Levítico 14:17 - Q'eqchi Bible

¹⁷ Rik'in rela' li aseeyt taakanaaq sa' li ruq', laj tij tixchap b'ayaq re tixyul chi xq'unal li xik li wank sa' xseeb'al li taach'ajob'resiiq, ut tixyul ajwi' chiru xna' ru'uj ruq' ut chiru xna' ru'uj roq, li wankeb' sa' xseeb'al, sa' xb'een xkik'el li mayej chirix li maak.

Li Santil hu

¹⁷ Tixchap caꞌchꞌinak li aceite li cuan saꞌ rukꞌ ut tixqꞌue saꞌ lix xic li cuan saꞌ xnim li jun li xqꞌuira. Ut tixqꞌue ajcuiꞌ saꞌ li ruꞌuj rukꞌ nim li cuan saꞌ xnim, ut saꞌ li ruꞌuj rok nim li cuan saꞌ xnim. Tixqꞌue bar quixqꞌue cuiꞌ lix quiqꞌuel li carner li xqꞌueheꞌ re xtojbal rix li ma̱c.

Levítico 14:17 ပူးပေါင်းရင်းမြစ်များ

1 Pedro 1:2

jo' ki'alaak chaq sa' xch'ool li Yos Yuwa'b'ej, rik'in li santob'resink naxb'aanu li Musiq'ej, re xpaab'ankil li Jesukriist ut re xk'ulb'al leech'ajob'resinkil rik'in li xkik'el. Chiwanq taxaq eerik'in li usilal ut li tuqtuukilal chi numtajenaq.

San Juan 1:16

Rik'in li xnimal xnujenaqil, xqak'ul qe chiqajunilo: q'axal numtajenaq li rusilal kihoye'k sa' qab'een!

Ezequiel 36:27

Tink'e linmusiq' eere, re naq wanqex jo' naxye li linchaq'rab', teepaab' lintaqlahom ut teeyu'ami li waatin.

Levítico 14:14

“Chirix chik a'an laj tij tixchap b'ayaq xkik'el li mayej chirix li maak ut tixyul chi xq'unal li xik li wank sa' xseeb'al li taach'ajob'resiiq; tixyul ajwi' chiru xna' ru'uj ruq' ut chiru li xna' ru'uj roq li wankeb' sa' xseeb'al.

Levítico 8:30

Laj Moisés kixchap ajwi' kach'in li aseeyt re yuluk ut li kik' li wank sa' xb'een li artal, ut kixrachrachi sa' xb'eeneb' laj Aharón ut eb' li ralal xk'ajol, jo' ajwi' sa' xb'een li raq'eb' jo' aj tij. Kama'an naq kirosob'tesiheb' laj Aharón jo'wi' eb' li ralal xk'ajol, ut li raq'eb' jo' aj tij.

Levítico 14:16

tixtz'a junaq ru'uj ruq' li wank sa' xseeb'al chisa' li aseeyt wank sa' li xtz'e uq', ut rik'in a'an tixracharachi li aseeyt wuqub' sut chiru li Qaawa'.

Levítico 14:18

Li rela' aseeyt tixyul sa' xjolom li ani taach'ajob'resiiq. Jo'ka'in naq laj tij tixtoj rix li xmaak li poyanam a'an.

Levítico 8:23

Toja' naq laj Moisés kixset chi xkux, kixxok kach'in li xkik'el ut kixyul chi rub'el xxik laj Aharón, a' li wank sa' xseeb'al, kixyul ajwi' chiru xna' ru'uj ruq' ut chiru li xna' ru'uj roq, a' li wank sa' xseeb'al.