Jueces 4:7 - Q'eqchi Bible

⁷ Laa'in tink'am chaq aawik'in, chire li nima' Kisón, laj Sísara, xjolomileb' laj puub' re laj Jabín, rochb'eeneb' li xb'eleb'aal ch'iich' ut eb' laj puub'. Te'chalq chi yalok aawik'in, ab'an laa'in tinq'axtesiheb' sa' laawuq'»?”.

Li Santil hu

⁷ La̱in tinba̱nu̱nk re nak teꞌcha̱lk laj Sísara cuan cuiꞌ li nimaꞌ Cisón. Laj Sísara, aꞌan li nacꞌamoc be chiruheb lix soldado li rey Jabín. Teꞌcha̱lk chi pletic e̱riqꞌuin rochbeneb lix soldado ut lix carruaje re pletic. La̱in tatinqꞌue chi numta̱c saꞌ xbe̱neb,” chan li Ka̱cuaꞌ.—

Jueces 4:7 ပူးပေါင်းရင်းမြစ်များ

1 Reyes 18:40

Toja' naq laj Elías kixye reheb': “Chapomaqeb' li xpropeet laj Bahal, ut maajun reheb' chi'eleliq”. Ke'chapmank, ut laj Elías kixk'ameb' sa' li nima' Kisón ut aran kixkamsiheb' chi ch'iich'.

Jueces 5:21

Li nima' Kisón, li najteril roqha' kikelonk reheb'. Kawaq aach'ool, at waanm, b'ehen chi maak'a'aq aaxiw!

1 Samuel 24:18

Sa' li kutan a'in xak'ut chiwu laachaab'ilal, xb'aan naq li Qaawa' xinxk'e sa' laawuq', ab'an laa'at ink'a' xinaakamsi.

1 Samuel 24:10

Anaqwan ajwi' xak'e reetal naq li Qaawa' xatxk'e sa' wuq' sa' li ochoch pek. Wankeb' li xe'xye we naq tatinkamsi, ab'anan xinkuy aamaak xb'aan naq xinye sa' inch'ool: «Ink'a' tintaqsi wuq' sa' xb'een laj eechal we, xb'aan naq a'an yulb'il xb'aan li Qaawa'».

Jueces 4:14

Toja' naq kixye lix Débora re laj Barak: “Xaqlin, xb'aan naq anaqwan xkutankil naq li Qaawa' tixq'axtesi sa' laawuq' laj Sísara. Li Qaawa' a'an aj k'amol b'e chawu”, chan. Laj Barak kikub'eek chiru li tzuul Tabor ut kitaaqeek xb'aaneb' li lajeeb' mil chi winq,

Josué 10:8

Ut li Qaawa' kixye re laj Josué: “Maaxiwa ruheb' xb'aan naq xink'eheb' sa' laawuq'; maajun reheb' truuq taakuyuq sa' aawuq'”, chan.

Josué 8:7

Toja' naq laa'ex tex'elq chaq sa' li na'ajej muqmuukex wi', ut teereechani li tenamit: li Qaawa' leeYos taak'ehoq re sa' leeruq'.

Éxodo 21:13

ab'an, wi ink'a' xram sa' b'e, yal b'an li Yos xk'ehok re sa' ruq', laa'in tink'ut chawu jun li na'ajej b'arwi' toxmuq chaq rib'.

Éxodo 14:4

Ab'an laa'in tinkawub'resi xch'ool laj Parahón re naq tixchap raanil cherix. Toja' naq tink'ut inloq'al rik'in xsachb'al xwankil laj Parahón ut eb' laj puub'. Ut eb' laj Ejiipt te'xnaw naq laa'in li Qaawa'”. Eb' laj Israel ke'xb'aanu chi jo'kan.

Josué 11:20

Li Qaawa' kixk'e xkawilaleb' xch'ool chixjunileb' li tenamit a'an re yalok rik'ineb' laj Israel, re naq te'sache'q ru chi junajwa, jo' kixye li Qaawa' re laj Moisés.

Josué 11:6

Tojo' naq li Qaawa' kixye re laj Josué: “Matxiwak xb'aan naq wulaj, sa' ajwi' li honal a'in, te'kamq chixjunileb' chiruheb' laj Israel. Ut laa'at taatoq roqeb' li xkawaayeb' ut taak'e xxamlel li xb'eleb'aal ch'iich'eb'”, chan li Yos.

Jueces 4:8

Kichaq'ok laj Barak ut kixye: “Wi tatchalq laa'at chiwix, tinxik; ab'anan wi ink'a' nakatchalk chiwix, ink'a' tinxik”, chan.

Éxodo 14:8

Li Qaawa' kixkawub'resi xch'ool laj Parahón, awab'ej re Ejiipt, re naq tixtaaqeheb' laj Israel naq yookeb' chi elk chi kaweb' xch'ool.

Éxodo 14:17

K'e reetal, laa'in tinkawub'resi xch'ooleb' laj Ejiipt re naq te'xik cherix. Toja' naq taanimaaq inloq'al naq tinsach xwankil laj Parahón ut chixjunileb' laj puub', li xb'eleb'aal ch'iich' ut li wankeb' chirixeb' li kawaay.