Jueces 6:8 - Q'eqchi Bible

⁸ li Qaawa' kixtaqla jun li propeet rik'ineb' re xyeeb'al reheb': “Jo'ka'in xye li Qaawa', xYos laj Israel: «Laa'in kin'isink chaq eere Ejiipt b'arwi' kexwank chaq chi munil.

Li Santil hu

⁸ Joꞌcan nak li Ka̱cuaꞌ quixtakla jun li profeta riqꞌuineb. Li profeta quixye reheb: —Joꞌcaꞌin xye e̱re li Ka̱cuaꞌ lix Dioseb laj Israel, “La̱in quin-isin chak e̱re aran Egipto saꞌ li naꞌajej li quexcuan cuiꞌ chokꞌ rahobtesinbil mo̱s.

Jueces 6:8 ပူးပေါင်းရင်းမြစ်များ

Jueces 6:7

Naq eb' laj Israel ke'xtz'aama chiru li Yos naq tixkoleb' sa' ruq'eb' laj Madián,

Jueces 6:9

Kexinkol sa' ruq'eb' laj Ejiipt jo'wi' sa' ruq'eb' chixjunil li neke'rahob'tesink eere. Kiwaanilasiheb' cheru ut kink'e eere li xch'och'eb'.

1 Samuel 10:18

ut kixye reheb' laj Israel: “Jo'ka'in xye li Qaawa', xYos laj Israel: Laa'in kin'isink chaq re laj Israel aran Ejiipt ut kexinkol sa' ruq'eb' laj Ejiipt jo'wi' sa' ruq'eb' chixjunil li awab'ejihom li yookeb' chaq chi rahob'tesink eere.

Éxodo 13:3

Toja' naq laj Moisés kixye re li tenamit: “Jultikaq eere li kutan a'in li xex'elk wi' Ejiipt, sa' li tenamit b'arwi' xexk'anjelak cho'q aj mun, xb'aan naq li Qaawa' xexrisi chaq aran rik'in xkawilal li ruq'. Jo'kan naq mexwa'ok wa li wank xyu.

Éxodo 13:14

Ut naq wulaj kab'ej tixpatz' aawe laawalal: «K'aru xyaalal a'in?», taaye re: «Li Qaawa' rik'in xkawilal li ruq' koorisi chaq Ejiipt, b'arwi' kook'anjelak chaq cho'q aj mun.

2 Reyes 17:13

Li Qaawa' kixq'useb' laj Israel ut eb' laj Judá chi xtz'uumal reheb' li propeet ut eb' li xtaql, naq kixye reheb': “Kanab'omaq xb'aanunkil li maa'usilal ut b'aanuhomaq li naxye linchaq'rab'. Paab'omaq lintaqlahom ut li waatin li kintijeb' wi' leena' leeyuwa' ut kink'ut cheru laa'ex chi xtz'uumal reheb' li propeet aj k'anjeleb' chiwu”.

Salmos 106:44

Ab'an li Qaawa' kiril xtoq'ob'aal ruheb' ut kirab'i naq yookeb' chi ayaynak xb'aan li rahilal.