Jueces 4:9 - Q'eqchi Bible

⁹ “Us b'i', tinxik chawix -chan lix Débora-. Ka'jan, maawa' laa'at taak'ehe'q aaloq'al sa' li nimla yalok tiklaak re anaqwan, xb'aan naq li Qaawa' tixq'axtesi laj Sísara sa' ruq' jun li ixq”. Toja' naq kixaqliik lix Débora ut koho rochb'een laj Barak aran Kadés.

Li Santil hu

⁹ Ut lix Débora quixye re laj Barac: —La̱in tinxic cha̱cuix. Abanan ma̱cuaꞌ la̱at ta̱qꞌuehekꞌ a̱lokꞌal nak ta̱cue̱chani li ple̱t, xban nak li Ka̱cuaꞌ tixkꞌaxtesi laj Sísara saꞌ rukꞌ jun li ixk, chan. Ut lix Débora co̱ chirix laj Barac saꞌ li tenamit Cedes.

Jueces 4:9 ပူးပေါင်းရင်းမြစ်များ

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

Jueces 2:14

Jo'kan naq li Qaawa' kichalk xjosq'il sa' xb'eeneb' laj Israel. Kixq'axtesiheb' sa' ruq'eb' laj elq' li ke'maq'ok chixjunil li k'aru wank reheb', kixk'ayeb' sa' ruq'eb' li xik' neke'ilok reheb', li wankeb' chi nach', ut ink'a' chik ke'xkuy xkolb'aleb' rib' chiruheb'.

2 Crónicas 26:18

Eb' a'in ink'a' kiwulak chiruheb' li kixb'aanu li awab'ej ut ke'xye re: “At Osías, moko xaqab'anb'ilat ta laa'at chi k'atok k'ajpom chiru li Qaawa'; a'eb' b'an laj tij, li ralal xk'ajoleb' laj Aharón, a'aneb' li xaqab'anb'ileb' chi xk'atb'al li k'ajpom. Jo'kan b'i', elen sa' li Loq'laj Na'ajej xb'aan naq xatmaakob'k ut moko aak'ulub' ta xk'ulb'al xloq'al li Qaawa' Yos!”.

Jueces 9:54

Tikto laj Abimélek kixb'oq laj k'anjel chiru ut kixye re: “Isi laach'iich' ut kamsihin, re naq ink'a' te'xye chiwix naq ixq xkamsink we”, chan. Laj k'anjel chiru kixnumsi chi ch'iich', ut jo'ka'in kikamk laj Abimélek.

Jueces 4:8

Kichaq'ok laj Barak ut kixye: “Wi tatchalq laa'at chiwix, tinxik; ab'anan wi ink'a' nakatchalk chiwix, ink'a' tinxik”, chan.

Jueces 9:53

Toja' naq jun li ixq kixkut jun nimla ke'leb' sa' xb'een ut kijore'k li xjolom.