Levítico 11:7 - Q'eqchi Bible

⁷ “Li aaq, xb'aan naq us ta xalxo rixi'ij li roq, ab'anan ink'a' naxhab'le xka'sutil li xwa. A'an jun yib' aj xul cho'q eere.

Li Santil hu

⁷ Joꞌcan ajcuiꞌ li a̱k. Incꞌaꞌ naru nequetzaca xban nak usta jun ajcuiꞌ lix xa̱la rok, abanan incꞌaꞌ naxhab xcua xcaꞌ sut. Aꞌan jun li xul incꞌaꞌ us chokꞌ e̱re.

Levítico 11:7 ပူးပေါင်းရင်းမြစ်များ

Isaías 66:17

Eb' li neke'xchajob'resi rib' ut neke'xq'axtesi rib' chi xloq'oninkil li jalanil yos sa'eb' li awimq, eb' li neke'xik chirix jun li winq li wank sa' yiib'ej ut neke'tzekank xtib'el li aaq, k'anti' malaj li ch'o, jun sachikaqeb' naq te'oso'q rochb'eenaq li xk'a'uxeb' ut li xb'aanuhomeb', chan li Qaawa' Yos.

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Isaías 65:4

neke'k'ojlaak sa'eb' li muqleb'aal kamenaq ut neke'xnumsi li q'oqyink sa' muqmuukil na'ajej; neke'xtzeka xtib'el li aaq ut neke'xk'e sa' li xsek'eb' li ink'a' us xtzekankil.

Deuteronomio 14:8

Jo'kan ajwi' li aaq xalxo rixi'jil li roq, ab'anan ink'a' naxhab'le xka'sutil li xwa: a'anaq ajwi' tz'ajnil xul cho'q aawe. Moko teetzeka ta li xtib'el chi moko teech'e' naq ak kamenaq chik.

San Lucas 15:15

Toja' naq kox'okaq chi k'anjelak rik'in jun li winq wank sa' li tenamit a'an; ut a'an kixtaqla sa' li xch'och' chi ilok aaq.

San Lucas 8:33

Naq ke'elk li maa'usej musiq'ej rik'in li winq, koxe'okaq sa'eb' li aaq; ut chixjunil li xk'ihaleb' ke'xkut rib' sa' xteram li uul, jun t'anikeb' sa' li palaw, ut aran ke'kamk.

San Mateo 7:6

“Meek'e li k'aru q'axal sant reheb' li tz'i', chi moko chekut leelemtz'il q'ol chiruheb' li aaq: mare anchal te'xyeq'i sa' roqeb', te'xsutq'isi chaq rib' ut tole'xt'upi laa'ex.

Levítico 11:3

li neke'xhab'le xka'sutil li xwaheb' ut eb' li xalxo rixi'ijeb' li roqeb'.

Levítico 11:6

“Li xul chanchan li imul: naxhab'le xka'sutil li xwa, ab'an ink'a' xalxo rixi'ij li roq. A'an jun yib' aj xul cho'q eere.

Levítico 11:8

“Ink'a' naru teetiw xtib'eleb' li xul a'in chi moko teech'e' li xb'aqeleb'. A'anaqeb' yib' aj xuleb' cho'q eere.