Jueces 8:22 - Q'eqchi Bible

²² Chirix chik a'an eb' laj Israel ke'xye re laj Jedehón: “Laa'at chik tattaqlanq sa' qab'een jo'keb' ajwi' laawalal ut eb' laawi aamam, xb'aan naq xoohaakol sa' ruq'eb' laj Madián”, chankeb'.

Li Santil hu

²² Chirix chic aꞌan, eb laj Israel queꞌxye re laj Gedeón: —La̱at chic tattakla̱nk saꞌ kabe̱n joꞌqueb ajcuiꞌ la̱ cualal a̱cꞌajol xban nak la̱at xatcoloc ke saꞌ rukꞌeb laj Madián, chanqueb.

Jueces 8:22 ပူးပေါင်းရင်းမြစ်များ

San Juan 6:15

A'ut li Jesus kixk'e reetal naq chalkeb' re chi xk'amb'al re te'xk'e cho'q awab'ej; jo'kan naq ki'elelik wi' chik sa' li tzuul xjunes.

1 Samuel 12:12

A'ut naq kek'e reetal naq laj Najás, awab'ej re Amón, kichalk sa' eeb'een, keye we: «Ink'a', tqaj junaq awab'ej li taataqlanq sa' qab'een», chankex. Ut keye chi jo'kan, us ta li Qaawa' a'an leeYos.

1 Samuel 8:5

ut ke'xye re: “K'e reetal, laa'at ak tiixat chik ut eb' laawalal ink'a' neke'xtaaqe laab'e. Jo'kan naq xaqab' junaq awab'ej cho'q qe, re naq a'an chik taataqlanq sa' qab'een, jo' na'uxk sa' chixjunileb' li tenamit”.

Génesis 37:28

Ut naq ke'nume'k aran eb' laj yakonel aj Madián, ke'xchap laj José, ke'risi chaq sa' li kumb' ut ke'xk'ayi reheb' laj Ismael chiru junmay chi tumin plaat, ut eb' laj Madián ke'xk'am Ejiipt.

Jueces 8:21

Toja' naq laj Sébaj ut laj Salmuná ke'xye re laj Jedehón: “Waklin laa'at ut kamsiho, xb'aan naq laa'at jun li winq q'axal kaw aawib'”, chankeb'. Kiwakliik laj Jedehón ut kixkamsiheb' laj Sébaj ut laj Salmuná, ut kixxok li xsahob' ruheb' li kameey li nawank sa' xkuxeb'.

Jueces 8:23

A'ut laj Jedehón kixsumeheb': “Moko laa'in ta tintaqlanq sa' eeb'een chi moko li walal. A' b'an li Qaawa' taataqlanq sa' eeb'een”, chan.