Levítico 1:11 - Q'eqchi Bible

¹¹ Tento naq tixyok' li xkux sa' xjayal releb'l iq' chi xk'atq li artal, chiru li Qaawa'. Eb' li ralal xk'ajol laj Aharón ut eb' laj tij te'xk'irk'isi li xkik'el li xul chi xsutam li artal.

Li Santil hu

¹¹ Tixcamsi chiru li Ka̱cuaꞌ chixcꞌatk li artal saꞌ li pacꞌal li nacana saꞌ li norte. Ut eb laj tij teꞌxrachrachi lix quiqꞌuel saꞌ xbe̱n li artal ut chixjun sutam.

Levítico 1:11 ပူးပေါင်းရင်းမြစ်များ

Levítico 1:5

Tixyok' li xkux li teelom wakax chiru li Qaawa'. Chirix chik a'an eb' li ralal xk'ajol laj Aharón ut eb' laj tij te'xyeechi'i li kik' ut te'xkirkiri chi xsutam li artal li wank sa' rokeb'aal li Loq'laj Muheb'aal.

Ezequiel 8:5

Ut kixye we: “At kaamel winq, ilon sa' xjayal releb'l iq'”, chan. Laa'in kin'ilok sa' xjayal releb'l iq', ut kiwil naq, sa' li okeb'aal wan wi' li artal, aran wank li xjalam u li jalanil yos li nayoob'ank xjosq'il li Qaawa':

Levítico 7:2

Li xul nayeechi'imank chirix li maak tento naq setb'ilaq li xkux sa' li na'ajej b'arwi' neke'kamsiik li k'atb'il mayej, ut li xkik'el tento xrachrachinkil chi xsutam li artal.

Levítico 6:25

“Ch'olob' chiru laj Aharón ut chiruheb' li ralal xk'ajol li chaq'rab' a'in chirix li mayejak chirix li maak, tento taasetmanq li xkux chiru li Qaawa', sa' li na'ajej b'arwi' neke'kamsiik li xul li te'k'atmanq. Q'axal loq' li mayej a'in.

Éxodo 40:22

Kiroksi ajwi' li meex sa' xMuheb'aal li ch'utam, sa' xjayal releb'l iq' sa' li Loq'laj Muheb'aal, junpak'al li t'ikr.

Éxodo 24:6

Laj Moisés kixxok xyiijachil li kik' ut kixk'e sa'eb' li uk'al, ut li jun yiijach chik kixhoy sa' xb'een li artal.

Levítico 4:29

Tixk'e li ruq' sa' xb'een xjolom li xul li naxyeechi'i chirix li maak, ut tixyok' li xkux sa' xna'aj li k'atb'il mayej.

Levítico 8:19

Chirix chik a'an laj Moisés kixset xkux, kixrachrachi chi kik' chixjunil xsutam li artal,

Levítico 14:13

Tento tixkamsi li karneer sa' li na'ajej b'arwi' na'uxk xsetb'al xkuxeb' li xul chirixeb' li maak ut re li k'atb'il mayej. Li mayej chirix li maak taakanaaq cho'q re laj tij; jo'kan ajwi' li mayej re xtojb'al rix li maak, xb'aan naq a'an q'axal loq'.

Ezequiel 43:18

Chirix chik a'an li Qaawa' kixye we: “At kaamel winq, naq taawulaq xkutankil xyiib'ankil li artal, tento taa'uxmanq jo' li xinye: Sa' xb'een li artal taak'atmanq junaq xul, cho'q k'atb'il mayej, ut taahoye'q li kik' sa' xb'een.