Levítico 1:7 - Q'eqchi Bible

⁷ eb' laj tij te'xloch li xam sa' xb'een li artal ut te'xtus chi chaab'il li si'

Li Santil hu

⁷ Eb laj tij li ralal xcꞌajol laj Aarón, teꞌxtus lix siꞌ saꞌ xbe̱n li artal ut teꞌxqꞌue xxamlel.

Levítico 1:7 ပူးပေါင်းရင်းမြစ်များ

Génesis 22:9

Naq ke'wulak sa' li na'ajej kixye li Yos, laj Abrahán kixyiib' jun li artal ut kixtus li si' sa' xb'een; chirix a'an kixb'ak' laj Isahak li ralal ut kixk'e sa' xb'een li artal, sa' xb'een li si'.

Malaquías 1:10

Us rajan naq jun taxaq sa' eeyanq tixtz'ap li rokeb'aal li wochoch re naq ink'a' texk'atoq mayej sa' lin'artal chi maak'a' rajb'al! Xb'aan naq moko sa ta linch'ool cherix chi moko tink'ul chik leemayej.

Nehemías 13:31

Jo'kan ajwi' kinb'aanu re naq ch'olch'ooq aniheb' te'k'amoq chaq si' cho'q re li artal sa' xq'ehil, ut kinye reheb' li tenamit naq tento xk'eeb'al li xb'een ru li awimq. At inYos, chinjultiko'q taxaq aawe sa' xk'ab'a' chixjunil li us xinb'aanu!

2 Crónicas 7:1

Naq laj Salomón kiraqe'k chi tijok, kikub'e chaq xam sa' choxa ut kixk'at li mayej xul ut chixjunil li ke'xyeechi'i, ut li xloq'al li Qaawa' kixnujob'resi li ochoch;

1 Crónicas 21:26

ut aran kixxaqab' jun x'artal li Qaawa' ut kixk'e li xk'atb'il mayej jo'wi' li xyeechi'om re li k'amok ib' sa' usilal rik'in li Yos. Chirix chik a'an kixyaab'a xk'ab'a' li Qaawa', ut a'an kixsume rik'in naq kixtaqla chaq xam sa' choxa sa' xb'een li artal re li k'atb'il mayej.

Levítico 9:24

ki'elk xam b'arwi' kixk'ut rib' li Qaawa' ut kixk'at li xul li taak'atmanq raj ut li xeeb' li wank sa' xb'een li artal. Naq ke'ril a'in, chixjunileb' laj Israel ke'xjap re xb'aan xsahileb' xch'ool ut ke'xhupub' rib' sa' ch'och' chi loq'onink.

Levítico 6:8

Li Qaawa' kiraatina laj Moisés ut kixye re:

1 Reyes 18:33

Kixtus li si', kixkamsi li saaj wakax ut kixk'uub' sa' xb'een li si'.

1 Crónicas 6:34

ralal laj Elkaná, ralal laj Yeroján, ralal laj Eliel, ralal laj Toju,