Levítico 1:13 - Q'eqchi Bible

¹³ Ani tixyeechi'i xk'atb'il mayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal cho'q k'atb'il mayej jwal sununk xb'ook chiru li Qaawa'.

Li Santil hu

¹³ Li tixqꞌue xcꞌatbil mayej tixchꞌaj lix cꞌamcꞌot ut li raꞌ li xul. Ut laj tij tixmayeja chiru li Ka̱cuaꞌ ut tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.

Levítico 1:13 ပူးပေါင်းရင်းမြစ်များ

Levítico 1:9

Ani tixyeechi'i k'atb'il xul cho'q xmayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal. A'an jun k'atb'il mayej jwal sununk xb'ook chiru li Qaawa'.

Levítico 2:11

“Meek'e xyu junaq leemayej yiib'anb'il rik'in k'aj triiw li teeq'axtesi chiru li Qaawa'. Maajun paay ru xyu li xq'emal li kaxlan wa chi moko li xya'al kab' taak'atmanq jo' mayej chiru li Qaawa'.

Levítico 4:31

Tento naq taarisi ajwi' chixjunil li xeeb', jo' tz'aqal na'isimank re li xul nayeechi'imank cho'q mayej re k'amok ib' sa' usilal rik'in li Yos, ut tixk'at sa' xb'een li artal jo' sununkil b'ook chiru li Qaawa'. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuymanq li maak.

Números 15:4

tento naq laj mayejanel tixyeechi'i re li Qaawa' kaahib' liib'r chi k'aj yoq'inb'il rik'in aseeyt.

Números 28:11

“Sa' xtiklajik li junq po teeyeechi'i jun k'atb'il mayej chiru li Qaawa': wiib' saaj wakax, jun chib'aat ut wuqub' karneer aj junq chihab', chi maak'a'aq reek'eb'.

Deuteronomio 12:27

Aran, sa' xb'een li x'artal li Qaawa' laaYos, taak'at laamayej. Ut li xkik'el laakames taahoy sa' xb'een li x'artal li Qaawa' laaYos; ab'an naru taatzeka li tib'.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

Levítico 2:2

Chirix a'an tixk'am rik'ineb' laj tij li ralaleb' laj Aharón, ut jun reheb' a'an tixchap jun mooch'aq li k'aj triiw rochb'een aseeyt ut pom, ut tixk'at sa' xb'een li artal cho'q k'atb'il mayej, sahil mayej, sununk xb'ook chiru li Qaawa'.

Levítico 3:5

Eb' laj tij te'xk'at chixjunil a'in sa' xb'een li artal rochb'een li xul li taak'atmanq sa' xb'een li si' yo xxamlel, jo' k'atb'il mayej sununk xb'ook chiru li Qaawa',

Levítico 6:14

“A'an a'in li chaq'rab' chirix li mayej k'aj. Eb' laj tij tento te'xyeechi'i sa' xb'een li artal, chiru li Qaawa'.

Levítico 8:21

kixch'aj rik'in ha' li xk'amk'ot ut eb' li ra' li karneer, ut kixk'at chixjunil sa' xb'een li artal cho'q k'atb'il mayej, sununkil b'ook chiru li Qaawa', jo' chanru kiyehe'k re xb'aan li Qaawa'.

Números 15:3

ut naq teeyeechi'i leewakax malaj leekarneer cho'q k'atb'il ut sununkil mayej sa' xk'ab'a' li Qaawa' re naq taatz'aqloq ru li xeyeechi'i we malaj xb'aan naq jo'kan x'alaak sa' leech'ool malaj sa' xk'ab'a' junaq ninq'e,

Números 28:8

Li xkab' karneer teemayeja ewu: teeyeechi'i jo' tz'aqal li xb'een karneer, rochb'een li k'aj ut li b'iin. A'anaq jun k'atb'il mayej sununk xb'ook chiru li Qaawa'.

2 Crónicas 4:6

Kixyiib' lajeeb' chik chi xna'aj ha', oob' sa' xnim ut oob' sa' xtz'e. Chisa' neke'xch'aj li k'aru neke'xk'at cho'q xmayejeb'; ab'an li nimla xna'aj ha' nak'anjelak reheb' laj tij re te'ch'ajoq.

Ezequiel 40:38

Wank ajwi' jun li na'ajej, wank rokeb'aal chi xmu ochoch. Aran nach'ajmank ruheb' li mayej nak'atmank.