Levítico 12:8 - Q'eqchi Bible

⁸ Ut wi li na'b'ej ink'a' taaruuq chi xk'eeb'al junaq karneer, naru tixk'e wiib'aq mukuy malaj wiib'aq k'ook'ob': jun taayeechi'imanq cho'q k'atb'il mayej ut li jun chik cho'q mayej chirix li maak. Toja' naq laj tij tixtoj rix li xmaak li ixq a'an, ut a'in ch'ajob'resinb'il chik taakanaaq.

Li Santil hu

⁸ Cui li ixk incꞌaꞌ ta̱ru̱k xlokꞌbal li carner, naru tixqꞌue cuib li mucuy malaj ut cuib li paloma toj sa̱jeb. Jun tixqꞌue re li cꞌatbil mayej ut li jun chic tixqꞌue re nak incꞌaꞌ chic muxbil ru. Chi joꞌcaꞌin laj tij tixtoj rix lix ma̱c ut li ixk ta̱santobresi̱k riqꞌuin lix yajel.

Levítico 12:8 ပူးပေါင်းရင်းမြစ်များ

Levítico 5:7

“Wi ink'a' tz'aqal xtumin re xloq'b'al junaq ch'ina karneer, tento tixk'am chiru li Qaawa' wiib'aq mukuy malaj ut wiib'aq k'ook'ob' re xtz'aamankil xkuyb'al li xmaak. Jun tixk'e re xtojb'al rix li xmaak ut li jun chik cho'q xk'atb'il mayej.

Levítico 4:26

Tixk'at chixjunil li xeeb' sa' xb'een li artal, jo' tz'aqal nab'aanumank re li xeeb'ul li mayej re k'amok ib' sa' usilal rik'in li Yos. Chi jo'kan laj tij tixk'e li mayej re xtojb'al rix li xmaak laj jolominel ut taakuymanq li xmaak.

Levítico 14:22

wiib'aq mukuy malaj wiib'aq k'ook'ob' (a' yaal naxye ma wank chiru ut malaj ink'a'): jun taamayejamanq chirix li maak ut li jun chik a'anaq k'atb'il mayej.

Levítico 1:14

“Wi li xul tixyeechi'i cho'q xk'atb'il mayej chiru li Qaawa', a'an jun li xul narupupik, tento naq a'anaq jun mukuy malaj jun k'ook'ob'.

2 Corintios 8:9

Laa'ex nekenaw li xchaab'ilal li rusilal li Qaawa' Jesukriist: a'an b'ihom naq kiwank chaq, ut kineb'a'o'k sa' eek'ab'a' re naq texb'ihomo'q rik'in li xneb'a'il.

Levítico 15:29

Sa' waqxaq li kutan tixchap wiib'aq mukuy malaj wiib'aq k'ook'ob' ut tixk'am rik'in laj tij sa' rokeb'aal li Loq'laj Muheb'aal.

Levítico 15:14

Sa' xwaqxaq li kutan tixchap chaq wiib'aq mukuy malaj wiib'aq k'ook'ob', ut taaxik sa' rokeb'aal li Loq'laj Muheb'aal chi xq'axtesinkileb' re laj tij chiru li Qaawa'.

San Mateo 21:12

Ki'ok li Jesus sa' rochoch li Yos ut kirisiheb' chixjunileb' li yookeb' chi k'ayink ut chi loq'ok chisa'. Kixpak'lusihatq li xmeexeb' laj jalol ru tumin ut li xna'ajeb' laj k'ay mukuy.

Levítico 12:7

ut laj tij tixyeechi'iheb' chiru li Qaawa' re xtojb'al rix li xmaak li ixq. Chi jo'kan ch'ajob'resinb'il chik taakanaaq li ixq rik'in li xyajel”. A'an a'in li chaq'rab' chirix xyo'lajikeb' li teelom malaj ixqa'al.

Levítico 13:1

Li Qaawa' kiraatina laj Moisés ut laj Aharón, ut kixye reheb':

Levítico 14:21

“Wi neb'a' li yaj ut maak'a' xtumin re xloq'b'al eb' li mayej a'an, tixchap chaq junaq karneer cho'q xmayej re xtojb'al rix li maak ut tixq'axtesi jo' jun chaab'il mayej re taakuymanq li xmaak, rochb'eenaq kaahib' liib'r li k'aj triiw yoq'lenb'ilaq rik'in aseeyt, jo' jun mayej k'aj triiw, rochb'eenaq ajwi' waqib' liib'r chi aseeyt,

Levítico 5:11

“Wi maak'a' xtumin re xloq'b'al wiib'aq mukuy malaj ut wiib'aq k'ook'ob', tento tixk'am cho'q xmayej chirix li xmaak kaahib'aq liib'r li xchaq'alil ru k'aj triiw. Ink'a' tixk'e x'aseeytil chi moko pom sa' xb'een, xb'aan naq a'an jun mayej chirix li xmaak.

Levítico 15:15

Laj tij tixyeechi'iheb': jun cho'q mayej chirix li maak ut li jun chik cho'q k'atb'il mayej. Jo'ka'in naq chiru li Qaawa' laj tij tixch'ajob'resi li yaj li na'elk xsam xtz'ejwal.