Jueces 7:20 - Q'eqchi Bible

²⁰ Jo'kan ajwi' ke'xb'aanu li ox ch'uut chi aj puub': ke'xyaab'asiheb' li xukub' ut ke'xjoreb' li kuk. Sa' xtz'e uq'eb' wank li xxameb' ut sa' xnimeb' wank li xxukub'eb', ut ke'xjap re chi xyeeb'al: “Sa' xk'ab'a' li Qaawa' ut sa' xk'ab'a' laj Jedehón!”, chankeb'.

Li Santil hu

²⁰ Ut li oxib chꞌu̱tal chi soldado quilajeꞌxya̱basi lix trompeta ut quilajeꞌxjor lix cuqueb. Saꞌ lix nim ukꞌeb cuan lix trompeta ut saꞌ lix tzꞌe ukꞌeb cuan lix xameb. Ut queꞌxjap reheb chixyebal: —Saꞌ xcꞌabaꞌ li Dios ut saꞌ xcꞌabaꞌ ajcuiꞌ laj Gedeón tonumta̱k saꞌ e̱be̱n, chanqueb.

Jueces 7:20 ပူးပေါင်းရင်းမြစ်များ

Isaías 27:13

Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.

2 Corintios 4:7

Ab'an li xnimal ru qamaatan a'in wank qik'in sa' pak'b'il sek', re naq chik'utunq naq li xnimal ru wankilal a'in nachalk rik'in li Yos, moko qik'in ta laa'o.

1 Corintios 15:52

Chiru junpaat, chiru jun mutz'ul, naq taayaab'asiiq li tronpeet sa' roso'jik (xb'aan naq taayaab'asiiq li tronpeet), te'wakliiq chi yo'yo eb' li kamenaq chi ink'a' chik te'q'aaq, ut laa'o toojalano'q.

Josué 6:20

Li tenamit ke'xchaj reheb' ut ke'yaab'asimank li tronpeet. Naq eb' laj Israel ke'rab'i xyaab'eb' li tronpeet, k'ajo' naq ke'xchaj reheb'! Li xsuttz'akil Jerikó ki'uq'je'k ut chixjunileb' ke'xkut rib' chi tiik sa' xb'een li tenamit, ut koxe'reechani.

Josué 6:16

Naq eb' laj tij ke'xyaab'asi li tronpeet sa' li xwuq sut, laj Josué kixye re li tenamit: “Chajomaq eere xb'aan naq li Qaawa' xq'axtesi li tenamit sa' leeruq'!

Josué 6:4

Aj k'amolb'ehaqeb' chiru li Loq'laj Kaax wuqub' chi aj tij li te'k'amoq junjunq xxukub'eb' li karneer cho'q tronpeet. Sa' xwuq li kutan teesuti li tenamit wuqub' sut ut eb' laj tij te'xyaab'asiheb' li xtronpeet.

Hebreos 11:4

Sa' xk'ab'a' li xpaab'aal laj Abel kixyeechi'i re li Yos jun li mayej q'axal chaab'il chiru li kixk'e laj Kaín. Sa' xk'ab'a' a'an li Yos kixye naq tiik xch'ool laj Abel ut kixk'ulub'a li xmayej. Jo'kan naq, us ta kamenaq chik laj Abel, ab'an toj yo chi aatinak anaqwan sa' xk'ab'a' li xpaab'aal.

1 Ts 4:16

A' ajwi' li Qaawa' taakub'eeq chaq sa' choxa sa' xq'ehil, naq jun li arkánjel taataqlanq rik'in xyaab' xkux ut taayaab'asiiq xtronpeet li Yos: toja' naq eb' li xe'kamk sa' xk'ab'a' li Kriist, xb'enwa te'wakliiq chaq chi yo'yo.

2 Pedro 1:15

Ut tinyal inq'e re naq chirix ajwi' linkamik tkanaaq sa' leech'ool chi junelik li xyaalal chixjunil a'in.

Jueces 7:19

Laj Jedehón ut eb' li o'k'aal (100) chi winq li koheb' chirix, ke'wulak sa' xmaril li xna'ajeb' laj Madián, tz'aqal sa' xq'ehil xtiklajik li xk'anjeleb' laj k'aak'alenel tuqtu q'oqyink. Toja' naq ke'xyaab'asi li xxukub'eb' ut ke'xjor li xkukeb' wank sa' ruq'eb'.

Jueces 7:21

Ut ke'kanaak chi kulku sa' li xna'ajeb', chi xsutameb' laj Madián. Toja' naq chixjunileb' laj puub' re Madián ke'ajk ruheb' ut neke'ayaynakje'k naq ke'ok chi elelik.

1 Samuel 11:11

Wulajaq chik a'an, laj Saúl kixk'eheb' laj puub' sa' oxib' tzol, ut eb' a'an koxe'xkut rib' sa' xb'eeneb' laj Amón toj hik'ho ut ke'xsach ruheb' toj kiwa'leb'o'k. Ut eb' li ink'a' ke'kamsiik, ke'elelik ut ke'xcha'cha'i rib'eb'.

Jeremías 47:6

At xch'iich' li Qaawa', toj jo'q'e tatch'anaaq chi kamsink? Ch'ik wi' chik aawib' sa' laawochoch, hilan b'ayaq ut wanqat sa' xyaalal.