Levítico 16:6 - Q'eqchi Bible

⁶ Toja' naq tixyeechi'i li saaj wakax jo' tz'aqal xmayej chirix li maak, re naq taakuye'q xmaak jo'wi' xmaakeb' li xjunkab'al.

Li Santil hu

⁶ Ut laj Aarón tixmayeja li cuacax toro re xtojbal rix lix ma̱c aꞌan ut re ajcuiꞌ xtojbal rix lix ma̱queb li cuanqueb saꞌ li rochoch.

Levítico 16:6 ပူးပေါင်းရင်းမြစ်များ

Hebreos 9:7

Ab'anan, sa' li xkab' raqal, ka'ajwi' li xyuwa'il aj tij na'ok, jun sut ajwi' chiru li jun chihab'; ut naq na'ok, naxk'am li kik' re xmayejankil chirix li xmaak jo'wi' chirix xmaakeb' li tenamit.

Levítico 9:7

Chirix chik a'an kixye laj Moisés re laj Aharón: “Jilon chaq rik'in li artal ut q'axtesi laamayej chirix li maak jo' ajwi' li xul li taayeechi'i cho'q k'atb'il mayej. Chatoj rix laamaak ut li xmaakeb' laj Israel. Q'axtesi ajwi' li xmayejeb' laj Israel ut chatoj rix xmaakeb', jo' chanru xye li Qaawa'”.

Hebreos 7:27

Ink'a' aajel ru naq taamayejaq rajlal kutan xb'enwa chirixeb' li xmaak xjunes rib' jo' neke'xb'aanu eb' li xyuwa'il aj tij, ut moqon chik chirix li xmaakeb' li tenamit. Xb'aan naq jun sut ajwi' kimayejak li Jesus ut chi junwaakaj, naq kixyeechi'i rib'.

Ezequiel 43:27

A'in taa'uxmanq chiru wuqub' kutan, ut chalen chik sa' xwaqxaq li kutan, eb' laj tij te'xtikib' xyeechi'inkil li k'atb'il mayej sa' xb'een li artal jo' ajwi' te'mayejaq chirix li k'amok ib' sa' usilal. Ut laa'in tink'ul leemayej chi anchal linch'ool”, chan li Qaawa'.

Ezequiel 43:19

Eb' laj Leví, ralal xk'ajoleb' laj Sadok, li neke'nach'ok wik'in chi k'anjelak chiwu, taak'e junaq saaj wakax cho'q xmayejeb' chirix li maak -chan li Qaawa'-.

Li xHu LAJ JOB 1:5

Sa' xraqik li junjunq chi ninq'e laj Job naxb'oqeb' li ralal ut namayejak re te'kuye'q li xmaakeb'. Nawakliik toj eq'la ut naxyeechi'i li xk'atb'il mayej chiru li Yos, sa' xk'ab'a' li junjunq chi ralal. Xb'aan naq naxye sa' xch'ool: “Mare eb' li walal xe'xmajewa li Yos sa' xch'ooleb'”. Ut junelik naxb'aanu chi jo'kan.

Hebreos 9:12

Ut ki'ok sa' li Santil Na'ajej chi junwaakaj, moko rik'in ta xkik'el teelom chib'aat chi moko rik'in xkik'eleb' kok' wakax, rik'in b'an li xkik'el a'an; ut chi jo'kan kooxkol chi junajwa.

Levítico 16:3

Laj Aharón tento taa'ok sa' li tijob'aal rochb'eenaq junaq saaj wakax jo' mayej chirix li maak ut junaq karneer re taayeechi'imanq jo' k'atb'il mayej.

Levítico 16:7

Chirix chik a'an tixchapeb' li wiib' chi chib'aat ut tixyeechi'iheb' chiru li Qaawa', sa' rokeb'aal li Loq'laj Na'ajej b'arwi' na'uxk li ch'utam.