Jueces 6:31 - Q'eqchi Bible

³¹ Ab'anan laj Johás kixsume chixjunileb' li wankeb' chiru: “Ma laa'ex tab'i' texyaloq chirix laj Bahal? Ma laa'ex texkoloq re? Li ani tixyal xkolb'al rix laj Bahal, kamenaq chik naq taasaqewq wulaj. Wi yaal naq laj Bahal a'an Yos, chixkolaq rib', xb'aan naq xjuk'e'k li x'artal”, chan reheb'.

Li Santil hu

³¹ Laj Joás quixye reheb li cui̱nk li yo̱queb chi sutuc re: —¿Ma tex-oque̱nk chirix laj Baal? ¿Ma te̱yal xcolbal rix? Li ani tixyal xcolbal rix camenak chic nak ta̱sake̱uk cuulaj. Cui ya̱l nak Dios laj Baal, chixcolak rib chiruheb li queꞌjucꞌuc re lix artal, chan laj Joás.

Jueces 6:31 ပူးပေါင်းရင်းမြစ်များ

Efesios 5:11

ut mex'okenk chi xb'aanunkil xk'anjel li aak'ab' li maak'a' na'ok wi', jwal us b'an naq teerisi chi kutankil re xjitb'al.

1 Corintios 8:4

Chirix xtzekankil li k'aru mayejanb'il chiruheb' li jalanil yos, laa'o naqanaw naq li jalanil yos maak'a' na'ok wi' sa' ruuchich'och', ut li Yos jun ajwi' chirib'il.

Jeremías 10:11

Jo'ka'in teeye reheb' li tenamit maak'a' xpaab'aaleb', ex ralal xk'ajol laj Israel: “Eb' li yos, li ink'a' ke'yiib'ank re li choxach'och', te'oso'q junsut junrub'el choxa”, cha'qex.

Jeremías 10:5

Chanchaneb' li xxib'enkileb' li xul sa'eb' li awimq, xb'aan naq ink'a' neke'ruuk chi aatinak. Tento xpaqonkileb', xb'aan naq ink'a' neke'b'eek. Meexiwaheb', xb'aan naq maak'a' k'aru us neke'xb'aanu chi moko k'a' ta ru ink'a' us”.

Isaías 46:7

Neke'xk'am chi paqpo sa' xb'eeneb' xtel, neke'xxaqab' sa' xna'aj ut aran nakanaak chi junwaakaj; ink'a' na'elk sa' xna'aj. Us ta te'xjap reheb' chi xpatz'b'al xtenq'ankileb' chiru, ink'a' te'sumeeq chi moko te'kole'q chiru li rahilal.

Isaías 46:1

Li yos Bel ut li yos Nebo neke'tuuyank ut xe't'ane'k chiru ch'och'. Eb' li yos a'in neke'iiqaak xb'aaneb' li b'uur; k'amb'ileb' jo'eb' li iiq chirixeb' li tawajenaqeb' xul.

Isaías 41:23

Yehomaq resil li toxk'ulmanq moqon, re tqanaw naq laa'ex yosex. B'aanuhomaq junaq k'a'aq re ru, a' yaal ma chaab'il malaj ut ink'a', re naq ak wan wi' k'aru taaqil ut tooxiwaq xb'aan.

1 Reyes 18:40

Toja' naq laj Elías kixye reheb': “Chapomaqeb' li xpropeet laj Bahal, ut maajun reheb' chi'eleliq”. Ke'chapmank, ut laj Elías kixk'ameb' sa' li nima' Kisón ut aran kixkamsiheb' chi ch'iich'.

1 Reyes 18:29

Naq ak xnume'k wa'leb', aka'eb' chik li propeet ke'ok chi xpatz'b'al xk'ab'a' laj Bahal toj kiwulak xhonalil li mayejak; ab'anan maajun xyaab' kuxej ki'ab'iik, maa'ani kisumenk chaq.

1 Reyes 18:27

Ak xwa'leb'o'k chik naq laj Elías ki'ok chi xse'enkileb' ut kixye reheb': “Japomaq eere chi kaw, xb'aan naq a'an yos, ab'an mare laatz' ru, mare k'aru xk'ul malaj ut xkoho chi b'eek. Mare yo chi wark ut tento teerajsi chaq!”.

Números 14:6

Ut laj Josué, ralal laj Nun, rochb'een laj Kaleb, ralal laj Jefuné, (a'aneb' xkomoneb' li ke'wulak chaq chi rilb'al li na'ajej Kanahán) ke'xq'ich li raq'eb'

Éxodo 23:2

“Us ta q'axal naab'aleb' li neke'xb'aanu li ink'a' us, ab'an matxik chirixeb'. “Chiru laj raqol aatin maak'e aawib' sa' xyanqeb' li naab'aleb' li te'raj xsachb'al xwankil li yaal,

Jueces 6:30

Eb' li poyanam li wankeb' sa' li tenamit a'an ke'xye re laj Johás: “Isi qe laawalal ut chikamq, xb'aan naq xjuk' li x'artal laj Bahal ut xyok' li loq'laj che' li wank chi xk'atq”, chankeb' re.

Jueces 6:32

Chalen sa' li kutan a'an, Yerubahal chik kiyehe'k re laj Jedehón, ut neke'xye: “Chixkolaq rib' laj Bahal, xb'aan naq xjuk'e'k li x'artal!”.

1 Samuel 12:11

“Ut li Qaawa' kixtaqla laj Yerubahal, laj Bedán, laj Jefté ut laj Samuel re eekolb'al chiruheb' li xik' neke'ilok eere, ut chi jo'kan kexwank sa' tuqtuukilal.