Levítico 14:21 - Q'eqchi Bible

²¹ “Wi neb'a' li yaj ut maak'a' xtumin re xloq'b'al eb' li mayej a'an, tixchap chaq junaq karneer cho'q xmayej re xtojb'al rix li maak ut tixq'axtesi jo' jun chaab'il mayej re taakuymanq li xmaak, rochb'eenaq kaahib' liib'r li k'aj triiw yoq'lenb'ilaq rik'in aseeyt, jo' jun mayej k'aj triiw, rochb'eenaq ajwi' waqib' liib'r chi aseeyt,

Li Santil hu

²¹ Cui nebaꞌ li cristian li ac xqꞌuira ut incꞌaꞌ naxcuy xtzꞌak naru tixcꞌam jun ajcuiꞌ li carner te̱lom toj sa̱j re xtojbal rix lix ma̱c. Tixcꞌam ajcuiꞌ caꞌchꞌin ma̱ o̱b libra li cha̱bil cꞌaj junajinbil riqꞌuin aceite re lix mayej ut mero litro li aceite.

Levítico 14:21 ပူးပေါင်းရင်းမြစ်များ

Levítico 5:7

“Wi ink'a' tz'aqal xtumin re xloq'b'al junaq ch'ina karneer, tento tixk'am chiru li Qaawa' wiib'aq mukuy malaj ut wiib'aq k'ook'ob' re xtz'aamankil xkuyb'al li xmaak. Jun tixk'e re xtojb'al rix li xmaak ut li jun chik cho'q xk'atb'il mayej.

Levítico 12:8

Ut wi li na'b'ej ink'a' taaruuq chi xk'eeb'al junaq karneer, naru tixk'e wiib'aq mukuy malaj wiib'aq k'ook'ob': jun taayeechi'imanq cho'q k'atb'il mayej ut li jun chik cho'q mayej chirix li maak. Toja' naq laj tij tixtoj rix li xmaak li ixq a'an, ut a'in ch'ajob'resinb'il chik taakanaaq.

Proverbios 17:5

Li naxse'e li neb'a' naxhob' li Yos; li nasaho'k xch'ool rik'in li xrahilal, taaraqmanq aatin sa' xb'een.

2 Corintios 8:12

Xb'aan naq wi wank k'aru na'alaak sa' xch'ool anihaq, a'an k'ulb'il chi chaab'il xb'aan li Yos sa' xk'ab'a' li jo'ch'inal jo'nimal wank re; ink'a' napatz'mank li maak'a' wank re.

2 Corintios 8:9

Laa'ex nekenaw li xchaab'ilal li rusilal li Qaawa' Jesukriist: a'an b'ihom naq kiwank chaq, ut kineb'a'o'k sa' eek'ab'a' re naq texb'ihomo'q rik'in li xneb'a'il.

San Lucas 6:20

Li Jesus kixtaqsi li rilob'aal wankeb' wi' li xtzolom ut kixye: “Us xaq eere li neb'a'ex, xb'aan naq eere li xnimajwal awab'ejihom li Yos.

Proverbios 22:2

Li b'ihom ut li neb'a' juntaq'eeteb': yoob'tesinb'ileb' xb'aan li Yos xkab'ichaleb'.

Li xHu LAJ JOB 34:19

A'an juntaq'eet naril chixjunileb': jo' eb' li ninqeb' xwankil ut eb' li b'ihom, jo'kan ajwi' eb' li neb'a'. Xb'aan naq A'an kiyoob'tesink reheb' chixjunileb'.

1 Samuel 2:8

Naxwaklesi sa' pojtz' li kub'enaq xwankil ut narisi li neb'a' sa' xna'aj li mul, re xk'eeb'al chi k'ojlaak chi xk'atqeb' li ninqeb' xwankil, re xk'eeb'al sa' jun li na'ajej q'axal loq'. Xb'aan naq li Qaawa' a'an laj eechal re eb' li roqechal li ruuchich'och': sa' xb'eeneb' a'an k'ojob'anb'il li choxach'och'.

Levítico 14:22

wiib'aq mukuy malaj wiib'aq k'ook'ob' (a' yaal naxye ma wank chiru ut malaj ink'a'): jun taamayejamanq chirix li maak ut li jun chik a'anaq k'atb'il mayej.

Levítico 5:11

“Wi maak'a' xtumin re xloq'b'al wiib'aq mukuy malaj ut wiib'aq k'ook'ob', tento tixk'am cho'q xmayej chirix li xmaak kaahib'aq liib'r li xchaq'alil ru k'aj triiw. Ink'a' tixk'e x'aseeytil chi moko pom sa' xb'een, xb'aan naq a'an jun mayej chirix li xmaak.

Levítico 1:14

“Wi li xul tixyeechi'i cho'q xk'atb'il mayej chiru li Qaawa', a'an jun li xul narupupik, tento naq a'anaq jun mukuy malaj jun k'ook'ob'.

Levítico 14:10

Sa' xwaqxaq li kutan tixchap wiib'aq li karneer li maak'a'eb' xyajel ut junaq ixqi karneer aj jun chihab', li maak'a'aq reek'. Tixchap ajwi' kaalaju liib'r li k'aj triiw li jwal chaab'il, cho'q mayej k'aj, yoq'inb'il rik'in aseeyt.

Levítico 27:8

Ut wi li poyanam a'an jwal neb'a' ut ink'a' truuq chi xtojb'al li tz'aq xaqab'anb'il, taach'olob'amanq a'in chiru laj tij re naq a'an tixxaqab' chik xtz'aq, jo' chanru tixkuy li xyeechi'ink xtz'aq.

Ezequiel 46:7

Rochb'een li junjunq chi saaj wakax, tixmayeja waqitq xka'k'aal meet chi k'aj; jo'kanaq ajwi' chirix li teelom karneer. Ut chirixeb' li karneer, tixyeechi'i a' yaal re a'an jo'k'ihal tixk'e. Ut o'otq meet chi aseeyt tixk'e rochb'een li waqitq xka'k'aal meet chi k'aj.