Levítico 17:4 - Q'eqchi Bible

⁴ wi ink'a' tixk'am chaq sa' rokeb'aal li Loq'laj Muheb'aal re xmayejankil re li Qaawa' chiru li xLoq'laj Na'aj, li winq a'an wanq xmaak xb'aan naq xkamsink. Tento taa'isiiq sa' xyanqeb' li rech tenamitul, xb'aan naq xhoy xkik'el li xul.

Li Santil hu

⁴ ut cui incꞌaꞌ tixcꞌam chiru li oqueba̱l re li tabernáculo re tixmayeja chiru li Ka̱cuaꞌ, li cui̱nk aꞌan cua̱nk xma̱c xban nak quicamsin. Ta̱cana̱k joꞌ jun aj camsinel. Tento nak ta̱isi̱k saꞌ xya̱nkeb laj Israel xban nak quirisi xquiqꞌuel li xul.

Levítico 17:4 ပူးပေါင်းရင်းမြစ်များ

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Juan 10:9

Laa'in li okeb'aal. Ani taa'ok sa' ink'ab'a', kolb'ilaq; taa'ok, taa'elq ut tixtaw xwa.

San Juan 10:7

Jo'kan naq li Jesus ki'aatinak wi' chik rik'ineb': —Relik chi yaal ninye eere: laa'in li rokeb'aaleb' li karneer.

Ezequiel 20:40

Xb'aan naq chixjunileb' laj Israel tine'xloq'oni sa' linsantil na'aj, sa' xb'een li tzuul najt xteram li wank aran Israel -chan li Qaawa'-. Aran teb'ink'ul chi anchal linch'ool ut tinpatz' leemayej, li xb'een ru leerawimq jo' ajwi' chixjunil li k'aru loq' cheru.

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Génesis 17:14

Li ink'a' tixk'ul li sirkunsisyon, a' li teelom li ink'a' taasete'q xtz'uumal li xtz'ejwal, a'an taa'isiiq sa' xyanqeb' li xkomon xb'aan naq xq'et li qaSumwank”.

Romanos 5:20

Li Chaq'rab' ki'ok re naq chinumtaaq li maak. Ab'an b'arwi' kinumtaak li maak, k'ajo' chik naq kinumtaak li rusilal li Yos.

Romanos 5:13

Naq toj maak'a' chaq li xChaq'rab' laj Moisés, ak wan chaq li maak sa' ruuchich'och', us ta maa'ani nak'ehe'k xmaak naq toj maak'a' li Chaq'rab'.

Romanos 4:6

Jo' ajwi' naxye laj David naq us xaq re li naxmaatani xtiikilal xch'ool xb'aan li Yos chi ink'a' k'eeb'ileb' sa' ajl li xb'aanuhom:

Salmos 32:2

Us xaq re li maak'a' b'alaq'ik rik'in ut maak'a' xmaak chiru li Qaawa'.

Levítico 20:18

“Wi ani taayoklaaq rik'in junaq ixq sa' xq'ehil li xpuch'unik ut taawanq rik'in, naxk'e chi kutankil li na'elk wi' li xkik'el li ixq, ut a' ajwi' li ixq nak'ehok re chi kutankil. Jo'kan naq chi xkab'ichaleb' te'isiiq sa' xyanqeb' li rech tenamitul.

Levítico 20:16

“Wi junaq ixq tixq'axtesi rib' chi b'atz'unleek xb'aan junaq xul, te'kamsimanq chi xkab'ichaleb', jo' li ixq ut jo' ajwi' li xul. A'aneb' ajwi' wankeb' wi' naq te'kamsiiq.

Levítico 20:3

Laa'in tinjosq'o'q sa' xb'een li winq a'an ut twisi sa' xyanqeb' li rech tenamitul, xb'aan naq xmux linLoq'laj Na'ajej ut xtz'eqtaana linsantil k'ab'a' rik'in xq'axtesinkil li ralal re laj Molok.

Levítico 18:29

Ani taab'aanunq re yalaq k'aru chi yib' aj na'leb' xkomon a'in, taa'isimanq sa' xyanqeb' li rech tenamitul.

Levítico 17:14

xb'aan naq chixjunil li wank xyu'am yo'yo sa' xk'ab'a' li kik'. Jo'kan naq xinye eere naq ink'a' teetzeka li kik', xb'aan naq a'an li xyu'ameb' chixjunileb' li yo'yookeb', ut yalaq ani taatzekanq re, tento taa'isiiq sa' xyanqeb' laj Israel.

Levítico 17:10

“Laa'in tinjosq'o'q rik'in chixjunileb' laj Israel malaj aj ab'l tenamit li wanqeb' sa' eeyanq wi te'tzekanq kik' a' yaal chanru. Laa'in te'wisi sa' xyanqeb' li rech tenamitul.

Levítico 7:18

Ut wi ani tixtzeka sa' rox li kutan xtib'el li mayej re k'amok ib' sa' usilal, li mayej a'an ink'a' k'ulb'ilaq chi moko k'eeb'ilaq sa' ajl, ut li tib' a'an tz'eqtaananb'ilaq chi junajwa. Ani taatzekanq re, taakanaaq li maak sa' xb'een.

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

Éxodo 12:19

Chiru wuqub' kutan ink'a' taawanq sa' leerochoch li nasipob'resink re li wa: chixjunileb' laj ab'l tenamit malaj yo'lajenaqeb' sa' eeyanq li te'wa'oq k'a'aq re ru wanq xyu, te'sache'q sa' xkomonileb' laj Israel.

Éxodo 12:15

“Chiru wuqub' kutan texwa'oq wa ink'a' yuub'il. Chalen li xb'een kutan isinb'ilaq sa' leerochoch li nasipob'resink re li wa. Yalaq ani taawa'oq wa yuub'il, chalen sa' li xb'een kutan toj sa' li xwuq, taasache'q sa' xyanqeb' laj Israel.

Levítico 17:3

“Yalaq ani sa' xyanqeb' laj Israel tixkamsi junaq teelom wakax, junaq karneer malaj junaq chib'aat chisa' malaj ut chirix li na'ajej,

Levítico 17:5

Taab'aanumanq chi jo'ka'in re naq eb' laj Israel te'xyeechi'i re li Qaawa' eb' li xul te'xkamsi yal chi jo'kan, ut te'xk'am rik'in laj tij sa' rokeb'aal li Loq'laj Muheb'aal, re naq taayeechi'imanq sa' xk'ab'a'eb' a'an jo' mayej re k'amok ib' sa' usilal.

Levítico 17:9

ut ink'a' tixk'am sa' rokeb'aal li Loq'laj Muheb'aal re xyeechi'inkil re li Qaawa', li winq a'an tento taa'isiiq sa' xyanqeb' li rech tenamitul.

Éxodo 30:33

Chixjunileb' li te'yiib'anq re junaq chik aseeyt kama' a'in, malaj te'xhoy sa' xb'een junaq winq maawa'aq aj tij, isinb'ilaq chi junajwa sa' lintenamit»”.

Éxodo 30:38

Chixjunileb' li te'yiib'anq re junaq chik kama'aq ta a'an re rutz'b'al li xb'ook, isinb'ilaqeb' chi junajwa sa' lintenamit”.

Levítico 3:2

Ani taaq'axtesinq li mayej, tixk'e li ruq' sa' xb'een xjolom li xul tixyeechi'i, ut chirix a'an tixyok' li xkux sa' rokeb'aal li Loq'laj Muheb'aal. Ut eb' laj tij te'xrachrachi li xkik'el chi xsutam li artal.

Deuteronomio 21:8

At Qaawa', chakuy xmaakeb' laatenamit Israel li xakoleb' rix, ut maak'e taxaq sa' qab'een li xkamik li winq a'in li maak'a' xmaak», cha'qeb'. Chi jo'kan te'kanaaq chi kolb'ileb' rix chiru li kik' a'an,