Levítico 13:40 - Q'eqchi Bible

⁴⁰ “Wi junaq winq taat'ane'q li rismal xjolom ut taakanaaq chi t'uru' li xjolom, ink'a' muxb'il li winq a'an.

Li Santil hu

⁴⁰ Cui junak cui̱nk ta̱tꞌanekꞌ li rismal, ut tꞌuruꞌ xjolom ta̱cana̱k, li cui̱nk aꞌan moco muxbil ta ru.

Levítico 13:40 ပူးပေါင်းရင်းမြစ်များ

Gálatas 4:13

Nekenaw chi us naq xb'aan jun linyajel xinpuktesi eere xb'enwa li Chaab'il Esilal;

Romanos 8:10

Ab'an wi li Kriist wank eerik'in, us ta kamenaq chik leetz'ejwal xb'aan li maak, yo'yo leemusiq' xb'aan naq tiikob'resinb'il leech'ool.

Romanos 6:19

(Yookin chi aatinak kama' nokoo'aatinak arin sa' ruuchich'och', xb'aan xmajelal leena'leb'). Kama' naq xek'e chaq leeroq leeruq' cho'q moos re li muxuk ib' ut li q'etb'a aatin re naq te'numtaaq sa' eeb'een, jo'kan naq cheq'axtesi anaqwan leeroq leeruq' chi k'anjelak chiru li tiikil ch'oolej ut re li santilal.

Romanos 6:12

Jo'kan utan miwank chik xwankil li maak sa' leech'och'el sululel, meeb'aanu chik li k'aru naxrahi li tz'ejwalej.

Amós 8:10

Tink'e naq leeninq'e taakanaaq cho'q rahil ch'oolej ut chixjunil leeb'ich cho'q tz'uyink. Tink'e naq chejunilex teeb'at eerib' sa' q'es ruhil t'ikr ut teejo leejolom xb'aan xrahil eech'ool. Texyaab'aq jo' tawi' xkamk leeralal jun chirib'il, ut chixjunil junes rahilal toxraqe'q wi'.

Isaías 15:2

Eb' li wankeb' Dibón xkoheb' chi yaab'ak sa' li tijob'aal wank chi tzuul; ut eb' laj Mohab xyot'e'k xch'ooleb' xb'aan li nimla rahilal li xe'xk'ul li tenamit Nebo ut Mádaba. Chixjunileb' xe'xjo li rismal xjolomeb' ut li xmacheb'.

Cantares 5:11

Li xjolom a'an tz'aqal chaab'il oor; li xchamal rismal a'an kama' xxaq li kala', q'eq q'eq jo' rix li tuntz'oq.

2 Reyes 2:23

Chirix chik a'an laj Eliseo ki'elk Jerikó ut kitaqe'k Betel. Ut naq yo chi xik, ke'elk chaq sa' li tenamit saaj aleb', li ke'ok chi xyeeb'al re: “Ayu, at t'uru', saaxik! Ayu, at t'uru', saaxik!”, chankeb'.

Levítico 13:41

Wi li rismal wank sa' xb'een li xpeekem taat'ane'q ut taakanaaq chi t'uru', naraj naxye naq ink'a' ajwi' muxb'il.

Levítico 13:39

laj tij taaril chi us, ut wi taak'utunq saqisal chiru li xtz'uumal ink'a' jwal saqsaq, a'an reetalil naq moko nim ta li yajel a'an: ink'a' muxb'il li poyanam a'an.