Levítico 14:14 - Q'eqchi Bible

¹⁴ “Chirix chik a'an laj tij tixchap b'ayaq xkik'el li mayej chirix li maak ut tixyul chi xq'unal li xik li wank sa' xseeb'al li taach'ajob'resiiq; tixyul ajwi' chiru xna' ru'uj ruq' ut chiru li xna' ru'uj roq li wankeb' sa' xseeb'al.

Li Santil hu

¹⁴ Laj tij tixchap caꞌchꞌinak lix quiqꞌuel li carner ut tixqꞌue saꞌ lix xic li xqꞌuira li cuan saꞌ xnim. Tixqꞌue ajcuiꞌ saꞌ li nimla ruꞌuj rukꞌ, li cuan saꞌ xnim. Ut tixqꞌue ajcuiꞌ saꞌ li nimla ruꞌuj rok li cuan saꞌ xnim.

Levítico 14:14 ပူးပေါင်းရင်းမြစ်များ

Éxodo 29:20

Naq akaq xakamsi, taaxok xkik'el ut rik'in a'an taayul chi rub'el xxik laj Aharón li wank sa' xnim; jo'kan ajwi' taab'aanu reheb' li ralal xk'ajol. Taayuleb' ajwi' li xna' li ru'uj ruq' ut li xna' ru'uj roq li wankeb' sa' xnimeb', ut taarachrachi chi kik' chixjunil xsutam li artal.

2 Corintios 7:1

Ex was wiitz'in raarookex inb'aan, qe laa'o yeechi'inb'il chaq chixjunil a'an. Jo'kan naq qach'ajob'resiiq qib', qisihaq chixjunil li tz'ajnil wank chiqix ut li xtz'ajnil li musiq'ej, qoxloq'iiq li Yos ut qatz'aqob'resiiq ru li qasantilal.

Filipenses 1:20

A'in tz'aqal li ninyo'oni ut nawoyb'eni: naq maak'a' k'aru tinxutaanaq wi'. Us ta yo'yooqin malaj ut kamenaqaqin, k'ojk'o inch'ool naq anaqwan ut junelik li Kriist taanimaaq xloq'al wik'in.

1 Corintios 6:20

Loq'b'ilex chi terto eetz'aq! Loq'onimaq b'i' li Yos rik'in leetz'ejwal.

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

Romanos 6:19

(Yookin chi aatinak kama' nokoo'aatinak arin sa' ruuchich'och', xb'aan xmajelal leena'leb'). Kama' naq xek'e chaq leeroq leeruq' cho'q moos re li muxuk ib' ut li q'etb'a aatin re naq te'numtaaq sa' eeb'een, jo'kan naq cheq'axtesi anaqwan leeroq leeruq' chi k'anjelak chiru li tiikil ch'oolej ut re li santilal.

Romanos 6:13

Chi moko chek'e leeroq leeruq' re xb'aanunkil li maak, cho'q xk'anjelob'aal li ink'a' us; cheq'axtesi b'an eerib' re li Yos jo'kex li kamenaq yo'lajenaqeb' wi' chik, ut chek'e leeroq eeruq' cho'q xk'anjelob'aal li tiikil ch'oolej, cho'q re li Yos.

Isaías 1:5

K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

Levítico 14:19

Toja' naq laj tij tixq'axtesi li mayej chirix li maak, ut chi jo'kan taach'ajob'resimanq li muxb'il ru. Chirix chik a'an tixmayeja li xul li taayeechi'imanq jo' k'atb'il mayej.

Levítico 14:25

Tixset xkux li karneer taamayejamanq chirix li maak, tixchap b'ayaq li xkik'el li karneer ut tixyul chi rub'el li xxik li taach'ajob'resiiq, ut chiru ajwi' li xna' ru'uj ruq' ut chiru li xna' ru'uj roq, a' li wankeb' sa' xseeb'al.

Deuteronomio 24:8

“K'e reetal li yajel saqlep; chapaab' ut chab'aanu chixjunil li k'aru neke'xye eb' laj tij aj Leví. Chak'e aach'ool chi xk'anjelankil jo'ch'inal jo'nimal xinye reheb'.