Levítico 14:13 - Q'eqchi Bible

¹³ Tento tixkamsi li karneer sa' li na'ajej b'arwi' na'uxk xsetb'al xkuxeb' li xul chirixeb' li maak ut re li k'atb'il mayej. Li mayej chirix li maak taakanaaq cho'q re laj tij; jo'kan ajwi' li mayej re xtojb'al rix li maak, xb'aan naq a'an q'axal loq'.

Li Santil hu

¹³ Tixcamsi li carner saꞌ li santil naꞌajej li nacꞌatman cuiꞌ li xul re li cꞌatbil mayej ut re xpatzꞌbal xcuybal li ma̱c. Tento nak tixba̱nu chi joꞌcan xban nak li mayej aꞌan, joꞌ ajcuiꞌ li mayej re xtojbal rix li ma̱c, aꞌan jun santil mayej chiru li Ka̱cuaꞌ ut re laj tij.

Levítico 14:13 ပူးပေါင်းရင်းမြစ်များ

Levítico 4:24

Toja' naq tixk'e li ruq' sa' xb'een xjolom li teelom chib'aat ut tixyok' li xkux chiru li Qaawa', sa' li na'ajej b'arwi' neke'kamsiik eb' li xul li neke'k'ate'k. Li mayej a'in, a'an mayej chirix li maak.

Levítico 1:11

Tento naq tixyok' li xkux sa' xjayal releb'l iq' chi xk'atq li artal, chiru li Qaawa'. Eb' li ralal xk'ajol laj Aharón ut eb' laj tij te'xk'irk'isi li xkik'el li xul chi xsutam li artal.

Éxodo 29:11

Taakamsi li saaj wakax chiru li Qaawa', sa' rokeb'aal li xMuheb'aal li ch'utam.

Levítico 4:4

Tixk'am chiru li Qaawa', sa' rokeb'aal li Loq'laj Muheb'aal; aran tixk'e li ruq' sa' xb'een li xjolom, ut chirix a'an tixyok' xkux chiru A'an.

Levítico 2:3

Li rela' li mayej taakanaaq cho'q re laj Aharón ut eb' li ralal xk'ajol, cho'q loq'laj tzekemq, xkomon li mayej jwal loq' li nak'atmank sa' xk'ab'a' li Qaawa'.

Levítico 21:22

Naru tixtzeka li wa a'an jo'wi' li k'a'aq chik re ru loq' ut santob'resinb'il,

Levítico 10:17

—K'a'ut naq ink'a' xetzeka li mayej chirix li maak sa' junaq osob'tesinb'il na'ajej? Q'axal loq' li mayej a'an, ut li Qaawa' kixk'e eere re naq laa'ex tex'iiqaninq re xmaakeb' li komonil ut teetoj rix xmaakeb' chiru li Qaawa'.

Levítico 1:5

Tixyok' li xkux li teelom wakax chiru li Qaawa'. Chirix chik a'an eb' li ralal xk'ajol laj Aharón ut eb' laj tij te'xyeechi'i li kik' ut te'xkirkiri chi xsutam li artal li wank sa' rokeb'aal li Loq'laj Muheb'aal.

Ezequiel 42:13

Toja' naq li winq kixye we: “Eb' li na'ajej wankeb' sa' xjayal releb'l iq' ut li wankeb' sa' xjayal rokeb'l iq', li neke'ilok chiru li neb'aal, a'an santil na'ajej. Aran eb' laj tij li neke'k'anjelak chiru li Qaawa', te'xtzeka li mayej q'axal sant. Aran ajwi' te'xq'axtesi li loq'laj mayej, jo' li mayej triiw, li mayej chirix li maak ut chirix li q'etok aatin, xb'aan naq a'an santil na'ajej.

Levítico 2:10

Ut li rela' li mayej taakanaaq cho'q re laj Aharón ut eb' li ralal xk'ajol, cho'q loq'laj tzekemq, xkomon li mayej li nak'atmank sa' xk'ab'a' li Qaawa'.

Levítico 7:2

Li xul nayeechi'imank chirix li maak tento naq setb'ilaq li xkux sa' li na'ajej b'arwi' neke'kamsiik li k'atb'il mayej, ut li xkik'el tento xrachrachinkil chi xsutam li artal.