Levítico 1:5 - Q'eqchi Bible

⁵ Tixyok' li xkux li teelom wakax chiru li Qaawa'. Chirix chik a'an eb' li ralal xk'ajol laj Aharón ut eb' laj tij te'xyeechi'i li kik' ut te'xkirkiri chi xsutam li artal li wank sa' rokeb'aal li Loq'laj Muheb'aal.

Li Santil hu

⁵ Nak tixcamsi li toro toj sa̱j li tixqꞌue chokꞌ cꞌatbil mayej, tixxekꞌ chi chꞌi̱chꞌ lix cux chiru li Ka̱cuaꞌ. Ut laj tij, li ralal laj Aarón, tixxoc lix quiqꞌuel ut tixrachrachi chixjun sutam li artal ut saꞌ xbe̱n li artal li cuan chixcꞌatk li oqueba̱l re li tabernáculo.

Levítico 1:5 ပူးပေါင်းရင်းမြစ်များ

Levítico 3:8

tixk'e li ruq' sa' xb'een li xjolom ut chirix a'an tixyok' li xkux chire li Loq'laj Muheb'aal. Toja' naq eb' laj tij te'xrachrachi li xkik'el li xul chi xsutam li artal.

Levítico 1:11

Tento naq tixyok' li xkux sa' xjayal releb'l iq' chi xk'atq li artal, chiru li Qaawa'. Eb' li ralal xk'ajol laj Aharón ut eb' laj tij te'xk'irk'isi li xkik'el li xul chi xsutam li artal.

Levítico 3:2

Ani taaq'axtesinq li mayej, tixk'e li ruq' sa' xb'een xjolom li xul tixyeechi'i, ut chirix a'an tixyok' li xkux sa' rokeb'aal li Loq'laj Muheb'aal. Ut eb' laj tij te'xrachrachi li xkik'el chi xsutam li artal.

1 Pedro 1:2

jo' ki'alaak chaq sa' xch'ool li Yos Yuwa'b'ej, rik'in li santob'resink naxb'aanu li Musiq'ej, re xpaab'ankil li Jesukriist ut re xk'ulb'al leech'ajob'resinkil rik'in li xkik'el. Chiwanq taxaq eerik'in li usilal ut li tuqtuukilal chi numtajenaq.

Hebreos 12:24

Xexjilok chi xk'atq li Jesus, li na'okenk chirix li ak' Sumwank; xexjilok rik'in li kik' nokooxch'ajob'resi, li q'axal chaab'il chik na'aatinak chiqix chiru li xkik'el laj Abel.

2 Crónicas 35:11

Toja' naq ke'kamsiik li mayej re li Paswa ut, naq eb' laj tij yookeb' chi xkirkirinkil li kik' li nak'eemank reheb' xb'aaneb' laj Leví, eb' laj Leví li junch'ol chik yookeb' chi risinkil li rixeb' li xul li ke'kamsiik.

Levítico 3:13

tixk'e li ruq' sa' xb'een li xjolom, ut chirix a'an tixyok' li xkux chire li Loq'laj Muheb'aal. Toja' naq eb' laj tij te'xrachrachi li xkik'el li xul chi xsutam li artal.

Éxodo 29:16

Naq akaq xakamsi li karneer, taarachrachi chi kik' chixjunil xsutam li artal.

Hebreos 10:11

Relik chi yaal naq chixjunileb' laj tij yookeb' sa' li xk'anjeleb' wulaj wulaj, yookeb' chi xyeechi'inkil k'iila sut eb' li mayej li maajoq'e te'ruhanq risinkileb' li maak.

Miqueas 6:6

“K'aru tink'am re li Qaawa'? Chanru toxinwiq'ib' wib' chiru li xYos li choxa? Ma tinloq'oni tab'i' ru rik'in kok' wakax aj jun chihab' malaj rik'in k'atb'il mayej?

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Isaías 52:15

jo'kan ajwi' naab'aleb' li tenamit te'sachq xch'ool ut eb' li awab'ej mem aj chik te'kanaaq, xb'aan naq te'ril li maajun wa seeraq'inb'il reheb' ut te'xka'ya li maajun wa rab'ihomeb'.

Números 18:17

Ab'an ink'a' naru xtojb'al rix li xb'een ral li wakax, li karneer malaj li chib'aat, xb'aan naq santob'resinb'il. Taahoy li xkik'el sa' xb'een li artal, ut li xxeeb'ul taak'at cho'q sununkil mayej chiru li Qaawa'.

Levítico 16:15

Toja' naq tixkamsi li chib'aat jo' mayej chirix xmaakeb' li tenamit ut tixk'am li kik' chirix li t'ilkem; aran chisa' tixrachrachi chaq sa' xb'een ut chiru li tz'apleb', kama' xb'aanu rik'in xkik'el li saaj wakax.

Levítico 1:15

Laj tij tixyeechi'i li mayej a'an sa' xb'een li artal: taarisi li xjolom ut tixk'at sa' xb'een li artal naq akaq xraqe'k chi tz'ilonk li xkik'el chi xk'atq li artal.

Éxodo 29:11

Taakamsi li saaj wakax chiru li Qaawa', sa' rokeb'aal li xMuheb'aal li ch'utam.

Levítico 4:29

Tixk'e li ruq' sa' xb'een xjolom li xul li naxyeechi'i chirix li maak, ut tixyok' li xkux sa' xna'aj li k'atb'il mayej.

Levítico 4:33

Tixk'e li ruq' sa' xb'een xjolom li karneer ut tixyok' li xkux cho'q mayej chirix li maak, sa' li na'ajej b'arwi' neke'kamsiik li xul nak'atmank.

Levítico 17:11

Xb'aan naq chixjunil li wank xyu'am yo'yo sa' xk'ab'a' li kik' ut laa'in xink'e eere li xkik'el sa' xb'een li artal, re naq rik'in li kik' a'an texruuq laa'ex chi xkolb'al rix leeyu'am, xb'aan naq li kik' natojok li xkolb'al rix li yu'amej.

1 Samuel 1:25

Toja' naq ke'xkamsi jun li saaj wakax ut ke'xk'am li k'uula'al chiru laj Elí.

Ezequiel 43:18

Chirix chik a'an li Qaawa' kixye we: “At kaamel winq, naq taawulaq xkutankil xyiib'ankil li artal, tento taa'uxmanq jo' li xinye: Sa' xb'een li artal taak'atmanq junaq xul, cho'q k'atb'il mayej, ut taahoye'q li kik' sa' xb'een.

Éxodo 40:6

Taak'e li artal reheb' li k'atb'il mayej chiru, sa' li Loq'laj Na'ajej, sa' rokeb'aal li xMuheb'aal li ch'utam;

Levítico 4:7

Rik'in li kik' a'an tixyul ajwi' b'ayaq li xxukub'eb' li artal b'arwi' nak'atmank li pom jwal sununk xb'ook, a' li wank chiru li Qaawa', sa' li Loq'laj Muheb'aal, ut li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.