Levítico 16:4 - Q'eqchi Bible

⁴ Tento tixk'e li loq'laj jut-aq' chirix, a' li yiib'anb'il rik'in liin, wanq li xyach' yiib'anb'il rik'in liin; tixk'e ajwi' xk'aamal xsa' ut xb'ak'b'al xjolom liin. Li aq'ej a'in a'an loq'; jo'kan naq toj xb'enwa taa'atinq, toja' naq tixk'e chirix.

Li Santil hu

⁴ Tento nak tixqꞌue chirix li rakꞌ lino li kꞌaxtesinbil re li Dios, li narocsi laj tij. Tixqꞌue li rakꞌ li nim rok. Tixqꞌue ajcuiꞌ lix ta lix cue̱x. Tixqꞌue lix cꞌa̱mal xsaꞌ ut tixqꞌue ajcuiꞌ lix tꞌicr xbacꞌbal xjolom. Li tꞌicr aꞌin ac kꞌaxtesinbil re li Dios. Joꞌcan nak ta̱ati̱nk xbe̱n cua, tojoꞌnak tixqꞌue li rakꞌ chirix.

Levítico 16:4 ပူးပေါင်းရင်းမြစ်များ

Éxodo 30:20

Naq okaqeb' re sa' xMuheb'aal li ch'utam, tento te'ch'ajoq rik'in ha', re naq ink'a' te'kamq. Jo'kanaq ajwi' naq te'jiloq chi xk'atq li artal chi k'anjelak, re k'atok mayej chiru li Qaawa'.

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

Levítico 6:10

Laj tij tixlan rib' rik'in t'ikr ut tixk'e xta xwex malaj xyach'. Chirix chik a'an tixxok xchahil li xul li xk'atmank sa' xb'een li artal, ut tixk'e chi xk'atq li artal.

Hebreos 10:22

Jiloqo b'i' chi xk'atq chi anchal qach'ool, chi anchal qapaab'aal, ch'ajob'resinb'ilaq li qach'ool chiru li ink'a' us ut ch'ajb'ilaqo rik'in saq ru ha'.

Hebreos 2:14

Jo'kan utan, kama' naq eb' li alal k'ajolb'ej neke'tz'aqonk sa' junaj chi tz'ejwalej ut kik'elej, jo'kan ajwi' li Jesus kitz'aqonk rik'ineb' xch'och'el xsululel re xsachb'al xwankil laj eechal re li kamk, a' laj tza, sa' xk'ab'a' li xkamik,

Filipenses 2:7

kixmaak'a'i b'an rib' sa' xyu'am, kixk'am rib' kama' junaq moosej, kixk'am qach'och'el qasululel ut chanchan qech winqilal naq kixk'ut rib'.

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.

Isaías 53:2

Laj K'anjel a'an xk'iik chiru li Qaawa' jo' jun toon chi che' li xmoqk sa' li chaqich'och'. Moko ch'ina'us ta na'ilok chi moko wank xloq'al; maak'a' junaq k'a' tawi' ru tqak'e wi' xwankil.

Levítico 16:24

Aran ajwi', sa' li Santil Na'ajej, taa'atinq ut naq ak xjalok, taaxik chi xmayejankil li xk'atb'il xul jo'wi' li tento tixyeechi'i sa' xk'ab'a' li tenamit. Chi jo'kan tixtoj rix li xmaak jo'wi' li xmaakeb' li tenamit.

Éxodo 40:12

“Chirix chik a'an taataqla laj Aharón ut eb' li ralal chi nach'ok rik'in li rokeb'aal li xMuheb'aal li ch'utam, ut taach'ajeb' rik'in ha'.

Éxodo 29:4

Chaye re laj Aharón ut eb' li ralal naq te'nach'oq rik'in rokeb'aal li xMuheb'aal li ch'utam b'arwi' taawatisiheb' rik'in ha'.

Éxodo 28:2

Taayiib' chi chaab'il li raq' laj Aharón laawas, re naq chik'utunq li xloq'al ut li xwankilal.

Levítico 16:23

Chirix chik a'an laj Aharón taa'ok sa' li Loq'laj Muheb'aal, taarisi li raq' liin chirix, li xk'e chirix re ok sa' li Santil Na'ajej, ut tixkanab' aran.

Levítico 16:32

Laj tij sik'b'il ru ut xaqab'anb'il xwankil re naq taa'ok sa' xna'aj li xyuwa' cho'q aj tij, a'an li taamayejaq re xtojb'al rix li maak: tixtiqib' rib' rik'in osob'tesinb'il aq'ej re liin

Ezequiel 9:2

Toja' naq ke'wil waqib' chi winq yookeb' chi ok sa' li Nimla Okeb'aal li wank sa' xjayal releb'l iq', ut li junjunq wan chaq xch'iich' re kamsink sa' ruq'. Sa' xyanqeb' a'an wan chaq jun li winq tiqto rik'in saqi aq'ej liin, ut b'ak'b'o chaq chi xsa' jun tz'iib'leb'. Naq ke'ok sa' li rochoch li Yos, koxe'xxaqab' rib' chi xk'atq li artal q'anch'iich'.

Ezequiel 44:19

Naq te'elq chiru li neb'aal wank chirix kab'l, wankeb' wi' li poyanam, te'risi chirixeb' li aq'ej xe'mayejak wi' ut te'xkanab' sa'eb' li kok' na'ajej wank sa' linsantil ochoch, ut jalan chik li aq'ej te'xk'e chirixeb' re naq linsantilal ink'a' tixb'oneb' li poyanam.

Levítico 6:3

malaj xtaw k'a'aq re ru tz'eqb'il ut xtik'ti'ik, malaj ut xye jurament sa' b'alaq'il chirix li k'a'aq re ru li junelik namaakob'k wi' junaq,