Levítico 14:19 - Q'eqchi Bible

¹⁹ Toja' naq laj tij tixq'axtesi li mayej chirix li maak, ut chi jo'kan taach'ajob'resimanq li muxb'il ru. Chirix chik a'an tixmayeja li xul li taayeechi'imanq jo' k'atb'il mayej.

Li Santil hu

¹⁹ Ut laj tij ta̱mayejak re xtojbal rix lix ma̱c li jun li ac xqꞌuira. Chirix aꞌan tixcamsi li xul re li cꞌatbil mayej.

Levítico 14:19 ပူးပေါင်းရင်းမြစ်များ

Levítico 14:12

Chirix a'an tixchap junaq reheb' li karneer ut tixyeechi'i rochb'een b'ayaq aseeyt, jo' jun mayej re xtojb'al rix li maak, ut tixq'axtesi chiru li Qaawa'.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

Romanos 8:3

Naraj naxye, li k'aru ch'a'aj xb'aanunkil chiru xChaq'rab' laj Moisés xb'aan naq na'aaleek li tz'ejwalej, a'an li ki'uxk xb'aan li Yos: kixtaqla chaq li Ralal jo' qech winqilal na'aaleek, ut a'an kixk'am qach'och'el qasululel, re risinkil li maak. Chi jo'kan li Yos kixraq aatin sa' xb'een li maak

Levítico 5:6

ut tixk'am chaq chiru li Qaawa' junaq ixqi karneer malaj junaq ixqi chib'aat, cho'q mayej chirix li maak. Chi jo'kan laj tij tixk'e li mayej re xtojb'al rix li xmaak li poyanam a'in.

Levítico 5:1

“Wi junaq taab'oqe'q chi aatinak jo' testiiw chirix li k'aru xril malaj xrab'i, ut ink'a' taaraj xyeeb'al, a'an wank xmaak ut tento taariiqani li maak a'an.

Levítico 14:14

“Chirix chik a'an laj tij tixchap b'ayaq xkik'el li mayej chirix li maak ut tixyul chi xq'unal li xik li wank sa' xseeb'al li taach'ajob'resiiq; tixyul ajwi' chiru xna' ru'uj ruq' ut chiru li xna' ru'uj roq li wankeb' sa' xseeb'al.

Levítico 15:15

Laj tij tixyeechi'iheb': jun cho'q mayej chirix li maak ut li jun chik cho'q k'atb'il mayej. Jo'ka'in naq chiru li Qaawa' laj tij tixch'ajob'resi li yaj li na'elk xsam xtz'ejwal.