Jueces 6:34 - Q'eqchi Bible

³⁴ Ab'an li xmusiq' li Qaawa' ki'eechanink re laj Jedehón, ut a'in kixyaab'asi li xxukub' re xb'oqb'aleb' laj Abiéser.

Li Santil hu

³⁴ Ut lix musikꞌ li Ka̱cuaꞌ quichal riqꞌuin laj Gedeón ut quixcꞌut chiru cꞌaꞌru tixba̱nu. Joꞌcan nak laj Gedeón quixya̱basi lix xucub re xbokbaleb chixjunileb li ralal xcꞌajol laj Abiezer.

Jueces 6:34 ပူးပေါင်းရင်းမြစ်များ

2 Crónicas 24:20

Toja' naq li xmusiq' li Yos ki'ok rik'in laj Sakarías, ralal laj Johadá laj tij, ut a'an kixxaqab' rib' chiruheb' li tenamit ut kixye: “Jo'ka'in xye li Qaawa': «K'a'ut naq nekeq'et xchaq'rab' li Qaawa'? Moko us ta tex'elq. Laa'ex xetz'eqtaana li Qaawa'; jo'kan naq A'an texxtz'eqtaana laa'ex»”.

1 Crónicas 12:18

Toja' naq laj Amasay, xjolomil li lajeeb' xka'k'aal, eek'asinb'il xb'aan li musiq'ej, kixye: “Tuqtuukilal cho'q aawe, at David, ralalat laj Jesé! Sahaq taxaq aach'ool! Chiwanq taxaq tuqtuukilal rik'ineb' li te'tenq'anq aawe, xb'aan naq laaYos nakatxtenq'a!”, chan. Laj David kixk'uleb' ut kixk'e xk'anjeleb' sa' xyanqeb' laj jolominel aj puub'.

Jueces 3:27

Naq kiwulak sa' xyanqeb' laj Israel, sa' li xtzuulul Efraín, kixyaab'asi li xukub' ut eb' laj Israel ke'kub'e chaq sa' li tzuul re chalk rik'in. Toja' naq kixk'e rib' chiruheb'

Jueces 3:10

Li xmusiq' li Qaawa' kichalk sa' xb'een laj Otoniel ut a'an kikanaak cho'q aj k'amol xb'eheb' laj Israel: koho chi yalok ut li Qaawa' kixq'axtesi sa' ruq' a'an laj Kusán Risatáhin, awab'ej re Edom, li kiq'axe'k ru.

Romanos 13:14

Tiqib'omaq eerib' rik'in li Qaawa' Jesukriist, ut mixik eech'ool chirix li maa'usilal re xb'aanunkil li nalajxrahi ru li qach'ool.

Gálatas 3:27

Relik chi yaal naq jo'k'ihalex li ak kub'enaq eeha' re li Kriist, xetiqib' eerib' rik'in li Kriist.

Salmos 51:11

Maak'e sa' aach'ool li xinmaakob'k wi', ut chawisi chixjunileb' linmaak chi junajwa.

1 Samuel 16:14

Li xmusiq' li Qaawa' kixkanab' laj Saúl ut jun li ink'a' usil musiq'ej taqlanb'il chaq xb'aan li Qaawa' kirahob'tesink re.

1 Samuel 11:6

Naq laj Saúl kirab'i a'an, ki'eechaniik xb'aan li xmusiq' li Yos ut k'ajo' naq kichalk xjosq'il.

1 Samuel 10:6

Toja' naq tatreechani li xmusiq' li Qaawa', tat-aatinaq jo'keb' a'an ut jalanaqat chik.

Jueces 15:14

Naq ke'wulak aran Lejí, japjookeb' re laj Filistea naq ke'xk'ul laj Sansón sa' li xtenamiteb'. Ab'an li xMusiq' li Qaawa' kichalk sa' xb'een laj Sansón ut a'in kixt'upiheb' li k'aam li b'ak'b'ookeb' wi' li ruq' ut li xtel, kama' wi' li k'atb'il noq', ut kik'ixonk li xb'ak'b'al sa' ruq'.

Jueces 14:19

Tikto ki'eechaniik xb'aan xMusiq' li Qaawa', koho Askalón ut aran kixkamsi lajeeb' xka'k'aal chi winq: kirisi li raq'eb' ut kixq'axtesiheb' reheb' li ke'q'ehink. Chirix a'an koho wi' chik sa' rochoch li xyuwa' chi k'ajo' xjosq'il,

Jueces 13:25

Ut li xMusiq' li Qaawa' ki'ok chi eek'ank rik'in, aran wankeb' wi' li xmuheb'aaleb' laj Dan, sa' xyanq Sorá ut Estahol.

Jueces 8:2

Ut laj Jedehón kixsumeheb': “K'aru xinb'aanu laa'in? Q'axal chik xeb'aanu laa'ex aj Efraín chiru li xqab'aanu laa'o.

Jueces 6:11

Toja' naq kichalk li x'ánjel li Qaawa' ut kolk'ojlaaq rub'el li ji wank aran Ofrá, reechanihom laj Johás, xkomoneb' laj Abiéser. Laj Jedehón, ralal laj Johás, yo chi tenok triiw chi muqmu sa' xyatz'leb'aal li uub', re naq ink'a' taa'ile'q xb'aaneb' laj Madián.

Josué 17:2

Jo'kan ajwi' ke'tz'aqk na'ajej eb' li xkomon li ralal xk'ajol laj Manasés, chi ch'uut: eb' li ralal xk'ajol laj Abiéser, eb' li ralal xk'ajol laj Jélek, eb' li ralal xk'ajol laj Asriel, eb' li ralal xk'ajol laj Sikem, eb' li ralal xk'ajol laj Jéfer ut eb' li ralal xk'ajol laj Semidá. A'aneb' a'in li ralal xk'ajol laj Manasés, a' li xb'een ralal laj José.

Números 10:3

Naq te'yaab'asiiq xkab'ichaleb' li tronpeet, chixjunil li komonil te'xch'utub' rib' chak'atq chiru li Loq'laj Na'ajej.

1 Samuel 13:3

Laj Jonatán kixkamsi jun ch'uuteb' aj Filistea li wankeb' aran Kibehá, ut eb' laj Filistea ke'rab'i resil. Toja' naq laj Saúl kixye naq chiyaab'asiiq li tronpeet sa' chixjunil li na'ajej, ut kixye: “Ab'ihomaq, ex aj Hebreo!

1 Crónicas 12:19

Wankeb' ajwi' aj Manasés ke'okenk chirix laj David, naq a'in koho chi yalok rik'in laj Saúl rochb'eeneb' laj Filistea. Ab'anan laj David ink'a' kiruuk xtenq'ankileb' laj Filistea, xb'aan naq eb' li neke'jolomink reheb' ke'xch'utub' rib' ut ke'xchaq'rab'i laj David; ke'xye: “Laj David tooxkamsi ut chi jo'kan taa'okenq chirix laj Saúl li xqaawa'”.