Levítico 11:40 - Q'eqchi Bible

⁴⁰ Ani taatiwoq xtib'el li kamenaq xul, tento tixpuch' li raq' ut taakanaaq chi muxb'il toj reetal taa'ok li q'oqyink; ut ani taa'isinq re li kamenaq xul, tento ajwi' tixpuch' li raq', ut taakanaaq chi muxb'il toj reetal taa'ok li q'oqyink.

Li Santil hu

⁴⁰ Ut cui junak tixtiu xtibel li camenak xul, li jun aꞌan tento nak tixpuchꞌ li rakꞌ. Abanan muxbilak ru ta̱cana̱k toj ta̱oc li kꞌojyi̱n. Ut li ani tixpako li camenak xul tixmux rib. Tento nak tixpuchꞌ li rakꞌ ut muxbilak ru ta̱cana̱k toj ta̱oc li kꞌojyi̱n.

Levítico 11:40 ပူးပေါင်းရင်းမြစ်များ

Ezequiel 44:31

Eb' laj tij ink'a' te'xtzeka xtib'el li k'a'aq chi xulil li xkamk xjunes malaj t'upinb'il xb'aan junaq josq' aj xul.

Levítico 22:8

Moko naru ta tixtzeka xtib'el kamenaq xul malaj ut putz'inb'il xb'aan josq' aj xul, re naq ink'a' tixmux rib' rik'in a'an. Laa'in li Qaawa'.

Deuteronomio 14:21

“Maajun li xul li teetaw chi ak kamenaq naru teetzeka, taak'e b'an re laj ab'l tenamit li wank sa' eeyanq, re naq a'an taatzekanq re; wi ut ink'a', k'ayi re jalan chik. Xb'aan naq laa'at jun tenamit q'axtetesinb'ilat re li Qaawa' laaYos. “Maachiq li ch'ina chib'aat sa' li xya'al xtu' li xna'.

Ezequiel 4:14

Ut laa'in kinye: “At Qaawa', at inYos, maajun wa inmuxum wib' chiru linyu'am toj anaqwan; maajun sut intzekahom li xtib'el li xul yal nakamk malaj kamsinb'il xb'aan junaq josq' aj xul, ut maajun wa xintzeka li muxb'il tzekemq”, chankin.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

1 Corintios 10:21

Ink'a' naru teeruk' xsa' li xsek' li Qaawa' ut xsa' xsek'eb' li maa'us. Ink'a' naru textz'aq rik'in li xmeex li Qaawa' ut rik'in xmeexeb' li maa'us.

1 Corintios 6:11

Jo'ka'in naq xe'wank junjunq sa' eeyanq. Ab'anan xexch'ajob'resiik, xexsantob'resiik ut tiikob'resinb'il chik leech'ool sa' xk'ab'a' li Qaawa' Jesukriist ut rik'in xMusiq' li qaYos.

Zacarías 13:1

“Sa' li kutan a'an taawanq jun yu'amha', cho'q reheb' li ralal xk'ajol laj David ut cho'q reheb' li wankeb' Jerusalén, re naq te'xch'aj li xmaakeb' ut li xmaa'usilaleb'.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Isaías 1:16

Tuqub'omaq leeyu'am, ch'ajob'resiiq eerib', isihomaq chiwu leemaa'usilal ut kanab'omaq xb'aanunkil li ink'a' us!

Números 19:19

Jun li winq maak'a' xmuxul tixkirkiri chi ha' li muxb'il ru sa' rox ut xwuq li kutan. Ut chiru li xwuq kutan taach'ajob'resimanq li xmaak. Toja' naq li winq muxb'il tixpuch' li raq', taa'atinq rik'in ha', ut ch'ajob'resinb'ilaq chik toj ewu.

Levítico 16:28

Li poyanam li taak'atoq re a'in, tento tixpuch' li raq' ut taa'atinq; toja' naq taaruuq chi ok sa' li na'ajej.

Levítico 16:26

ut li ani xk'amok re li chib'aat re xkanab'ankil chaq re laj Asasel, tixpuch' li raq' ut taa'atinq; toja' naq taaruuq taa'ok sa' li na'ajej.

Levítico 15:27

“Yalaq ani taach'e'oq re a k'a'aq re ru a'in, taakanaaq chi muxb'il ru. Tento naq tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Levítico 11:28

Ani tixwaklesi junaq kamenaq xul xkomoneb' a'an, tento tixpuch' li raq' ut taakanaaq chi muxb'il toj reetal taa'ok li q'oqyink: a'an yib' aj xuleb' cho'q eere.

Levítico 11:25

“Yalaq ani tixwaklesi li kamenaq xul a'in, tento tixpuch' li xb'aatal ut taakanaaq chi muxb'il toj taa'ok li q'oqyink.

Éxodo 22:31

“Laa'ex q'axtesinb'ilaqex cho'q we. “Meetiw xtib'el li xul li xt'upiik xb'aan junaq josq' aj xul sa' pim; tz'eqomaq b'an chi xtiweb' li tz'i'.

Levítico 11:39

“Wi taakamq junaq xul xkomoneb' li neketiw, ani taach'e'oq re li kamenaq xul a'an, taakanaaq chi muxb'il toj reetal taa'ok li q'oqyink.

Levítico 14:46

Yalaq ani taa'ok sa' li ochoch chiruheb' li kutan yeeb'il xb'aan laj tij naq tz'aptz'ooq, a'an muxb'ilaq ru toj reetal taa'ok li q'oqyink.

Levítico 15:15

Laj tij tixyeechi'iheb': jun cho'q mayej chirix li maak ut li jun chik cho'q k'atb'il mayej. Jo'ka'in naq chiru li Qaawa' laj tij tixch'ajob'resi li yaj li na'elk xsam xtz'ejwal.

Levítico 22:6

li winq a'an taakanaaq chi muxb'il ru toj reetal taa'ok li q'oqyink, ut ink'a' taaruuq chi xtzekankil li loq'laj mayej wi ink'a' taa'atinq.