Levítico 12:3 - Q'eqchi Bible

³ Waqxaqib' kutan chik xyo'lajik, naq li k'uula'al tixk'ul li sirkunsisyon.

Li Santil hu

³ Ut saꞌ xcuakxak li cutan li cꞌulaꞌal tixcꞌul li circuncisión.

Levítico 12:3 ပူးပေါင်းရင်းမြစ်များ

San Lucas 2:21

Naq kitz'aqlok waqxaqib' kutan li k'uula'al, kixk'ul li sirkunsisyon ut Jesus ke'xk'e cho'q xk'ab'a', a' ajwi' li kixye li ánjel naq toj maji' nasiyaak chaq rik'in li xna'.

San Lucas 1:59

Sa' xwaqxaq li kutan ke'wulak chi xb'aanunkil li sirkunsisyon re li k'uula'al, ut ke'raj raj xk'eeb'al Sakarías cho'q xk'ab'a', reeqaj li xyuwa'.

Colosenses 2:11

Rik'in ajwi' A'an eek'ulum li sirkunsisyon, maawa' li uxb'il rik'in uq'ej, a' b'an li xsirkunsisyon li Kriist, rik'in risinkil eerik'in li naxrahi ru li tz'ejwalej.

Filipenses 3:5

Kink'ul li sirkunsisyon sa' xwaqxaq li kutan; laa'in aj Israel sa' xtepaal laj Benjamín, laa'in aj Hebreo kama'eb' ajwi' linna' linyuwa'; rik'in xpaab'ankil li Chaq'rab', laa'in aj Pariseey.

Gálatas 5:3

Jun wa wi' chik ninch'olob' chiruheb' chixjunil li te'k'uluq re li sirkunsisyon, naq teneb'anb'il sa' xb'eeneb' xpaab'ankil chixjunil li Chaq'rab'.

Gálatas 3:17

A'in laa'in ninye: li testameent k'uub'k'u chi chaab'il xb'aan li Yos ink'a' naru taasache'q xwankil xb'aan li Chaq'rab' k'eeb'il lajeeb' xka'k'aal xkab' o'q'ob' (430) chihab' moqon; ut ink'a' naru taakanaaq chi maak'a' rajb'al li xyeechi'om li Yos.

Romanos 3:19

Us b'i', naqanaw naq chixjunil li naxye li Chaq'rab', a'an yeeb'il cho'q reheb' li wankeb' rub'el xwankil li Chaq'rab', re naq chixjunileb' te'memo'q, ut chixjunil li ruuchich'och' chireek'ahaq rib' naq wank xmaak chiru li Yos.

Deuteronomio 30:6

Li Qaawa' laaYos tixk'e reetalil li Sumwank sa' laach'ool ut sa' xch'ooleb' laawalal aak'ajol, re naq taara li Qaawa' laaYos chi anchal aach'ool ut chi anchal aawaanm ut wanq aayu'am chi junelik.

Hechos 15:1

Wankeb' aj Judea ke'wulak Antiokía, yookeb' chi xtzolb'aleb' laj paab'anel chi jo'ka'in: “Wi ink'a' teek'ul li sirkunsisyon jo' naxye li xChaq'rab' laj Moisés, ink'a' truuq texkole'q”, chankeb'.

Éxodo 22:30

Jo'ka'in ajwi' naq taab'aanu rik'in li xb'een ral laawakax ut laakarneer. Wuqub' kutan te'wanq rik'ineb' li xna', ut sa' li xwaqxaq li kutan chaq'axtesi we.

Levítico 12:4

Ab'an li na'b'ej yooq chi xch'ajob'resinkil rib' chiru oxlaju xka'k'aal kutan chik. Ink'a' taaruuq xch'e'b'al junaq k'a'aq re ru osob'tesinb'il chi moko taaruuq chi ok sa' li Loq'laj Na'ajej, toj te'nume'q chixjunileb' li kutan re xch'ajob'resinkil rib'.

Levítico 15:3

Li xmuxb'al li winq xb'aan li xrahilal junelik wanq, us ta li xtz'ejwal narisi li xpojkil, us ta ink'a' narisi. Maak'a' chik naraj, xb'aan naq muxb'il chik ru.