Levítico 10:16 - Q'eqchi Bible

¹⁶ Toja' naq laj Moisés kixpatz' b'ar wank li chib'aat namayejamank chirix li maak, ut kixk'e reetal naq ak k'atb'il chik. K'ajo' naq kijosq'o'k sa' xb'een laj Elehasar ut laj Itamar, ralaleb' laj Aharón li toj wankeb' chiru, ut kixye reheb':

Li Santil hu

¹⁶ Laj Moisés quixpatzꞌ li mayej chiba̱t li quiqꞌueheꞌ re xtzꞌa̱manquil xcuybal lix ma̱queb. Cꞌajoꞌ nak quijoskꞌoꞌ nak quirabi nak ac quicꞌateꞌ. Quipoꞌ riqꞌuin laj Eleazar ut laj Itamar ut quixye reheb:

Levítico 10:16 ပူးပေါင်းရင်းမြစ်များ

Levítico 9:3

Ye reheb' laj Israel naq xchapaqeb' jun chib'aat cho'q mayej chirix li maak, jun saaj wakax ut jun karneer aj junq chihab' xyu'ameb' ut maak'a'aqeb' reek', re naq te'yeechi'imanq cho'q k'atb'il mayej.

Levítico 9:15

Laj Aharón kixq'axtesi ajwi' li mayej sa' xk'ab'a'eb' laj Israel. Kixchap li chib'aat, a' li mayej chirix xmaakeb' li tenamit, ut kixset xkux, yo chi xmayejankil chirix li maak, kama' ajwi' kixb'aanu rik'in li mayej ak xyeechi'i.

Efesios 4:26

Wi texjosq'oq, k'ehomaq reetal naq mexmaakob'k; mixulq'i li saq'e chi toj yooq leejosq'il,

San Marcos 10:14

Naq li Jesus kiril a'an, kijosq'o'k ut kixye reheb': —Kanab'omaqeb' li kok'al chi chalk wik'in ut meeram chiruheb', xb'aan naq li kama'eb' a'an, reheb' li xnimajwal awab'ejihom li Yos.

San Marcos 3:5

Toja' naq kirileb' sa' xsutam sa' josq'il, chi ra sa' xch'ool xb'aan xkawileb' xjolom, ut kixye re li winq: —Ye' laawuq'. A'an kixye' li ruq' ut kik'iraak.

San Mateo 5:22

A'ut laa'in ninye eere: Wi junaq taajosq'o'q rik'in li ras riitz'in, wanq xmaak sa' li raqleb'aal aatin; ut li tixhob' li ras riitz'in, wanq ajwi' xmaak ut taak'ame'q chiruheb' li xninqal ru aj raqol aatin; ut li tixmajewa li xkomon, wanq xmaak re xik sa' xxamlel li xb'alb'a.

Números 12:3

Laj Moisés a'an jun li winq tuulan, q'axal tuulan chik chiruheb' chixjunil li wankeb' sa' ruuchich'och'.

Levítico 6:30

Ab'an ink'a' naru xtzekankil junaq xul li xmayejamank chirix li maak, wi li xkik'el xk'ame'k sa' Loq'laj Muheb'aal re xtz'aamankil xkuyb'al li maak sa' li Santil Na'ajej. Li mayej a'an tento taak'atmanq chixjunil.

Levítico 6:26

Laj tij li taayeechi'inq mayej chirix li maak, naru tixtzeka b'ayaq re, ab'an tento tixtzeka chaq sa' junaq loq'laj na'ajej, chiru xneb'aalil li Loq'laj Muheb'aal.

Levítico 6:17

Ink'a' naru te'xk'uub' rik'in k'a'aq re ru nasipob'resink. A'an a'in li tink'e cho'q xtzekemqeb', xkomon li sahil mayej nak'atmank sa' ink'ab'a': a'an jwal loq', kama' ajwi' li mayej nak'eemank chirix li maak ut re xtojb'al rix li maak.

Esdras 7:5

ralal laj Abisúa, ralal laj Pinjás, ralal laj Elehasar, ralal laj Aharón li xyuwa'il aj tij.