Jueces 8:3 - Q'eqchi Bible

³ Li Yos xq'axtesi sa' eeruq' li xjolomileb' laj Madián, a' laj Oreb ut laj Seheb. K'a' tawi' xinb'aanu laa'in re injuntaq'eetankil eerik'in!”, chan. Naq eb' laj Efraín ke'rab'i li raatin laj Jedehón, kich'anaak b'ayaq li xjosq'ileb'.

Li Santil hu

³ Li Dios quixkꞌaxtesi saꞌ e̱rukꞌ la̱ex laj Oreb ut laj Zeeb, li cuib li nequeꞌtaklan saꞌ xbe̱neb laj Madián. La̱ex nabal xeba̱nu chiru li xkaba̱nu la̱o, chan. Riqꞌuin li quixye laj Gedeón, quinumeꞌ lix joskꞌileb.

Jueces 8:3 ပူးပေါင်းရင်းမြစ်များ

Proverbios 15:1

Li nasumenk rik'in q'unil aatin, naxkotz li josq'il; a'ut li nasumenk sa' josq'il, naxnimob'resi li ch'a'ajkilal.

Filipenses 2:3

Mik'a' eeb'aanu sa' q'etq'etil chi moko yal re xnimob'resinkil eerib', chekub'siiq b'an eewankil; li junjunq tixk'oxla naq eb' li xkomon q'axal ninqeb' chik xwankil chiru.

Romanos 12:6

Jalan jalanq li qamaatan, a' yaal chanru li rusilal li Yos k'eeb'il qe. Jo'kan utan, wi wank qamaatan re aatinak jo' propeet, chiqak'e chi k'anjelak jo' chanru xnimal li qapaab'aal;

Romanos 12:3

Sa' xk'ab'a' li maatan k'eeb'il we ninye eere chejunilex ut chejunjunqal: meek'oxla eerib' naq numtajenaq eena'leb', chek'oxla b'an yal tz'aqalaj, a' yaal chanru li maatan k'eeb'il re li junjunq xb'aan li Yos sa' xk'ab'a' li xpaab'aal.

San Juan 4:37

Xb'aan naq rik'in a'in natz'aqlok ru li aatin: «Jun na'awok ut jalan chik naq'olok».

Proverbios 25:15

Li ani wank xkuyum, naxtuulanob'resi laj raqol aatin; ut li na'aatinak sa' q'unil, naxchup li josq'il.

Proverbios 25:11

Li aatin nayeemank tz'aqal sa' xq'ehil, a'an chanchan li ki'il q'een sa' junaq plaatil sek'.

Proverbios 16:32

Q'axal us naq wanq aakuyum chiru li xkawilal aawib'; ut jwal us xkuyb'al aawib' chiru reechaninkileb' li k'iila tenamit.

Salmos 115:1

At Qaawa', maak'e qaloq'al laa'o, chak'e b'an xloq'al laak'ab'a', xb'aan naq chaab'ilat ut tiik laach'ool.

Salmos 44:3

Rik'in laawuq' xawaanilasiheb' li tenamit, xarahob'tesi chixjunileb' li poyanam re xk'ojob'ankil eb' li qana' qayuwa' sa' li xna'ajeb', re naq te'k'iiq ut te'nimanq.

Jueces 8:2

Ut laj Jedehón kixsumeheb': “K'aru xinb'aanu laa'in? Q'axal chik xeb'aanu laa'ex aj Efraín chiru li xqab'aanu laa'o.

Jueces 8:4

Laj Jedehón rochb'eeneb' li o'lajuk'aal ke'wulak chire li nima' Jordán ut ke'nume'k junpak'al, us ta tawajenaqeb' xb'aan xsik'inkileb' laj Madián.