Levítico 11:42 - Q'eqchi Bible

⁴² “Chixjunileb' li xul neke'xjuku rib' chiru ch'och', maajun reheb' teetzeka, us ta neke'xjuku rib' chiru xsa'eb' malaj neke'b'eek chi kaahib' roqeb' malaj ut wankeb' naab'al roqeb', xb'aan naq tz'eqtaananb'il xuleb'.

Li Santil hu

⁴² Incꞌaꞌ naru te̱tzaca li xul li nequeꞌxjucuqui ribeb saꞌ chꞌochꞌ, chi moco li nequeꞌbe̱c chi cꞌachcꞌo, joꞌ ajcuiꞌ li cuanqueb nabal rokeb.

Levítico 11:42 ပူးပေါင်းရင်းမြစ်များ

Tito 1:12

Jun rech tenamitul, propeet sa' xyanqeb', kixye: “Eb' laj Kreta junelik neke'tik'ti'ik, josq' aj xuleb', aj numwa'ineleb' ut aj q'emeb'”.

2 Corintios 11:13

Xb'aan naq eb' a'an yal neke'xk'e rib' cho'q apóstol; ab'anan aj k'anjeleb' re b'alaq'ik, neke'xpak' rib' cho'q x'apóstol li Kriist.

2 Corintios 11:3

Ab'anan ninxiwa naq mare taapo'q leek'a'uxl: kama' naq lix Eva kib'alaq'iik xb'aan xlab'alil li k'anti', mare tex'isiiq ajwi' laa'ex rik'in li yaal ut santilal wankex wi' cho'q re li Kriist.

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

San Mateo 23:23

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketoj li xlajeetqil li isk'i'ij, li anis ut li komino, ut xekanab' xpaab'ankil li q'axal nim xwankil sa' li Chaq'rab': a' li tiikilal, li uxtaanank ut li paab'aal! Chixjunil a'in tento raj xeb'aanu, ab'an ink'a' raj xekanab' xb'aanunkil li junch'ol chik.

San Mateo 3:7

Ab'an naq kiril naq naab'aleb' laj Pariseey ut laj Saduseey yookeb' chi chalk rik'in re raj naq te'kub'siiq xha', kixye reheb': “Ex ral q'anb'olay, ani xk'utuk cheru elelik chiru li josq'il chaalel sa' eeb'een?

Miqueas 7:17

Te'xlow li pojtz' jo'kaqeb' li k'anti', jo'kaqeb' li xul li neke'xjukuki rib' chiru ch'och'. Siksootqeb' naq te'elq sa' li xsokeb', ut parpotqeb' xb'aaneb' xxiw naq te'chalq aawik'in, at Qaawa', at qaYos.

Isaías 65:25

Laj xojb' ut li karneer te'ichajib'q sa' wiib'al; li kaqkoj taawa'oq pim jo' li wakax, ut li k'anti' taalowoq pojtz'. Maajun chik taarahob'tesinq chi moko taasachoq sa' linsantil tzuul”, chan li Qaawa'.

Génesis 1:20

Kixye li Yos: “Chib'ulb'utq li ha' xb'aaneb' li xul, ut che'rupupiq li xik'anel xul sa' xb'een li ruuchich'och' ut chiru choxa”.

Levítico 11:41

“Maajun xxulel li pim li naxjuku rib' chiru ch'och' teetzeka: a'an tz'eqtaananb'ilaq xul cho'q eere.

Levítico 11:43

Meek'e eerib' chi tz'eqtaanaak ut meemux eerib' rik'in junaq xul naxjuku rib',