Levítico 11:44 - Q'eqchi Bible

⁴⁴ xb'aan naq laa'in li Qaawa' leeYos. Ch'ajob'resihomaq eerib' ut santaqex, xb'aan naq santin laa'in. Meetz'ajni eerib' rik'in junaq xul li naxjuku rib' chiru ch'och'.

Li Santil hu

⁴⁴ La̱in li Ka̱cuaꞌ le̱ Dios. Santobresihomak e̱rib re nak santakex xban nak santin la̱in. Me̱mux e̱rib xbaneb li xul li nequeꞌxjucu ribeb saꞌ chꞌochꞌ.

Levítico 11:44 ပူးပေါင်းရင်းမြစ်များ

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Levítico 19:2

“Ye re chixjunil li xkomonileb' laj Israel: “Santaqex, xb'aan naq laa'in, li Qaawa' leeYos, santin.

Levítico 20:7

“Santob'resihomaq eerib' ut santaqex, xb'aan naq laa'in li Qaawa' leeYos.

1 Ts 4:7

Li Yos ink'a' xooxb'oq chi wank sa' tz'ajnij ib', sa' santilal b'an wanqo.

Levítico 20:26

Santaqex cho'q we laa'in, xb'aan naq laa'in, li Qaawa', santin ut xinsik' eeru sa' xyanqeb' li jar teep chi tenamit re naq laa'exaq intenamit.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Levítico 21:8

A'anaq sant cho'q aawe, xb'aan naq laj tij naq'axtesink li xmayej wa laaYos. A'anaq sant cho'q aawe, xb'aan naq laa'in, li Qaawa', santin ut laa'in ninsantob'resink eere.

Deuteronomio 14:2

Xb'aan naq laa'at jun tenamit q'axtesinb'ilat re li Qaawa' laaYos, ut A'an xsik'ok aawu re naq laa'ataq li xtz'aqal tenamit sa' xyanqeb' chixjunil li tenamit li wankeb' sa' ruuchich'och'.

Apocalipsis 22:11

Ani ink'a' tiik xch'ool, xb'aanuuq wan li maa'usilal; ut li ani muxb'il, toj xmuxaq wan rib'. Ani tiik xch'ool, mixkanab' xb'aanunkil li tiikilal, ut li sant mixkanab' xsantob'resinkil rib'”.

Salmos 99:9

Chenimaaq ru li Qaawa' li qaYos, chehupub'aq eerib' chiru li xloq'laj na'aj: xb'aan naq sant li Qaawa' li qaYos!

Salmos 99:5

Chenimaaq ru li Qaawa' li qaYos, chehupub'aq eerib' chiru li xxaqleb'aal. Sant li Qaawa'!

San Mateo 5:48

Tz'aqalaq b'i' eere eeru jo' leechoxahil Yuwa' tz'aqal re ru.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Éxodo 23:25

Taaloq'oni ru li Qaawa' laaYos, ut laa'in twosob'tesi laawa laawuk'a' ut ink'a' tatinkanab' chi yajerk.

Éxodo 19:6

Laa'exaq jun santil tenamit, ut tex'awab'ejinq jo' aj tij». A'aneb' a'in li aatin taaye reheb' li ralal xk'ajol laj Israel”.

Isaías 43:3

Xb'aan naq laa'in li Qaawa' laaYos, li xSant laj Israel, laj Kolol aawe. Ruuchil aatojb'al xinq'axtesiheb' li tenamit Ejiipt, Etiopía ut Sabá cho'q aaweeqaj.

1 Samuel 6:20

Toja' naq ke'xye eb' laj Bet-Semes: “Ani tkuyuq wank chiru li Qaawa', li Santil Yos? Ani aj ik'in tqataqla li Loq'laj Kaax naq taa'elq sa' qayanq?”.

Levítico 11:43

Meek'e eerib' chi tz'eqtaanaak ut meemux eerib' rik'in junaq xul naxjuku rib',

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Amós 3:3

Ma na'uxk tab'i' b'eek sa' wiib'al wi ink'a' wankeb' sa' aatin?

Isaías 51:15

“Laa'in li Qaawa', laaYos, naweek'asi ru li ha' ut nink'e chi pisk'ok li xkaw oq li palaw. Qaawa', li Nimajwal Yos, a'in link'ab'a'.

Éxodo 16:12

“Xwab'i naq eb' laj Israel yookeb' chi wech'ink. Taaye reheb': «Hoon ewu tib' teetiw ut wulaj eq'la texnujaq chi wa. Chi jo'kan teenaw naq laa'in li Qaawa' leeYos»”.

Éxodo 19:10

kiyehe'k re: “Ayu rik'ineb' li tenamit ut chataqlaheb' chi xsantob'resinkil rib' chiru li kutan a'in jo' ajwi' wulaj; xpuch'aqeb' li raq'

Éxodo 22:31

“Laa'ex q'axtesinb'ilaqex cho'q we. “Meetiw xtib'el li xul li xt'upiik xb'aan junaq josq' aj xul sa' pim; tz'eqomaq b'an chi xtiweb' li tz'i'.

Levítico 18:2

“Ye reheb' laj Israel naq laa'in li Qaawa' leeYos.

Levítico 19:3

“Li junjunq chiroxloq'i li xna' xyuwa'. “Cheroxloq'i ajwi' linkutan sábado. Laa'in li Qaawa' leeYos.

Números 15:40

Chi jo'kan taajultiko'q reheb' chixjunil linchaq'rab' ut te'xpaab', ut q'axtesinb'ilaqeb' we laa'in li xYoseb'.

Éxodo 22:30

Jo'ka'in ajwi' naq taab'aanu rik'in li xb'een ral laawakax ut laakarneer. Wuqub' kutan te'wanq rik'ineb' li xna', ut sa' li xwaqxaq li kutan chaq'axtesi we.

Levítico 19:4

“Mexxik rik'ineb' li jalanil yos chi moko teeyiib' eeyos rik'in ha'lesinb'il ch'iich'. Laa'in li Qaawa' leeYos.

Levítico 19:10

Maamolk'a chixjunil ru li uub' chi moko taaxok li xt'ane'k sa' ch'och', kanab' b'an cho'q reheb' li neb'a' ut cho'q reheb' laj ab'l tenamit. Laa'in li Qaawa', leeYos laa'ex.

Josué 24:19

Ab'an laj Josué kixye reheb' li tenamit: “Laa'ex ink'a' texruuq chi k'anjelak chiru li Qaawa', xb'aan naq a'an santil Yos, a'an jun Yos aj sowen li ink'a' texkuy rik'in leeq'etq'etil chi moko tixkuy leemaak.

1 Samuel 2:2

Maak'a' junaq sant jo' li Qaawa', chi moko junaq saqoonak jo' li qaYos. Maa'ani chik junaq jo' A'an.