Levítico 1:3 - Q'eqchi Bible

³ “Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

Li Santil hu

³ Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Levítico 1:3 ပူးပေါင်းရင်းမြစ်များ

Deuteronomio 15:21

Ut wi wank junaq xyajel, wi yeq roq malaj mutz' malaj wank junaq chik xyib'al ru, ink'a' taamayeja re li Qaara' laaYos.

Hebreos 9:14

ma toja' ta chik li xkik'el li Kriist li kixyeechi'i rib' chiru li Yos chi maak'a' xmuxul sa' xk'ab'a' li junelik Musiq'ej? Relik chi yaal naq li xkik'el li Kriist tixch'ajob'resi li qak'a'uxl chiru li qakamenaqil k'anjel, re naq took'anjelaq chiru li yo'yookil Yos!

Éxodo 12:5

Tento naq li xul maak'a'aq reek', teelomaq ut junchihab'aq xyu'am. Teesik' a'an sa' xyanqeb' li kok' karneer malaj chib'aat,

Efesios 5:27

re naq li Iklees taaxaqab'aaq chiru chi k'ajo' xloq'al, chi maak'a'aq xtz'ajnil, chi moko xyocholal malaj k'a'aq chik re ru, santaq b'an ut chi maak'a'aq xq'usb'al.

Deuteronomio 17:1

“Ink'a' taamayeja chiru li Qaawa' laaYos junaq wakax malaj karneer li wank xyajel malaj k'a' chik reek', xb'aan naq a'an tz'i'b'eetal chiru li Qaawa' laaYos.

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

Efesios 2:18

Xb'aan naq sa' xk'ab'a' li Kriist laa'o li wiib' chi tenamit wank li qokeb'aal rik'in li Yuwa'b'ej, sa' junaj chi Musiq'ej.

Génesis 22:8

Kixye laj Abrahán: “Matk'oxlak, at walal. Li Yos taanawoq re li karneer re li mayej”. Wotz yookeb' chi xik.

San Juan 1:36

Naq yo chi nume'k li Jesus, kixka'ya ut kixye: —Ilomaq li xKarneer li Yos!

2 Corintios 9:7

Li junjunq chixk'ehaq jo'nimal na'alaak sa' xch'ool, ink'a' chi ka'b'rix xch'ool chi moko chi minb'ilaq ru, xb'aan naq li Yos naxra li nasihok chi sa sa' xch'ool.

Malaquías 1:14

Tz'eqtaananb'ilaq taxaq li nab'alaq'ik, a' li wank jun xchaab'il xul ut naxye naq tixq'axtesi we, ab'anan chirix chik a'an tixmayeja re li Qaawa' li yaj aj xul! Laa'in li Nimajwal Awab'ej, ut nak'eemank inloq'al sa' xyanqeb' li tenamit!”, chan li Qaawa', li Nimajwal Yos.

Ezequiel 20:40

Xb'aan naq chixjunileb' laj Israel tine'xloq'oni sa' linsantil na'aj, sa' xb'een li tzuul najt xteram li wank aran Israel -chan li Qaawa'-. Aran teb'ink'ul chi anchal linch'ool ut tinpatz' leemayej, li xb'een ru leerawimq jo' ajwi' chixjunil li k'aru loq' cheru.

Salmos 110:3

Aawe li nimajwal wankilal chalen chaq sa' xkutankil laayo'lajik. Sa' li loq'laj muheb'aal, naq toj maji' nahik'e'k, xatinyoob'tesi.

Salmos 40:8

jo'kan naq xinye: We'kin, chalk we, chankin. Tz'iib'anb'il chiwix sa' li b'otb'ookil hu

Números 29:13

Cho'q k'atb'il mayej sununk xb'ook chiru li Qaawa', teeyeechi'i oxlaju li saaj wakax, wiib' li chib'aat, kaalaju li karneer aj junq chihab' ut maak'a'aq reek'eb'.

Levítico 3:1

“Wi ani tixchap chaq sa' xyanqeb' li xketomq junaq ixqi wakax malaj ut teelom wakax re xyeechi'inkil chiru li Qaawa' jun li mayej re k'amok ib' sa' usilal rik'in li Yos, li xul taayeechi'imanq tento naq maak'a'aq reek'.

Éxodo 24:5

Chirix chik a'an wankeb' saaj al sa' xyanqeb' laj Israel li ke'taqlaak chi xyeechi'inkil k'atb'il xul ut xkamsinkil saaj wakax jo' loq'laj mayej cho'q re li Qaawa'.

Génesis 22:13

Toja' naq laj Abrahán kixtaqsi li rilob'aal ut kiril jun karneer t'ilt'o chaq li xxukub' sa' li k'ix. Koho, kixchap chaq li karneer ut kixkamsi cho'q xmayej, reeqaj li ralal.

San Juan 10:9

Laa'in li okeb'aal. Ani taa'ok sa' ink'ab'a', kolb'ilaq; taa'ok, taa'elq ut tixtaw xwa.

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.

Isaías 1:11

“K'aru aj e we leek'iila mayej? Jwal xintitz'k xb'aan leekarneer nekek'at chiwu, ut ninyib' li xk'iila xeeb'ul leewakax. Li xkik'eleb' li wakax ut eb' li chib'aat ink'a' nawulak chiwu.

Éxodo 32:6

Sa' li kutan jun chik, toj hik'ho, ke'wakliik ut ke'xyeechi'i xmayejeb' ut k'atb'il xul. Moqon eb' li tenamit ke'chunlaak chi wa'ak chi uk'ak, ut chirix a'an ke'wakliik chi xajok ut chi maakob'k.

Éxodo 29:42

k'atb'il mayej yeechi'inb'ilaq junelik chiru li Qaawa', sa' rokeb'aal li xMuheb'aal li ch'utam b'arwi' tinwanq aawik'in re aawaatinankil.

Éxodo 29:18

ut taak'at chixjunil li karneer sa' li artal. A'an k'atb'il mayej cho'q re li Qaawa', sununkil b'ook, k'atb'il tzekemq cho'q re li Qaawa'.

Génesis 22:2

Kixye li Yos: “K'am laawalal, li junaj chirib'il, a' laj Isahak li raaro aab'aan. Ayu sa' li tenamit Moria ut toxaayeechi'i aran cho'q k'atb'il mayej sa' xb'een li tzuul li tink'ut chawu”.

Génesis 8:20

Chirix a'an laj Noé kixyiib' jun li artal re li Qaawa', kixchapeb' li chaab'ileb' xul li neke'b'eek jo' ajwi' li neke'rupupik, ut kixyeechi'i jo' k'atb'il mayej sa' xb'een li artal.

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Números 23:3

Chirix chik a'an laj Balaham kixye re laj Balak: “Kanaaqat chi xk'atqeb' laamayej. Xik we chi rilb'al ma taachalq li Qaawa' chi aatinak wik'in; ut li k'aru tixk'ut chiwu tulinye aawe”, chan. Koho laj Balaham sa' xb'een jun li joxk' tzuul

2 Corintios 8:12

Xb'aan naq wi wank k'aru na'alaak sa' xch'ool anihaq, a'an k'ulb'il chi chaab'il xb'aan li Yos sa' xk'ab'a' li jo'ch'inal jo'nimal wank re; ink'a' napatz'mank li maak'a' wank re.

San Juan 10:7

Jo'kan naq li Jesus ki'aatinak wi' chik rik'ineb': —Relik chi yaal ninye eere: laa'in li rokeb'aaleb' li karneer.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

Levítico 17:9

ut ink'a' tixk'am sa' rokeb'aal li Loq'laj Muheb'aal re xyeechi'inkil re li Qaawa', li winq a'an tento taa'isiiq sa' xyanqeb' li rech tenamitul.

Levítico 4:23

Naq tixk'e reetal li maak xb'aanu, tento tixk'am cho'q xmayej junaq teelom chib'aat li maak'a'aq reek'.

Éxodo 35:5

Teesik' mayej sa' xyanq li k'aru wank eere ut teeyeechi'i re li Qaawa'. Chixjunil li na'alaak sa' eech'ool teemayeja cho'q re li Qaawa': oor, plaat ut q'anch'iich',

Éxodo 29:4

Chaye re laj Aharón ut eb' li ralal naq te'nach'oq rik'in rokeb'aal li xMuheb'aal li ch'utam b'arwi' taawatisiheb' rik'in ha'.

Levítico 17:4

wi ink'a' tixk'am chaq sa' rokeb'aal li Loq'laj Muheb'aal re xmayejankil re li Qaawa' chiru li xLoq'laj Na'aj, li winq a'an wanq xmaak xb'aan naq xkamsink. Tento taa'isiiq sa' xyanqeb' li rech tenamitul, xb'aan naq xhoy xkik'el li xul.

Levítico 16:7

Chirix chik a'an tixchapeb' li wiib' chi chib'aat ut tixyeechi'iheb' chiru li Qaawa', sa' rokeb'aal li Loq'laj Na'ajej b'arwi' na'uxk li ch'utam.

Levítico 8:21

kixch'aj rik'in ha' li xk'amk'ot ut eb' li ra' li karneer, ut kixk'at chixjunil sa' xb'een li artal cho'q k'atb'il mayej, sununkil b'ook chiru li Qaawa', jo' chanru kiyehe'k re xb'aan li Qaawa'.

Levítico 8:18

Laj Moisés kixye naq chijilosiiq chaq li karneer li taayeechi'imanq cho'q k'atb'il mayej, ut laj Aharón rochb'eeneb' li ralal xk'ajol ke'xk'e li ruq'eb' sa' xb'een xjolom.

Levítico 7:16

Wi li xul taaq'axtesimanq yal re xpaab'ankil junaq yeechi'om re li Qaawa', malaj ut xb'aan naq x'alaak sa' xch'ool junaq poyanam xk'eeb'al, tento xtzekankil sa' xkutankil li mayejak, ut li taa'ela'anq, naru xtzekankil wulajaq.

Éxodo 38:1

Laj Besalel kixyiib' rik'in akasya li artal reheb' li k'atb'il mayej, lajeeb' k'utub' xnimal li roq ut lajeeb' k'utub' li xnimal li ru, kaaxukuut ut wan xwaq k'utub' li xteram.

Éxodo 36:3

Eb' a'in ke'xk'ul sa' ruq' laj Moisés chixjunil li mayej li ke'xyeechi'i eb' laj Israel re naq taayaalo'q li xnimal k'anjel cho'q re li Santil Na'ajej. Ab'an rajlal eq'la eb' laj Israel toj yookatqeb' chi xq'axtesinkil re laj Moisés li na'alaak sa' xch'ooleb'.

Éxodo 35:29

Chixjunileb' laj Israel, jo' winq ut ixq, jo'k'ihaleb' li ki'alaak sa' xch'ooleb' xk'amb'al k'a'aq re ru re taa'uxmanq li b'arwan yeeb'il chaq re laj Moisés xb'aan li Qaawa', kole'xyeechi'i li xmayejeb' chiru li Qaawa' chi anchaleb' xch'ool.

Éxodo 35:21

ut jo'k'ihaleb' li na'alaak sa' xch'ooleb', a'eb' li neke'reek'a sa' li raanm, ke'chalk ut ke'xk'am chaq li xmayejeb' cho'q re li Qaawa', re xyiib'ankil xMuheb'aal li ch'utam, re chixjunil li loq'laj k'anjel taawanq chisa' ut reheb' li loq'laj aq'ej.

Números 23:30

Laj Balak kixb'aanu li kiyehe'k re xb'aan laj Balak, ut kixyeechi'i jun saaj wakax ut jun karneer cho'q xk'atb'il mayej sa' li junjunq chi artal.

Deuteronomio 12:27

Aran, sa' xb'een li x'artal li Qaawa' laaYos, taak'at laamayej. Ut li xkik'el laakames taahoy sa' xb'een li x'artal li Qaawa' laaYos; ab'an naru taatzeka li tib'.

Números 23:27

Toja' naq laj Balak kixye re laj Balaham: “B'aanu usilal, kim. Tatink'am sa' jalan chik na'ajej. Mare aran taawulaq chiru li Yos naq taamajewa chaq toj sa' li na'ajej a'an”, chan.

Levítico 1:10

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xkarneer malaj ut xchib'aat, tento naq teelomaq chi maak'a' reek'.

Levítico 4:15

b'arwi' eb' li xcheekelal li komonil te'xk'e li ruq' sa' xb'een li xjolom li ch'ina wakax, li wank chiru li Qaawa', ut aran ajwi' te'xyok' li xkux.

Levítico 6:8

Li Qaawa' kiraatina laj Moisés ut kixye re:

Levítico 17:8

“Taaye ajwi' reheb' naq yalaq ani sa' xyanqeb' laj Israel malaj aj ab'l tenamit wanq sa' eeyanq, wi tixq'axtesi junaq xk'atb'il mayej malaj yalaq k'a' chi mayejil,

Números 15:3

ut naq teeyeechi'i leewakax malaj leekarneer cho'q k'atb'il ut sununkil mayej sa' xk'ab'a' li Qaawa' re naq taatz'aqloq ru li xeyeechi'i we malaj xb'aan naq jo'kan x'alaak sa' leech'ool malaj sa' xk'ab'a' junaq ninq'e,

Números 15:8

Ut wi laamayej chiru li Qaawa' a'an jun saaj wakax cho'q aak'atb'il mayej malaj re xk'amb'al wi' chik aawib' sa' usilal rik'in li Yos, sa' xk'ab'a' junaq aayeechi'om,

Ezequiel 40:39

Ut sa' xmu li okeb'aal wank ka'kab' chi meex sa' xjunqpak'alil; sa' xb'eeneb' li meex a'an neke'kamsiik eb' li mayej xul re li k'atb'il mayej malaj chirix li kuyuk sachok maak.

Levítico 4:3

“Wi a' li xb'eenil aj tij namaakob'k, nakanaak li xmaak sa' xb'een li tenamit. Jo'kan naq tento tixmayeja chiru li Qaawa' junaq ch'ina wakax maak'a'aq reek', cho'q xmayej chirix li maak li xb'aanu.

Levítico 4:32

“Wi li poyanam a'an naxk'am chaq junaq karneer cho'q xmayej chirix li xmaak, tento tixk'am chaq ixqi karneer li maak'a' reek'.

Levítico 5:15

“Li poyanam taamaakob'q chi ink'a' rajom xch'ool ut taak'utunq naq wank xmaak xb'aan naq xb'alaq'ik sa' li k'a'aq ru jwal loq' chiru li Qaawa', tento tixchap chaq junaq reheb' li xkarneer li maak'a' reek', tixk'e cho'q xmayej re xtojb'al rix li xmaak, ut tixk'am chiru li Qaawa'. Li xtz'aq li karneer tento xb'irb'al rix chi plaat, jo' tz'aqal neke'b'isok sa' li Loq'laj Na'ajej b'arwi' na'uxk li mayejak chirix li maak.

Levítico 5:18

Tento tixchap junaq reheb' li xkarneer li maak'a'aq reek' (ut li xtz'aq laa'at tatb'iroq rix), ut tixk'am rik'in laj tij cho'q mayej chirix li maak, re naq chi jo'kan taawanq xkuyb'al xmaak li poyanam a'an, li xmaakob'k chi ink'a' rajom xch'ool, ut li xmaak taakuye'q.

Levítico 6:2

“Wi ani taamaakob'q ut taak'utunq naq wank xmaak chi b'alaq'ik chiru li Qaawa' xb'aan naq xtik'ti'i li ras riitz'in rik'in k'aru kik'ehe'k chixk'uula malaj kixk'ul chi to'ninb'il, malaj xrelq'a malaj ut xmaq' k'a'aq re ru sa' josq'il,

Levítico 9:2

Ut kixye re laj Aharón: “Chap junaq saaj wakax cho'q mayej chirix li maak, ut junaq karneer li maak'a'aq reek', re naq taayeechi'imanq cho'q k'atb'il mayej, ut q'axtesiheb' chiru li Qaawa'.

Levítico 14:10

Sa' xwaqxaq li kutan tixchap wiib'aq li karneer li maak'a'eb' xyajel ut junaq ixqi karneer aj jun chihab', li maak'a'aq reek'. Tixchap ajwi' kaalaju liib'r li k'aj triiw li jwal chaab'il, cho'q mayej k'aj, yoq'inb'il rik'in aseeyt.

Levítico 23:12

Ut sa' ajwi' li kutan a'an naq teeq'axtesi li jun joob' chi triiw, teeyeechi'i ajwi' junaq karneer aj jun chihab', li maak'a'aq reek', cho'q eek'atb'il mayej sa' xk'ab'a' li Qaawa'.

Levítico 23:18

Rochb'een li kaxlan wa teeyeechi'i wuqub' chi karneer aj junq chihab'eb' ut maak'a'aq reek', jun ral wakax ut wiib' chib'aat cho'q chaab'il mayej sa' xk'ab'a' li Qaawa', k'atb'il mayej sununk xb'ook cho'q re A'an. A'inaq xkomon leek'aj mayej ut li b'iin.

Números 19:2

“A'an a'in jun chaq'rab' xaqab'anb'il xwankil xb'aan li Qaawa'. Naxye chi jo'ka'in: Ye reheb' laj Israel naq te'xk'am chaq aawik'in jun li wakax kaq rix, maak'a'aq reek', maak'a'aq xmuxul ut toj maji' na'iiqank.

Números 28:11

“Sa' xtiklajik li junq po teeyeechi'i jun k'atb'il mayej chiru li Qaawa': wiib' saaj wakax, jun chib'aat ut wuqub' karneer aj junq chihab', chi maak'a'aq reek'eb'.

Números 28:19

Teeyeechi'i a'in re li Qaawa' cho'q k'atb'il mayej sununk xb'ook: wiib' saaj wakax, jun chib'aat ut wuqub' chi karneer li maak'a'aq reek'eb',

Números 28:31

Teeb'aanu a'in ut teek'e ajwi' li k'atb'il mayej li xaqxo xb'aanunkil rajlal kutan, rochb'een li k'aj yoq'inb'il rik'in li aseeyt ut li b'iin.

Números 29:2

Teeyeechi'i jun eek'atb'il mayej li sununk xb'ook chiru li Qaawa': jun saaj wakax, jun chib'aat ut wuqub' chi karneer, aj junq chihab' ut maak'a'aq reek'eb'.

2 Crónicas 29:32

Li mayej ke'xyeechi'i eb' li ch'utch'uukeb' aran, a'an lajeeb' xkaak'aal chi b'ooyx, o'k'aal chi chib'aat ut lajeek'aal chi karneer: chixjunileb' a'in ke'k'atmank chiru li Qaawa'.

2 Crónicas 35:12

Yookeb' ajwi' chi xjek'b'al li k'aru taak'atmanq cho'q mayej xb'aan li xjunqkab'aleb' li tenamit, re naq taamayejamanq chiru li Qaawa', jo' chanru tz'iib'anb'il sa' xhu laj Moisés. Jo'kan ajwi' ke'xb'aanu rik'ineb' li b'ooyx.