal tzuul, xb'aan naq toj maji'aq nachoymank xyiib'ankil rochoch li Qaawa'.

1 Reyes 3:3

Laj Salomón naxra li Qaawa' ut naxpaab' li chaq'rab' k'eeb'il re xb'aan laj David li xyuwa'. Ab'anan toj namayejak ajwi' sa'eb' li xninqal tzuul ut nak'atok chaq pom aran.