Levítico 10:3 - Q'eqchi Bible

³ Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Li Santil hu

³ Tojoꞌnak laj Moisés quixye re laj Aarón: —Aꞌan aꞌin li quiraj xyebal li Ka̱cuaꞌ nak quixye: “Ta̱cꞌutu̱nk lin santilal chiruheb li ani nequeꞌxba̱nu li cꞌaꞌru ninye. Ut chiruheb chixjunileb li tenamit ta̱qꞌuehekꞌ inlokꞌal.”— Ut laj Aarón incꞌaꞌ quichakꞌoc nak quirabi li cꞌaꞌru quixye.

Levítico 10:3 ပူးပေါင်းရင်းမြစ်များ

Éxodo 19:22

Jo'kanaqeb' ajwi' laj tij: wi te'nach'oq wik'in, tento xb'enwa te'xsantob'resi rib'. Mare anchal taachalq linjosq'il sa' xb'eeneb'”.

Isaías 49:3

Ut kixye we: “At Israel, laa'at laj k'anjel chiwu ut aawik'in tink'ut inloq'al”, chan.

Levítico 21:6

te'xq'axtesi b'an rib' chi junajwa re li xYoseb' ut ink'a' te'xmux li xk'ab'a', xb'aan naq a'aneb' neke'q'axtesink li k'atb'il mayej ut li xmayej wa li xYoseb'; jo'kan naq tento santaqeb'.

Números 20:12

Ab'an li Qaawa' kixye re laj Moisés ut laj Aharón: “Laa'ex ink'a' k'ojk'o eech'ool chiwix ut ink'a' xek'e inloq'al chiruheb' laj Israel. Jo'kan naq ninye eere naq ink'a' tex'ok, eerochb'een li tenamit a'in, sa' li na'ajej li tink'e reheb'”, chan.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

Deuteronomio 32:51

Laa'ex eekab'ichal xeq'et li waatin sa' xyanqeb' laj Israel, naq wankex chaq chire li ha' re Meribá-Kadés, sa' li chaqich'och' re Sin. Laa'ex ink'a' xek'ut inloq'al sa' xyanqeb' laj Israel.

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Salmos 89:7

Aran taqe'q, ani taajuntaq'eetaaq wi' li Qaawa'? Ma wank tab'i' junaq jo' li Qaawa' sa' xyanqeb' li yos?

1 Samuel 6:20

Toja' naq ke'xye eb' laj Bet-Semes: “Ani tkuyuq wank chiru li Qaawa', li Santil Yos? Ani aj ik'in tqataqla li Loq'laj Kaax naq taa'elq sa' qayanq?”.

Levítico 21:21

Maajun li ralal xk'ajol laj Aharón laj tij li ink'a' tz'aqal li xjunxaqalil naru taaq'axtesinq k'atb'il mayej chiru li Qaawa': a'an ink'a' tz'aqal re ru; jo'kan naq moko naru ta tixq'axtesi li xmayej wa li xYos.

Levítico 8:35

Jo'kan naq laa'ex tento texkanaaq chi kutan ut chiru li q'oqyink sa' rokeb'aal li Loq'laj Muheb'aal, chiru wuqub' kutan. Teepaab' li xchaq'rab' li Qaawa' ut ink'a' texkamq, xb'aan naq a'an a'in linchaq'rab'inkil”.

Ezequiel 20:41

Texink'ul jo' li sununkil mayej, naq texwisi chaq sa' xyanqeb' li tenamit b'arwi' cha'cha'inb'ilex; texinch'utub' ut, sa' eek'ab'a' laa'ex, tink'ut linsantilal chiru chixjunileb' li poyanam.

Levítico 22:9

“Ye reheb' naq xpaab'aqeb' linchaq'rab'; chi jo'kan ink'a' te'riiqani junaq maak chi moko te'kamq yal sa' xk'ab'a' naq xe'xq'etq'eti rib'eb'. Laa'in li Qaawa', li ninsantob'resink reheb'.

Levítico 21:17

“Ye re laj Aharón naq, chalen anaqwan ut chi junelik, wi wankeb' ralal xk'ajol ink'a' tz'aqaleb' re ru, ink'a' naru te'xyeechi'i li xmayej wa li xYos.

Levítico 21:15

re naq ink'a' tixmux ruheb' li ralal xk'ajol sa' li xtenamiteb', xb'aan naq laa'in li Qaawa', li ninsantob'resink re”.

Levítico 21:8

A'anaq sant cho'q aawe, xb'aan naq laj tij naq'axtesink li xmayej wa laaYos. A'anaq sant cho'q aawe, xb'aan naq laa'in, li Qaawa', santin ut laa'in ninsantob'resink eere.

Ezequiel 42:13

Toja' naq li winq kixye we: “Eb' li na'ajej wankeb' sa' xjayal releb'l iq' ut li wankeb' sa' xjayal rokeb'l iq', li neke'ilok chiru li neb'aal, a'an santil na'ajej. Aran eb' laj tij li neke'k'anjelak chiru li Qaawa', te'xtzeka li mayej q'axal sant. Aran ajwi' te'xq'axtesi li loq'laj mayej, jo' li mayej triiw, li mayej chirix li maak ut chirix li q'etok aatin, xb'aan naq a'an santil na'ajej.

Salmos 39:9

Chakuy chasach chixjunil linmaak, minaak'e chi se'eek xb'aaneb' li maak'a'eb' xna'leb'.

1 Pedro 4:17

Xb'aan naq xwulak xq'ehil li raqb'a aatin, ut taatiklaaq sa' xjunkab'al li Yos. Ut wi qik'in taatiklaaq rik'in qarahob'tesinkil, k'aru te'oso'q wi' eb' li ink'a' neke'xpaab' li xChaab'il Esil li Yos?

San Mateo 10:37

“Li q'axal naxra li xna' malaj li xyuwa' chiwu laa'in, a'an moko xk'ulub' ta wank cho'q intzolom. Ut ani q'axal naxra li ralal xk'ajol chiwu laa'in, a'an moko xk'ulub' ta wank cho'q intzolom.

Ezequiel 28:22

Ye re chi jo'ka'in: «Li Qaawa' xye chi jo'ka'in: Laa'in xik' chik nakatwil, a Sidón; ut rik'in li tinb'aanu sa' eeyanq, taak'ehe'q inloq'al. Naq tinraqoq aatin sa' aab'een ut tink'ut linsantilal chawu, taanawmanq naq laa'in li Qaawa'.

Li xHu LAJ JOB 2:10

Ab'an laj Job kixsume: —At ixq, nakat-aatinak jo' junaq jip. Wi naqak'ul li us taqlanb'il chaq xb'aan li Yos, k'a' naq ink'a' ajwi' tqak'ul li ra? chan laj Job. Rik'in chixjunil li rahilal kixk'ul, ink'a' kimaakob'k laj Job ut maak'a' ink'a' us kixye chirix li Yos.

San Juan 12:28

At inYuwa', chanima xloq'al laak'ab'a'”. Toja' naq kichalk jun xyaab' kuxej sa' choxa: “Ak xinnima xloq'al ut tinnima wi' chik”, chan.

1 Samuel 3:18

Toja' naq laj Samuel kixseeraq'i re chixjunil chi maak'a' kixmuq, ut laj Elí kixye: “A'an li Qaawa'. Chixb'aanuuq li k'aru us chiru”.

Éxodo 14:4

Ab'an laa'in tinkawub'resi xch'ool laj Parahón re naq tixchap raanil cherix. Toja' naq tink'ut inloq'al rik'in xsachb'al xwankil laj Parahón ut eb' laj puub'. Ut eb' laj Ejiipt te'xnaw naq laa'in li Qaawa'”. Eb' laj Israel ke'xb'aanu chi jo'kan.

Génesis 18:25

Ink'a' naru taab'aanu a'an; ink'a' naru xk'eeb'al chi kamk li tiik xch'ool rochb'een laj maak. Ma truuq tab'i' naq tixk'ul li jun li b'arwan xk'ulum li jun chik? Ink'a' naru taab'aanu. Laj raqol aatin sa' xb'een chixjunil li ruuchich'och' ma ink'a' tab'i' taaraqoq aatin sa' tiikilal?”, chan laj Abrahán.

2 Ts 1:10

Sa' li Kutan a'an tol'elq li Qaawa' re naq taanimaaq xloq'al sa' xyanqeb' li xsant ut taaloq'oniiq xb'aaneb' chixjunileb' laj paab'anel. Ut laa'ex xepaab' li xqach'olob' xyaalal cheru.

San Juan 14:13

Ut chixjunil li teetz'aama sa' ink'ab'a', laa'in tinb'aanunq re, re naq li Yuwa'b'ej taanimaaq xloq'al rik'in li K'ajolb'ej.

Salmos 119:120

Naxsiksiki rib' linjunxaqalil chawe chawu; k'ajo' naq nachalk inxiw xb'aan laachaq'rab'!

Salmos 46:10

A'an xch'anab'ank re li yalok toj sa' xmaril li ruuchich'och', xtoqi li xna' simaj ut xjach li jutz' che'; a'an xk'ehok xxamlel li ramleb' ch'iich'.

Isaías 39:8

Toja' naq laj Esekías kixye re laj Isaías: “Q'axal chaab'il li raatin li Qaawa' xaye we”. Kixye chi jo'kan xb'aan naq kixk'oxla sa' xch'ool: “A' yaal naq taawanq li tuqtuukilal ut li sahilal chiru linyu'am”, chan sa' xch'ool.

Éxodo 14:17

K'e reetal, laa'in tinkawub'resi xch'ooleb' laj Ejiipt re naq te'xik cherix. Toja' naq taanimaaq inloq'al naq tinsach xwankil laj Parahón ut chixjunileb' laj puub', li xb'eleb'aal ch'iich' ut li wankeb' chirixeb' li kawaay.

Éxodo 30:30

“Taayul ajwi' laj Aharón rochb'eeneb' li ralal ut taaq'axtesiheb' we chi k'anjelak cho'q aj tij chiwu.

Números 16:5

ut kixye re laj Koré ut chixjunileb' li rochb'een: “Wulaj eq'la li Qaawa' tixk'e chi nawe'k ani li sik'b'il ru, ani li xsantob'resihom, li taaruhanq chi nach'ok rik'in. Li sik'b'il ru xb'aan li Qaawa', a'an truuq taanach'oq rik'in.

Salmos 148:14

A'an laj k'ehol xkawilal li xtenamit! Jo'kan naq eb' laj paab'anel neke'xnima xloq'al; neke'xterq'usi li xk'ab'a' eb' laj Israel, li tenamit sik'b'il ru xb'aan. Aleluya!

Ezequiel 38:16

ut taakut aawib' sa' xb'eeneb' laj Israel, lintenamit. Chanchanaqat jun li q'oqyinkil choql tixmoy li ruuchich'och', a Gog. Sa' roso'jikeb' li kutan tatintaqla chaq sa' xb'een lintenamit, re naq eb' li tenamit junch'ol te'xnaw naq laa'in li Qaawa', naq sa' laak'ab'a' tink'ut linsantilal chiruheb'.

Ezequiel 40:46

Ut li na'ajej na'ilok sa' xjayal releb'l iq', a'an xna'ajeb' laj tij neke'k'anjelak sa' li artal. A'aneb' li ralal xk'ajol laj Sadok; ut sa' xyanqeb' laj Leví, ka'ajeb' wi' a'an naru te'nach'oq rik'in li Qaawa' chi k'anjelak chiru”.

Éxodo 19:24

Ut li Qaawa' kixye re: “Ayu, kub'en ut moqon taqen chaq wi' chik aawochb'een laj Aharón. Ab'an eb' laj tij ut eb' li tenamit me'xq'ax li nub'ajl ut me'taqe'k chaq wankin wi', re naq ink'a' taachalq linjosq'il sa' xb'eeneb'”.

Salmos 39:10

“Ch'anch'o xinkanaak, maak'a' chik ninye, xb'aan naq laa'at xatb'aanunk re.

Salmos 93:5

Q'axal yaal chixjunil laawaatin; laasantilal naxchaab'ilob'resi laawochoch chi junelik q'e kutan, at Qaawa'!